~ضياء الروجيد~ |مكتملة|

الجزء 17

الأم(بتسائل):روجدا ياك (حركات ليها راسها بالايجاب)زوينة بزااف..
حشمات من مجاملتها..
الأب:تشرفنا بمعرفتكم..مياسين عاودات عليكم بزااف..
مياسين خافت يفهموها غلط..و يسحاب ليهم بلي كانت كا تهضر عليهم بالسوء
مياسين:غير شوية
الأم(كا ضحك):ما تخافوش عاودات عليكم غير بالخير..سمعت على أنكم توأم و كان كا يسحاب ليا غادي تكونوا كا تشابهو..و لكن العكس..المهم بجوجكم زوينين
روسيل و روجدا:شكراا..
روسيل بقا جالس حدا مياسين لي كا تهضر مع والديها و كا دخلو في المحادثة

روجدا بعدات عليهم..وقفات مربعة يديها..في يديها كاس ديال العصير كا ترشف منو..حتى وقف بجانبها أصيل..كا يشوف في الأمام بحالها
روجدا:وقت ما نحس براسي ماشي هي هاديك نلقاك حدايا؟
أصيل:مالك ؟ مزاجك تقلب بعد ما هضرتي مع والديا..
روجدا:وليتي كا تراقبني..(بعد صمت)ما تقلقتش من والديك..بالعكس كا يبانوا ضريفين(تنهدات بجهد)غير تخايلت راسي في مكان مياسين..تخايلت والديا كا يسولوا فيا..كا يبتاسموا ليا..كا يضحكوا معايا..في الأول ما كنتش كا نعطي أهمية لعدم وجودهم في حياتي..أه كنت كا نتفكرهم و لكن كنت حاقدة عليهم..و لكن دابا(سكتات شوية)ملي كا نشوف أمثلة قدامي..و الدور الحقيقي ديال الوالدين..كا نفتقدهم..و كا نتمنى نحس بدوك المشاعر و الأحاسيس(شافت فيه)أنا عارفة بلي غادي ندم من بعد حيت وريتك الضعف ديالي..
أصيل:هذا ماشي ضعف..و ما يمكنش دائما تبقاي ساكتة و تبيني راسك قوية و خاصة أنك في هاذ العمر..
روجدا:ما تخلينيش ندم حيت كا نهضر ليك على مشاعري بلا نحس..ما تستعملش ضدي هاذ الضعف..واخة يوقع لي يوقع..حيت الى درتيها غادي نكره راسي هو الأول حيت وريتك نقاط ضعفي..و غادي نكرهك..
أصيل:ماشي من طبيعتي..و لثاني مرة غادي نقولها هذا ماشي ضعف..هادي حاجة طبيعية تهضري على لي ضارك..
روجدا:موسيو روبوت كا نظن غادي نسحب كلامي بنسبة 1% بلي ما عندكش قلب..

أصيل عارفها باغا تقلب الموضوع..
أصيل(باغي يكمل في نفس السياق الأول):على الأقل عندك خوك..واجهتو مصاعب بجوج وغادي تكملوا بجوج...
روجدا(باستهزاء):خويا لي أكثر من سيمانة ما هضر معايا
أصيل:هضري معاه نتي
روجدا:واو نصيحة ذهبية..را هو لي مقلق
أصيل:يمكن يسحاب ليه بلي نتي مقلقة منو..حيت بجوجكم ما كا تبينوش بلي باغين تهضرو مع بعضياتكم..
روجدا:هو عارفني كيف دايرة ما كا نتنازلش..و كرامتي فوق كل شيئ
أصيل:هذا التوأم ديالك ماشي شيئ
روجدا(بغضب مصطنع):عاوتاني كا تقاطع كلماتي المجيدة
أصيل(ربت على كتفها):هضري معاه

و رجع للداخل..لقا مياسين سالات المكالمة..و من بعد التحقت بهم روجدا
أصيل(مد ليها كرطونة صغيرة مغلفة):هديتك
شداتها من عندو بحماس..و بدات كا تحلها تحت أنظار الجميع..
غير شافت هديتها عنقاتو
مياسين:زوييينة..عجبااتني بزاااااف..شكرا
أصيل:صاوبتها على قبلك
مياسين(بصدمة):كا ضحك معايا(ملامحه كانت جدية)بصح؟؟ وااااو..شكرااا
و الهدية كانت عبارة على لوحة الطلاء من زجاج..و عليها رسومات صغار و بساط على الورود مزينين اللوحة بطريقة جميلة..
روجدا:احم..ما كنتش عارفا كا تعطيو الهدايا في العيد ميلاد..
مياسين:ماشي مشكل
روجدا:وجودي بحد ذاته را هدية
مياسين(كا ضحك):طبعا
خلاهم أصيل و طلع ينعس
مياسين:باقا ما متيقاش بلي خويا صاوبها ليا..
روجدا:حتى أنا..ما فهمتش منين جاه الخاطر باش يصاوبها
مياسين(بافتخار):حيت أنا عزيزة عليه..و حتى هو كا يعرف يرسم و لكن ما ما يبينش..
روجدا:همم..نمشي نكمل ديك الكيكة بنينة..