~ضياء الروجيد~ |مكتملة|

الجزء 22

كل مرة روجدا كا تصدمهم بكلامها و تصرفاتها الغير متوقعة..و بلي هي شخص محل الثقة و ضريفة..عكس لي كا تحاول تبين..و مياسين كل مرة و في كل موقف كا تزيد تأكد من أنها كانت غالطة بحكمها بأنها وقحة و متكبرة..و فهمات علاش كا تبين شخصيتها بديك الطريقة .فهي شابة تحرمات من بزاف ديال الأشياء..و مازال محرومة..
فكرات تزيد تزعم..و تكون علاقة صداقة بيناتهم..و ما غاديش تقلق من كلامها حيت هذاك هو طبعها لي ما تقدرش تغيرو..
مياسين:روجدا
روجدا(ما راشقاش ليها):نعام
مياسين:بغيت نعطيك هدية..
روجدا:بأي مناسبة ؟
مياسين:الهدايا كا يفرحوا الناس..و ماشي ضروري يتعطاو غير في المناسبات باش نفرحوهم..
روجدا(فهمات قصدها):و لعلمك الى ما عجباتنيش الهدية غادي نقولها ليك بصراحة
مياسين(ضحكات):موافقة
و عطاتها نفس الهدية لي عطاتها لروسيل..و هي رسمة لروجدا مع والديها..زائد رسمة أخرى فيها هي و روسيل و والديها..روجدا ابتسمت و بقات كا تشوف فيهم لثواني..حتى هزات راسها في مياسين لي كا تسنى ردها بفارغ الصبر..
روجدا(بامتنان):شكرا بزااف..عندنا صور معاهم و حنا صغار..و نتي قدرتي تجمعينا و حنا شباب..شكرا مياسين..
كانت عارفة ردة فعلها غادي تكون بحال روسيل..الشيئ لي خلاها تفرح من داخلها..مياسين إنسانة كا تحب تفرح الناس بأشياء بسيطة..ما كا تبغيش تشوف الأشخاص لي قراب ليها مقلقين..كا تبغي دير أي حاجة باش تخليهم يبتاسمو..و روسيل و روجدا..ولفاتهم و ولفات وجودهم في حياتها و خاصة روسيل..و لي كا تشوفوا بنظرة كبيرة
مياسين:تخرجي معايا ؟
روجدا:فين ؟
مياسين:غير قولي أه بليز
روجدا:فين روسيل ؟
مياسين:خرج مع أصيل..و خديت الإذن من أصيل غير وافقي..
ما بغاتش ترفض طلبها و خاصة بعد الهدية..و وافقت..

***

و ضروري روجدا تخرج الجانب الشيطاني منها و تزيد الإثارة..بحيث الآن كا تجادل مع مياسين على سياقة السيارة
روجدا:أنا لي غاديي نسووق
مياسين:حماقيتي ؟؟ كا تعرفي بعدا ؟؟
روجدا(بهدوء):خوك علمني..
مياسين:أصيل بزز حتى خلاني نخرج بدون سائق و نتي باغا تخرجي عليا
روجدا:هذا هو الشرط ديالي باش نخرج معاك..
مياسين:كا تكوني ضريفة و كا تقلبي..ياك كا تعرفي..ما كا تكذبيش عليا ؟
روجدا:ما تخافيش..ركبي
سلمات أمرها للواقع و تبعاتها..ما بغاتش تجادل معاها أكثر..بالعكس بغات تخرج معاها و يبدلو الجو

***
الفكرة كانت سيئة و خاصة بعد ما جابتها لصالون النساء..
روجدا:كا ضحكي عليا ياك ؟
مياسين:مالك ؟
روجدا:هاذ المكان فيه بزاااف ديال الأنوثة لي ما كا نقدرش نستحملها..
مياسين(كا طنز عليها): واقيلا نتي أنثى
روجدا:لا
مياسين:غادي يعجبك الحال..
و جراتها بزز منها..و روجدا كا تشوف في النساء بمختلف الأعمار كل واحدة و شنو كا دير..
مياسين:نقادو ضفارنا و نصبغوهم هو الأول
خلاتها تبدا هي الأولى..و هي كا تكتاشف أكثرالمكان..و بقات كا تشوف في بنت شعرها طويل و قطعاتو..و جاتها الفكرة بأنها تقطعو..و بدون شعور بدات كا دوز بيديها على شعرها و كا تفكر..عمرها قطعاتو و عمرها صبغاتو..بغات تجرب تقطعو..و كيفاش غادي تبان الى قطعاتو و خاصة أنه طويل بزاف..واصل للخصر ديالها..حتى جات نوبتها باش تصبغ أضافرها و اختارت اللون الأسود..عكس مياسين لي اختارت اللون الزهري..
ما تنكرش بلي عجبوها أضفارها بعد ما سالات..أول تجربة لها و عجباتها..و زادت تحمسات أكثر باش تقطع شعرها
روجدا:بغيت نقطع شعري
مياسين(صدماتها):متأكد؟؟ شعرك طويل و زوين
روجدا:بغيت نقطعو
مياسين:متأكدة؟؟ عنداك تندمي
روجدا:كا تقولي ليا بلي ما غاديش يجي كعايا الى قطعتو ؟
مياسين:لا بالعكس..غير ما بغيتكش تندمي من بعد
روجدا:عمرني ندمت على شي قرار في حياتي..و غادي نصبغو باللون الأسود..مليت من هاذ اللون..
و على إصرارها قطعات شعرها..الطول ديالو وصل لكتفها..كا تبان مبدلة..مجرد تغيير صغير كا تبان شخص آخر..و عجبها و هو قصير..كا تحس براسها خفيفة..
مياسين:واااااو..جاك زويين بزاااف