ككل مرة كا يجيها الجوع كا تسلت للمطبخ باش تلقا شي حاجة تاكلها..حتى سمعات أصوات خطوات ورائها..دورات راسها ببطئ كا تقلب على المصدر..و مستعدة باش دافع على راسها..ما بان ليها والو..ظنت أنها فقط تخايلات الأصوات.. بغات تكمل طريقها..لكن شخص جا من ورائها و بغا يقجها..و بسبب تدريب أصيل قدرات تفك منو بصعوبة..و حتى هو أقوى منها عاود شدها بدات كا ضرب بيديها لكرشو..حتى جا شخص آخر قدامها و بدات كا تحاول ضربو برجليها..حتى تمكنات من ضربه في وجهو حتى رجع للوراء شاد نيفو..و زادت تحمست أكثر باش تفك من لي شادها..و لكن الشخص لي ضرباتو عاود قرب ليها و بسرعة حط كلينيكس على نيفها و بدات كا تسد عينيها ببطئ رغم مقاومتها..و في الأخير غيبات..
بمجرد ما تخوا عليها الماء.. شهقات بجهد..سادين ليها عينيها و فمها..و رابطين ليها رجليها و كرشها و يديها مع الكرسي..واش هذا حلم ؟فين هي ؟ و شكون دوك الأشخاص ؟ و علاش رابطينها ؟
بدات كا تركل بجهد و كا تحاول تغوت و لكن بدون جدوى..
واش هذا اختطاف ؟ واش هادشي متعلق بالعصابات ؟
فجأة سمعات صوت و لكن ضعيف
واش معاها شي حد؟ يكون روسيل ؟
ثواني..و شخص حليها العصابة على عينيها..و بان ليها روسيل و مياسين أونفاص معاها بنفس الوضعية..قلبها بدا كا يضرب بسرعة..موقف أول مرة تحط فيه و عمرها تمنات تحط فيه..و ما عارفاش شنو غادي يوقع..
ش:غادي نحيد ليكم السكوتش من على فمكم..غادي نطرح عليكم أسئلة و من الضروري تجاوبوني
غير حيد ليهم..روجدا بدات كا تغوت
روجدا:شكووون نتووماااا؟و علاااش جبتووناا هنا؟
ش:أنا لي غادي نطرح أسئلة..و نتوما غادي تجاوبو
مياسين(بصوت مرتجف):و شنو نوع هاد الأسئلة
خدا الكرسي و جلس وسطهم
ش:علاش خايفة لهاد الدرجة ؟ لحد الآن كا نهضر و كا نتصرف بهدوء أو لا ؟ندخل في صلب الموضوع..طبعا بثلاثة بيكم كا تعرفو أصيل أسراج..بغيت كل واحد منكم يقول ليا الصلة لي كا تجمعو بيه..
و بعد ما جبد سمية أصيل..عرفو بلي الأمر متعلق بالمنظمة و هادو لي خاطفينهم عصابة
بقاو ساكتين و حتى واحد ما هضر
ش:كا نتسنا الجواب ديالكم..نبداو بيك نتي(شير ناحية روجدا)
روجدا(ببرود):ما كا تربطني بيه حتى صلة
ش:بصح ؟ و علاش ساكنة معاه ؟
روجدا:ماشي سوقك..
ش:همم كا يبان ليا ما فهمتوش قانون اللعبة مزيان..نبدل السؤال..فين كاين المكان لي كا يخدم فيه ؟
لا جوااب..
ش(لمياسين):ما غاديش تجاوبيني ؟
مياسين(بخوف):ما عرفتش..
ش:كما توقعت بهاد الطريقة حتى واحد منكم ما غادي يبغي يهضر.. إذن نبدلوا الطريقة أحسن..
و وقف أمام مياسين لأن هي أكثر واحد باين عليها الخوف و الذعر..أما روسيل و روجدا خايفين و لكن ما باينش عليهم.. و خاصة روجدا كا تبان مبردة لأقصى حد..
ش:أخت أصيل ياك ؟
ما جاوباتوش..
حط يديه على شعرها و جرها بجههد حتى شهقات
روسيل(بصراخ و كا يحاول يفك الحبل) :ما تقيسهاااش
ش:أكدي ليا هاذ المعلومة..نتي ختو ياك ؟
مياسين:لا لا ماشي ختوو..أنا..أنا غير خدامة في المطبخ
ش(جر ليها شعرها أكثر و قسحهاا):كا تكذبي عليا
مياسين(بألم):لااا
روسيل و روجدا:بعد منهاااااا
ش:ريلاكس حتى نتوما نوبتكم جاية(و هاد المرة وقف على روسيل )شنو علاقتك بأصيل
لا جواب
ضربو بونية لوجهو حتى دار للجهة الأخرى
روجدا(بعصبية و كا تغوت):ما تقربش ليييه..ما تحطش علييه يديييييك أ بنااادم..
ش:بما أنكم توأم..الى قتلتو غادي تحسي حتى نتي بالرصاصة كا تختارق جسدك ؟
روجدا:الى كنتي غادي تقتل شي واحد فينا قتلني أنا..
ش:علاش هادشي كامل ؟؟عطيوني فقط المعلومات لي بغيت و غادي نحرركم..ما فهمتش علاش هاد العناد كامل على الأقل مياسين ختو..نتوما علاش كا تحميوه بأي صلة ؟
لا جواب مرة أخرى..
روجدا:هذا ماشي عدل..نتا كا تغوت و كا ضرب كما بغيتي و حنا رابطنا ؟على الأقل فكنا و خلينا نتفاهمو
ش:عجباتني هاد الشجاعة لي فيك..أنا غادي نمشي دابا و نعطيكم مهلة تفكرو تعطيوني الأجوبة أولا غادي نقتلكم كاملين..
روجدا:في أحلامك
أنت تقرأ
~ضياء الروجيد~ |مكتملة|
Lãng mạnرواية رومانسية كوميدية ..تحكي قصة حب و هوس بين عالمين ذكيين قرروا يعيشوا في الفضاء بحثا عن السلم و الأمان..لكن ما كانوش متوقعين أن أنانيتهم غادي تغير مجرى مستقبل أبنائهم التوأم..لي غادي يواجهوا صعوبات لوحدهم في الفضاء بعد موت والديهم..و صعوبات باش ي...
