يوم مستحيل نسيانه بالنسبة ليهم بأربعة..التوأم لي أول مرة يمشيو للبحر..كان حلم بالنسبة ليهم يشوفوه..و يقربو من أمواجه..و يشمو رائحته..بسبب الأم ديالهم لي كانت مولعة بيه..نظرا لكمية الصور المحتفظة في المركبة للبحر بمختلف حالات الطقس:خريف صيف الخ..و بمختلف الأوقات: شروق غروب..الخ..
مياسين و أصيل أول مرة يكونوا بجانب أشخاص أول مرة يشوفوا البحر مباشرة و عن قرب..و يشاركوهوم سعادتهم..تصرفوا كأطفال و بعفوية..و خاصة روجدا لي كانت باينة عليها الفرحة و باغا تجرب أي حاجة..رغم أنها ما عارفاش..عكس روسيل لي راقب غير من بعيد..
حدث وراء حدث..و طبعا الحدث المهم لي وقع في هاد اليوم..الاعترافات بينهم..اعتراف أصيل و قبول روجدا باعترافه بطريقتها الخاصة..و مجازفة مياسين بالمبادرة..و لأول مرة في حياتها تكون منها..و ما ندماتش لأنها سمعات داكشي لي بغات..و زادت تأكدات بلي روسيل صعيب يفصح على مشاعره..و عذراتو رغم ذلك
استقبلهم ريني بابتساماتهم المزينة على وجوههم
ريني:كلكم مبتاسمين..شنو وقع ؟
مياسين:عيب نبتاسمو ؟
ريني(ضحك):لا..و لكن غريب نشوفكم كاملين مباتسمين في نفس اللحظة..
أصيل(بغا يبدل الموضوع):مازال ما مشيتي ؟
ريني(ضحك مرة أخرى):كا تجري عليا ؟غادي نمشي دابا تسنيتكم ترجعو باش نودعكم
روسيل:فين غادي تمشي؟
ريني:عند عائلتي و هاد المرة بصفة نهائية..
روجدا:للأبد؟ ما غاديش ترجع؟
ريني:كا نظن وجودي ما بقاش مهم
روسيل:شنو كا تقصد؟
ريني:يعني لاحظت بلي ولفتو هنا و بلي الدور ديالي انتهى و تقدرو تكملو بلا بيا..مع بعضكم
الصمت..حتى واحد ما عرف باش يجاوب..و أصيل الوحيد لي فهم المغزى من كلامه..لأن ريني ماشي غبي..فهو من دائما شخص كا يلاحظ و يستنتج..من التصرفات و المواقف و النظرات..و هو عارف شنو كا يدور بيهم..و خاصة بعد التغيير لي وقع في شخصياتهم بعد قدوم روجدا و روسيل..و ما كانش متوقع أصيل يتغير بهاد الشكل..و لكن فرح لأنه غادي يتهنا من جهة التوأم لأنهم غادي يبقاو في أيادي أمينة..و غادي تحميهم و تبقا معاهم دائما..و لذلك قرر يرجع عند عائلته..و يخليهم يكملو بوحدهم..
ريني(مخاطب التوأم):كولشي دابا واضح و مقاد في حياتكم..المركبة تصلحات..أيدي غادي يرجع معاكم
روجدا(قاطعاتو):لا غير خلييه..مزعج بزااف
ريني(ضحك):خليني نكمل كلامي..و كا تكتاشفو و كا تجربو الأشياء لي تحرمتو منها..و أنا متأكد بلي أصيل و مياسين غادي يعاونوكم أكثر..و مهمتي أنا سالات..أولا ؟
روجدا بدون كلمة..عنقاتو..الشيئ لي صدمو لأنها عمرها عنقاتو..فرح بهاد الحركة المفاجئة منها..و ما كان منه غير يبادلها و يطبطب على ظهرها..معتابرها بنتو..و حتى أصيل معتابره ولدو..و هما أيضا عزيز عليهم لأنهم كا يعتابروه الرابطة الوحيدة بوالديهم لي عندهم..
و بعدها حتى روسيل عنقو..
ريني(شاف في أصيل):تهلى فيهم..و ما تقلقهمش..و شد الخاطر و خاصة لروجدا..
روجدا:علاش ركزتي عليا أنا ؟ يشد ليا الخاطر..درية صغيرة أنا؟
مياسين:كا تصرفي بحال درية صغيرة
و خنزرات فيها روجدا كالعادة
أنت تقرأ
~ضياء الروجيد~ |مكتملة|
Romanceرواية رومانسية كوميدية ..تحكي قصة حب و هوس بين عالمين ذكيين قرروا يعيشوا في الفضاء بحثا عن السلم و الأمان..لكن ما كانوش متوقعين أن أنانيتهم غادي تغير مجرى مستقبل أبنائهم التوأم..لي غادي يواجهوا صعوبات لوحدهم في الفضاء بعد موت والديهم..و صعوبات باش ي...
