مجموعة شباب كا يلعبو volleyball
روجدا مقابلاهم..و كا تسجل طريقة اللعب في عقلها..
حتى قادوها رجليها ناحيتهم..في الأول ما ردوش ليها البال..لأنها بقات غير واقفة ما هضراتش..حتى لاحظها شاب منهم..
ش:بغيتي تلعبي معانا؟
روجدا:عمرني لعبت..و لكن من قبيلة و انا كا نشوف فيكم كا نظن تعلمت شوية..
ش:الى بغيتي..يمكن ليك تلعبي معانا
الشباب الآخرين حتى هما موافقين و خاصة أنهم كا يشوفوا نظرة الحماس و الفضول في عينيها..
مرة كا تقدر تمرر الكرة..و مرة كا طيحها و مرة كا تمررها بطريقة صحيحة..و كا ضحك كل مرة كا تجيها في وجهها أولا ملي كا ضربها لجهة بعيدة..
في لحظة بغات تجيب الكرة لي تفزعات..و طاحت على قصر من رمل لطفلين..بدون قصد منها..الشيئ لي خلا الطفلين يبداو يبكيو..
روجدا(بخوف):كا نعتاذر كا نعتاذر ما قصدتش..
كأنهم ما سمعوهاش و واصلو بكائهم..
ش:صافي خليهم و اجي نكملو اللعب
روجدا:لا..ما نقدرش نخليهم ببكيو صافي غير كملو اللعب
مشا و خلاها جالسة على ركابيها أمامهم كا تحاول تسكتهم..
روجدا:نعاود نبنيو واحد جديد و يكون كبييير..أنا نعاونكم واخة ؟
ملي سمعو أنها غادي تساعدهم و هاد المرة غادي يكون أكبر..سكتو من البكا..و شافو فيها..كا يتسناو منها تبدا..أما هي قالت هكذاك غير باش يسكتو..ما عندها حتى فكرة كيفاش دير..و منين تبدا..
روجدا:احم..ممكن ندير الإعانة بأصدقاء ؟
ط:ما فهمتش
روجدا:ممكن نعيط على أصدقائي يعاونونا ؟ و نصاوبوه كبيير ؟
حركو راسهم بالايجاب..و دعات في خاطرها أصيل و مياسين يكونوا كا يعرفوا..
كانوا مراقبينها من لحظة سقوطها..و كأنهم عرفوا شنو كا يدور في بالها..و تقدمو عندها..قبل ما تعيط عليهم..
أصيل:هاد الآنسة هدمات القلعة ديالكم
روجدا خنزرات فيه..زاد كمل عليها
مياسين:و حنا غادي نصاوبو ليكم أكبر قلعة..
الطفلين صفقو بحماس..و مدو ليهم الأدوات..و بداو كا يبنيو..
روجدا:واش ما كايناش شي حاجة ما كا تعرفوش ليها ؟
مياسين(ضحكات):هادو أشياء بسيطة و طبيعية..غير نتي كا يجيك كولشي جديد و غريب..
و على إثر آخر جملة..استوعبت كلامها..و شافت فيها..خافت تفهمها غلط و تقلق..أما روجدا ما هزاتش راسها..و أصيل حتى هو كان كا يشوف فيها كا يتسنا ردة فعلها..
مياسين شافت في أصيل بخوف..و خنزر فيها..
ط:بصح عمرك بنيتي قلعة ؟
روجدا(بهدوء):لا
ط:والديك ما علموكش؟
روجدا(بابتسامة باهتة):نتوما والديكم لي علموكم ؟
ط(حرك راسو بالايجاب):و أصدقائنا كاملين علموهم والديهم..
روجدا:ماشي مشكل..نقدر نتعلم دابا(خربقات ليه في شعرو)
و كما قالت مياسين قدرو يبنيو قلعة كبيرة زوينة..و الأطفال فرحو بيها بزااف..و حتى روجدا فرحات بمشاركتها و بسعادتهم البريئة..و ملي عنقوها..
و داز النهار في مرح..روجدا تخطت الموقف لي تذكر فيه والديها..كملات اللعب مع الشباب و لعبات حتى مع الطفلين..روسيل كا يصور..مياسين مرة تعوم و مرة دير سيلفي و تلوحهم في انستا..و أصيل مقابل روجدا باش ما ديرش مصيبة..عارف حماسها فين يقدر يوصل.و في نفس الوقت ركب الأمواج بداك اللوح..
حتى طاح الظلام..أغلبية العائلات غادرو..و بقاو شباب..مدوزين السهرة بكلام و ضحك و تحديات بينهم..
مياسين جاها البرد و بغات مغطية و كا ترعد..عكس روجدا لي عاجبها الجو الليلي مع البحر..
روجدا:الجو زوين.. نتمشاو جنب الأمواج ؟
مياسين:فيا البرد..
روسيل:سيرو..أنا غادي نبقا معاها..
أصيل:ما عندكم مناش تخافو..كارد مراقبينكم..
حركو ليه راسهم بالايجاب و تبع روجدا..
أنت تقرأ
~ضياء الروجيد~ |مكتملة|
Romanceرواية رومانسية كوميدية ..تحكي قصة حب و هوس بين عالمين ذكيين قرروا يعيشوا في الفضاء بحثا عن السلم و الأمان..لكن ما كانوش متوقعين أن أنانيتهم غادي تغير مجرى مستقبل أبنائهم التوأم..لي غادي يواجهوا صعوبات لوحدهم في الفضاء بعد موت والديهم..و صعوبات باش ي...
