~ضياء الروجيد~ |مكتملة|

الجزء 7

مايك(الشرطي):أصيل شنو كا دير هنا ؟
أصيل:عندك ضيفة و خاصني نديها
روجدا(بابتسامة بريئة): هي أنا
شدو مايك من ذراعو و بعدو على روجدا شوية و بداو كا يهضروا بهدوء باش ما تسمعهمش
مايك:ما يمكنش ديها
أصيل:علاش ؟
مايك:ضربات شخص و قالت أنه شفار
أصيل : و فين هو هاذ الشخص..كون ضرباتو بصح كون جا باش يشكي بيها..فين هو دابا ؟
مايك:هرب
أصيل:إذن هو بصح شفار
مايك:ما عارفينش و في نفس الوقت ما عندهاش الحق ضربو..
أصيل: و صافي أ صاحبي خليني نديها
مايك:بفف و ما عندهاش حتى لاكارط منين جات هاذ البنت
أصيل:غادي يجي الوقت و نعاود ليك..
مايك:اوكي

بعد انتهاء حديثهم..دارو عندها لقاوها جالسة ما مسوقاش ليهم و فقط كا تشوف في نافذة أمامها..
مايك:يمكن ليك تمشي
روجدا:علاش ؟
مايك:شنو كا تقصدي بسؤالك ؟
روجدا:يعني من قبيلة و نتا كا طرح أسئلة و مصمم على أنك تلبسني تهمة ما درتهاش..و لكن غير دخل أصيل ما كاملاش خمسة دقائق و دغيا عطيتيني موافقة الخروج..علاش ؟؟
مايك:ما عندي حتى جواب..المهم نتي حرة
روجدا: ما كا نحملش هاذ الوضع..ما كا نتسنا حتى حد يحامي عليا و يتدخل في شؤوني بلاما نطلبوا..غادي نبقا هنا حتى تأكد بنفسك أنني بإمكاني نمشي..
مايك بقا كا يشوف فيها..و متعجب من جرأتها و طريقة كلامها..حتى عيط لشخص و كلفوا يجيب تسجيلات الكاميرا بداك المكان..و بعد ما شاهدوا الحادثة مايك شداتو الضحكة و في نفس الوقت عجبو تصرفها
روجدا:دابا تأكدتي ؟ دابا ممكن ناخذ براءتي بسبب هاذ الدليل و ماشي بسبب شخص لي يقدر يعتبرني مدينة له
مايك(ضحك):شجاعة

خرجات بلاما تجاوبو و تبعها أصيل..حتى وصلوا للخارج..أصيل كا يتمشى..و حس بأنها وقفات بجانب السيارة
أصيل:ركبي
روجدا:غادي نرجع بوحدي
أصيل:ما عارفاش الطريق
روجدا:غادي نسول الناس
أصيل(بنفاذ صبر):ركبييي
روجدا:علاش كا تهضر معايا بصيغة أمر؟؟ ما كا تربطني بيك حتى علاقة
أصيل:علاش كا ديري هكذا؟
روجدا:لو كان تعرف شحال من مرة كا يطرح عليا هاذ السؤال في مختلف الأوضاع
أصيل:حيت كا تصرفي بعناد
روجدا:هذه هي طبيعتي
أصيل:ركبي
روجدا:ما زال كا تأمر
أصيل:يالاه نمشيو ؟

بلاما تجاوبوا ركبات السيارة في المقعد الأمامي..حرك راسو و ركب حتى هو..
طول الطريق و هم ساكتين حتى وصلوا..روسيل كان كا يتسناهم بفارغ الصبر حيت خايف عليها..غير شافها عنقها
روسيل:تخلعت عليك..شنو وقع ؟ شنو درتي ؟
روجدا:نجلسوا و نعاود ليكم
بعد ما عاودات ليهم..كل من روسيل و مياسين و ريني ضحكوا على تصرفها
مياسين:ضربتيه ب بيتزا..ضحكتيني
ريني:الصراحة مزيان ملي تصرفتي و لكن تخايلي لو كان هاز سلاح
روجدا:سلاح ؟؟ كا نظن الأسلحة كا يكونوا غير عند رجال الأمن
ريني:بالعادة هادشي لي خاصو يكون و لكن كولشي تبدل
روجدا:يعني ؟
روسيل حتى هو كا يشوف فيه كا يتسناه يجاوبو..و أصيل جالس بعيد عليهم و لكن كا يسمع و مياسين باغا تعرف كيفاش ريني غادي يشرح ليهم
ريني:العالم تبدل..يعني حاليا ماشي غير رجال الأمن لي عندهم الأسلحة..بل كاينين العصابات و..
روجدا(قاطعاتو):كيفاش عصابات ؟
ريني:عصابة كا تكون مجموعة من الأشخاص كا يتعاونوا على ارتكاب جرائم..و كل عصابة و الجرائم لي كا ترتكب..مثلا المخدرات.. التجارة في الأعضاء...الإرهاب إلى آخره..و كاين شروط للالتحاق بهم و شروط الخروج..
روسيل:شروط ؟ مثلا ؟
ريني:أنك تكون أمين و صادق و ما تحاولش تكذب عليهم أولا تلعب مورا ظهرهم..و تكون مدين ليهم و تضحي على قبلهم و الكثير..لحد الآن هادشي لي عارف
روجدا:امم و كيفاش عارف نتا هاذ الشروط كنتي في شي عصابة من قبل ؟
ريني: لا
روسيل:غير العصابات لي عندهم أسلحة ؟
ريني:لا ماشي ضروري تكون فرد من عصابة فمثلا الشفارة كا يستعملوا غير سكين اولا سلاح مزيف..المهم ردو باالكم..خاصكم تعلموا دافعوا على نفسكم الى تحطيتو في موقف بحال هذا..
بعد ما سالاو حديثهم تعشاو و كل واحد طلع للغرفة ديالو..روجدا ما جاهاش النعاس..و لمحات مياسين جالسة في الحديقة..جالسة و لاوية عليها مانطة..كا تبان بحال الى لابساها..مربعة رجليها فوق الكرسي..و حاطا أمامها حاسوب..جاها الفضول..و توجهات ناحيتها..