في أغلب الحكايات الرومانسية البطل و البطلة كا يكرهو بعضياتهم في الأول و حتى واحد ما كا يحمل الآخر..و لكن و بسبب تعدد المواقف و الصدف كا تكون مشاعر بيناتهم و تختفي مشاعر الكره و البغض..
طبيعة العلاقة..لي كانت في الأول بين روجدا و أصيل.. تقريبا كما هو مشاع و موجود في بدايات العلاقات العاطفية..من غير أنهم ما كانش بيناتهم كره حقيقي.. فقط كل واحد فيهم ما كانش كا يستحمل بعض الصفات من شخصية الآخر..لهذا كان القمع التجاهل و الاستفزاز بيناتهم..و لكن و بسرعة تغيرات النظرة..و ظهرو مشاعر و أحاسيس جديدة..
و طبعا هادشي كامل ما عاطينوش أهمية..يعني هاد التفاصيل غير مهمة بالنسبة ليهم نساوها..كا يفكروا في الحاضر و المستقبل فقط..
و لكن وسط حكايتهم كاينة عيون كا تراقبهم..عيون مياسين..إنسانة حياتها كاملة و هي كا طمح لعلاقة عاطفية مثالية مع الشخص المناسب لي تجرب معاه و تعيش معاه جميع اللحظات لي تخايلاتهم..
و بالنسبة ليها علاقة روجدا و أصيل هي مثال العلاقة لي كانت نوعا ما باغا تكون فيها..و تصدمات من أصيل.. لي ماكنتش متوقعة منه أنه ينفتح لفتاة بسهولة و في مدة قصيرة..
من دائما كا تآمن بلي الشخصين لي كا يكونوا مختالفين في تفكيرهم طباعهم و صفاتهم..كا يدخلو في علاقة..و خير مثال روجدا و أصيل.. كل واحد و طبعه..
تقربو من بعضياتهم أكثر..و كأن قانون الحياة أنه كل ما كانوا الشخصين مختلفين على بعضياتهم كلما تقربو..
و مياسين عندها تطلعات و سيناريوات تخايلاتهم في دماغها و تمنات تعيشهم..
و ها هي الآن لقات شاب بشخصية و صفات زوينة..كا تبغيه و كا يبغيها..و مع ذلك كا تحس بلي ناقصة شي حاجة..و المشكلة أنهم بجوج ما عندهم حتى تجربة و كل واحد منهم كا يتسنى من الآخر الخطوة التالية خاصة مياسين..
واقفين كا يكملو الصباغة لي بداوها داك النهار..و مياسين باغا تجبد الموضوع بأي طريقة..و تشير لبعض النقاط بطرق غير مباشرة
مياسين:شنو بان ليك في زواجهم ؟
روسيل:عارف بلي في الأول كانت مجرد مزحة..و لكن الى كانت غادي تحول لحقيقة ما عنديش مشكل..حياتهم هاديك..و نتي ؟
مياسين:استغربت في الأول..حيت أصيل عمرو جبد موضوع الزواج..و كان دائما كا يتهرب من ماما ملي كا تلمح ليه..و كما قلتي حياتهم هاديك..و بالعكس غادي نفرح ليهم
روسيل:حتى أنا فرحان و غادي نزيد نفرح..حيت التوأم ديالي قدرات تلقا لي يبغيها..يخاف عليها.. و يحميها ..و قادر يدير على قبلها الكثير(ابتسم)مازال ما متيق بلي عشت و شفت روجدا كا تهتم لشخص آخر..ما كنتش متوقع الصراحة
مياسين:و نتا؟
روسيل:أنا ؟ مالي أنا ؟
مياسين:شنو كانو خططك ملي ترجع من الفضاء؟
روسيل:نتعايش وسط مجتمع..و بجانب عائلة أصدقاء..نشوف و نجرب أي حاجة تحرمت منها..و نستقر مع ختي نكملو حياتنا بجوج..و نحققو أحلامنا بجوج للأبد..
مياسين(كلامو خربقها):و مازال كا تفكر هكذا ؟
روسيل(حط داكشي من يديه و تقابل معاها):و في نظرك؟
مياسين(نظراتو وتروها):ما عرفتش..
روسيل(باستغراب):هادشي كامل و ما عرفتيش ؟ الفكرة ما واضحاش ؟
مياسين:لا ما واضحاش
روسيل:و شنو ندير باش نوضحها ليك..اعترفت ليك..
مياسين:اه.. اعترفت ليك أنا الأولى..و ا عترفتي ليا نتا من بعد..ايوا ؟ صافي غير هكذا غادي يتم الوضع ؟ و غادي نكملو حياتنا عادي كأنه ما كاين حتى تغيير؟
أنت تقرأ
~ضياء الروجيد~ |مكتملة|
Roman d'amourرواية رومانسية كوميدية ..تحكي قصة حب و هوس بين عالمين ذكيين قرروا يعيشوا في الفضاء بحثا عن السلم و الأمان..لكن ما كانوش متوقعين أن أنانيتهم غادي تغير مجرى مستقبل أبنائهم التوأم..لي غادي يواجهوا صعوبات لوحدهم في الفضاء بعد موت والديهم..و صعوبات باش ي...
