~ضياء الروجيد~ |مكتملة|

الجزء14

لحظة صمت..حتى واحد ما عارف شنو يقول تاني..و قررت مياسين تنساحب بابتسامة ودودة..و في طريقها تلاقات مع روجدا
روجدا:علاش كنتي واقفة مع خويا؟
مياسين:علاش كنتي خارجة مع خويا؟
روجدا:باغا تشفريه
مياسين:على أساس عندو 5 سنين باش نشفرو..
روجدا:خويا غادي يبقا معايا غير أنا بلاما تحاولي..
مياسين:ما عرفتش شنو كا تقصدي..
روجدا: نتي كا تقلبي على شي حاجة لي ماغاديش تلقايها عند خويا
مياسين:و شنو هي هاد الحاجة؟
روجدا:الحب..كاين حب واحد هو الأخوة لي بيناتنا
مياسين:واش دابا الى هضرت معاه إذن كا نبغيه ؟
روجدا:طريقة الهضرة..و النظرات..
مياسين:حماقيتي..
روجدا:مهم أنا علمتك..كاينا حاجة واحدة"روجدا و روسيل"
مياسين:و حتى نتي ديري في بالك حاجة واحدة"أصيل و مياسين"
روجدا:خوك را حجرة ماشي بشر..ما كاينا حتى حاجة غادي تجمعنا..و لكن نتي و خويا تلاقيتو..مشاعر متدفقة

مياسين:مع كامل الأسف..كنت باغا تجمعني بيك علاقة صداقة..و لكن نتي كا تهضري معايا بهاذ الطريقة..كا تعصبيني
روجدا:و علاش باغا تكوني صداقة بيناتنا ؟ ما عندكش صديقات ؟
مياسين:لا
روجدا:العجب..أنا بعدا عندي عذر..كنت في الفضاء يالاه بديت كا نكون علاقات مع البشر بعدا..و نتي شنو هو عذرك ؟
مياسين(تنهدات):أصيل..ما كا يخلينيش نخرج بزاف..أولا ندير صحابات
روجدا:معقد..واش غادي تبقاي حياتك كاملة عايشة تحت جناح خوك و ماديري والو
مياسين:كا يخاف عليا..و أنا لي اختاريت نكون حداه..
روجدا:ايوا نتي لي ختاريتي الموت البطيئ..
مياسين:و الله حتى حنين غير ما كا يبينش..
روجدا:مضحك..غادي نبقا دائما كا نشوفوا تمثال ديال الحجر..مهم باختصار بعدي من روسيل
مياسين: نتي النسخة الأنثوية من أصيل..
روجدا:و نتي النسخة الغبية منو..
و كل واحدة مشات من طريق منفخة على الأخرى..و لكن بدون حقد أو كره..

**********

روجدا:بما أنكم كا طلبوا فيا و بصح محتاجين للماسعدة ديالي لهاذ الدرجة..إذن غادي نقبل
بثلاثة كا يشوفو فيها..
أصيل(موجه كلامو ليريني):روسيل في الكفاية
ريني(مبتاسم):غادي نحتاجوها..
روجدا:صافي بلا تقلبو على طريقة اخرى باش تقنعوني..را قبلت..
أصيل(بشك):بدون أي شروط ؟
روجدا:ممكن يكونوا شروط و لكن حتى لمن بعد و نقولهم..و اصلا ما نقدرش نخلي خويا معاكم..
روسيل ساكت ما كا يجاوبهاش..و ما مسوقش ليها..
روجدا(باستهزاء):لي أصلا ما مسوقش ليا
أصيل:يالاه نمشيو..

********

دخلوا لنفس المكان لي متواجدة فيه المركبة..و لكن هاذ المرة داخل قاعة كبيرة و فيها بعض الأشخاص..لي غير حسو بوجودهم توقفو عن الحركة و بقاو كا يشوفوا فيهم باستغراب..بعد ما جلس أصيل كولشي جلس من بعد و طبعا مترأس الطاولة الكبيرة..
أصيل:عصابة أخرى زادت بزاف في الجرائم ديالها..كا يخطفو الأطفال و كا يبيعوهم باش ياخذو أعضائهم..أو يعطيوهم لعائلات تربيهم..أولا كا يغتاصبوهم..أولا كا يخليوهم عندهم و يطلبو فدية من آبائهم..
كا يهضر و كا يشير في ليكغون..
أصيل: و هذا هو الرئيس..طبعا الخدمة ديالنا باينا..و لكن هاذ المرة و بما أنه لي كا يهتم بأمر الترصد مريض.. فروجدا و روسيل غادي يساعدونا..
جلسوا أمام حواسيب..و أيدي بجانبهم..كا يساعدهم..و أصيل واقف ورائهم مراقبهم..و مراقب حركاتهم و كيف مركزين على الحاسوب و كا يدقوا بعينيهم..
داز وقت قليل و تمكنوا يلقاو مكانه الحالي..