وسط أهازيج الأباء و العائلات لي جالسين على المدرجات..و المدربين لي كا يوجدو في المتسابقين..و كا يعطيوهم آخر التعليمات..روجدا بكل حماس كا تشوف في بنتها "ياسمين" ذات 6 سنوات بالمايو كا تستعد..روجدا حسات بالتوتر بسبب تأخر أصيل لي كان خاصو يكون متواجد ساعة قبل الوقت..غير مياسين و روسيل لي متواجدين معاها..
روجدا:تعطل بزااااف و ياسمين غادي تبدا دابا..
روسيل:ما تخافيش غادي يوصل في الوقت..
و فجأة ظهر أصيل لي جاي باتجاههم كا يجري..وقف كا يلهت و كا يتسرجع أنفاسه..
روجدا:تعطلتي..
أصيل(كا يضور راسو يتأكد بلي مازال ما بداو):ماشي بيدي..الطريق كانت عامرة..
مياسين:ما تخافش..جيتي في الوقت..غادي يبداو دابا..
ياسمين شافت في المدرجات للمرة الأخيرة باش تأكد من حضور الأب ديالها..حيت لاحظات غيابه في الأول..أصيل شير ليها و ردت ليه الإشارة..و زادت الثقة و العزيمة في نفسها بالفوز..
هبطات نظاراتها على عينيها..تقادات في وضعيتها..و ما إن سمعت صوت الصفارة..قفزات في المسبح رفق 10 أطفال آخرين في نفس عمرها..و بداو كا يسبحوا بسرعة..
الصمت..كولشي في القاعة الكبيرة ساكت مخلينهم يركزو ..و كا يتسناو شكون غادي يربح..
و إنتهى السباق بفوز ياسمين بالمرتبة الأولى..روجدا و مياسين كا ينقزو بالفرحة..أصيل كا يصفق و فرحان ببنتو..روسيل ما كا يضيع حتى فرصة بالتصوير و في نفس الوقت راد البال مع مياسين..
روسيل:ما تبقايش تنقزي بزااف..راك حاملة..
مياسين(عنقاتو ما مسوقاش):ياسمين ربحاااات..و لاهيلا قوية ديك البنت..
روجدا(معنقة أصيل):بنتنا ربحات..
أصيل:أحسن سباحة في العالم..
ياسمين بدورها فرحانة بفوزها..و ما كرهاتش تمشي تعنق والديها..و لكن ضروري تاخد ميداليتها و شهادتها هو الأول..
على منصة صغيرة واقفين طفلين حائزين على مرتبة الثانية و الثالثة..و وسطهم ياسمين الحائزة على المرتبة الأولى..عطاوهم ورود شواهد و ميداليات مختلفة على حسب المرتبة..و أخيرا عطاو لياسمين كأس ذهبي صغير..
كل هاد الجوائز خلاوها سعيدة و غير كا تشوف فيهم..
في اللحظة لي ياسمين كا تشوف في جائزتها..أصيل و روجدا كا يشوفوا فيها كأكبر و أحسن جائزة وقعات في حياتهم..و لي ولات كا تعني ليهم الحياة كاملة..جائزة لصبرهم و تضحياتهم..
جائزة لخصت قصة حبهم..
♡♡♡النهاية♡♡♡
/----نهاية رواية ضياء الروجيد ----/
/-------------كلمات أخيرة ------------/
و أخيرا أنهيت ثاني رواية..لي طولت فيها بما فيه الكفاية..و خدات وقت أطول من المتوقع بسبب دراستي..
رواية بفكرة بسيطة حاولت نصنع منها أحداث كثيرة..تعلقت بيها و بشخصياتها..استمتعت في كتابتها و كا نتمنى حتى نتوما تكونوا استمتعو بقراءتها و تكون نالت إعجابكم..
غادي نرجع ليها من بعد باش نصحح بعض الأخطاء اللغوية و الأفكار الغير المفهومة..
و نتلاقاو في رواية جديدة.. و لي غادي تكون واقعية 100% بدون أي حدث خيالي أو خارج على المنطق و غادي نركز على شخصيتين أساسيتين فقط..كثرة الشخصيات كا تلف😂
المهم شكرا لأي واحد قرا الرواية حتى الأخير❤
شكرا على 2.7k views ❤
أنت تقرأ
~ضياء الروجيد~ |مكتملة|
Lãng mạnرواية رومانسية كوميدية ..تحكي قصة حب و هوس بين عالمين ذكيين قرروا يعيشوا في الفضاء بحثا عن السلم و الأمان..لكن ما كانوش متوقعين أن أنانيتهم غادي تغير مجرى مستقبل أبنائهم التوأم..لي غادي يواجهوا صعوبات لوحدهم في الفضاء بعد موت والديهم..و صعوبات باش ي...
