~ضياء الروجيد~ |مكتملة|

الجزء 32

تحل الباب ببطئ..و دخلات روجدا لي ما كانتش متوقعة تلقاهم في هاد الوضع..يولاند فوق مياسين..و مياسين لاوية عليها رجليها من ضهرها..و شعرها طالع للسما..
روجدا:احم.. جيت ناخد الشارجور من عند مياسين..ديالي خسر..
يولاند:قربي..
قربات عندهم باستغراب من طلبها..ما إن قربات يولاند جراتها بجهد و لاحتها على ظهرها بجانب مياسين..و جلسات وسطهم كا تشوف فيهم
يولاند:تنضمي لينا ؟
و بدات كا دغدغها في كرشها..و روجدا كا تموت بالضحك و كا تحاول تحبسها..
روجدا(بكلمات متقطع):لا..لا..ع..فاك..باراكا..
يولاند عجاتها ضحكتها و صراخها بسبب الضحك..و كملات
دازت دقائق حبسات..و روجدا سخفانة..شعرها و حوايجها مخربقين..
يولاند:ضحكتك زوينة بزاف.. ما تبقايش تخبيها..
مياسين:أول مرة كا نسمعها..زويينة..خاصك تولي ضحكي أكثر
روجدا:جيت على قبل شارجور..و لقيت راسي في معركة
يولاند:ايثان غادي يجري عليا من الدار..
مياسين:ما يسخاش بيك ا الزين..
صيفطات ليها بوسة في الهواء و خرجات
روجدا:ماماك عندها روح شبابية بزااف..و كا تبان صغيرة
مياسين:بصح مازال ما دخلات للخمسينيات..تزوجات صغيرة
روجدا:عجباتني شخصيتها..نتي محظوظة بأم بحالها..
مياسين(بتردد):حتى نتي محظوظة بوالديك..يعني الوالدين كا يتشاركو نفس الأدوار..و ضروري يكونوا الإيجابيات و السلبيات ما كايناش المثالية التامة
روجدا حركات راسها بالايجاب..خدات من عندها الشارجور و مشات تنعس..

***
ملي جاو و هما باغين يخرجو يكتاشفو الطبيعة..صباحهم بدا بحماس حيت غادي يخرجو في مغامرة..و لكن ما إن عرفو يولاند ناوية تصبغ غرفتين ضروري اليوم..قررو يعاونوها و يأجلو رحلتهم للغد..
يولاند:غير خرجو انا قادا بشغلي
أصيل:مازال رجليك ضاراك غير جلسي..حنا غادي نتعاونوا..
يولاند:شكرا ليكم أ وليداتي..
مياسين مع روسيل في غرفة..و أصيل و روجدا في غرفة أخرى..
مياسين متوترة من وجوده معاها في غرفة واحدة و بوحدهم..حاولات ما تبينش توترها و بدات كا تصبغ في الحيط المقابل مع الحيط لي كا يصبغ فيه..يعني بجوجهم عاطيين بالضهر لبعضياتهم..
و روسيل مرة مرة يدور يشوفها و يرجع يكمل..جاتو غريبة تكون ساكتة و باردة بهاد الطريقة..
و هو كا يصبغ و في نفس الوقت كا يفكر كيفاش يهضر معاها و يشرح ليها..

نتاقلو من جو الصمت و التجاهل..لجو الصراع بين روجدا و أصيل..
روجدا:اناا غادي نطلع في هاد السلم باش نصبغ الفوق و نتا غادي تصبغ التحت
أصيل:نزلي..غادي طيحي..
روجدا:ما غاديش نطيح..واا طلق
واقفة في الدرجة الأولى و هو شادها باش ما تزيدش طلع و هي كا تعاند معاه بحركاتها باش يطلقها..
روجدا:را كا نعرف نشد التوازن
أصيل:عمرك طلعتي فيه ؟
روجدا:لا(بغا يجرها اكثر)وااا أصييل..وا صافي حتى الى طحت غادي نوض عادي..نسيتي بلي دفعتيني من الشرجم بلا رحمة اولا شفقة..صافي دابا ولا عندك قلب ؟
أصيل(شاداه الضحكة):كنت عارف بلي ما غاديش تآذاي..
روجدا:حتى دابا ما غادي يوقع والو..
تأكد من أن السلم واقف مزيان و خلاها
أصيل:باغا تجربي كولشي ؟ جربي حتى الموت
و بدا كا يصبغ بجانبها و راد معاها البال باش ما طيحش..