وسط المدينة وقفات السيارة..و هبط السائق فتح ليهم الباب..روجدا و روسيل مستغربين من تصرفو..علاش نزل فتح ليهم الباب..
روسيل:علاش فتح لينا الباب؟ كان بإمكاننا نفتحوه راسنا
مياسين:هاذي هي الخدمة ديالو
روجدا(باستهزاء):يفتح الأبواب ؟؟
مياسين:لا هو سائق و كا ينزل يفتح الباب..
روجدا:عندنا يدينا..غريب التفكير ديالكم..
مياسين:(منزعجة من طريقة كلامها):آاه نسيت نتي كنتي في الفضاء و ما عارفاش حياة البشر كيف دايرا..نعذرك
روجدا:حياة البشر مليئة بالأنانية و التكبر..و خير مثال هو هاذ الموقف
مياسين بغات تجاوبها لكن تدخل روسيل حيت حس ممكن يوقع شجار
روسيل:احم..نمشيو ؟
ما جاوباتوش مياسين و تحركات قدامهم و هما تابعينها
روسيل:واش ضروري تهضري هكذا ؟
روجدا:كا نقول الصراحة..
دخلوا للمول..ناس كا تمشي و ناس كا تجي..كل شخص و طريقة المشي ديالو..كل شخص و ملابسه..هنا عائلة..و هناك أصدقاء..و هناك فقط شخص خارج لوحده..و كاينين أطفال صغار كا ينقزوا من جهة لأخرى..كا يتسمع بزاااف ديال الأصوات..كولشي كا يهضر في نفس الوقت..لكن ما يمكنش تحدد الكلام بالضبط..هذا كا يهضر بحماس و بفرحة..و هذا كا يعاود بتعب و كأنه كا يشكي من مشاكل عاناها..و هذا ساكت..بزااف ديال الأشياء لاحظوها التوأم..و بقاو واقفين دقائق كا يستوعبوا المحيط لي داير بيهم..بشر..أشخاص..أشياء جديدة عليهم..
مياسين:ما غاديش تحركوا ؟
تبعوها و كا يضوروا عينيهم في المول الكبير..و لي في الداخل ديالو كاينين بزااف المحلات المختلفة
حتى دخلوا لمحل فيه الملابس الأنثوية..و مليئ بالكثير من النساء في مختلف الأعمار
مياسين:يالاه
روجدا:شنو ؟
مياسين:ريني بغاك تاخذي حوايج..اختاري لي بغيتي..
روجدا:ما محتاجاش
مياسين: و شنو غادي تلبسي ؟هادوك الحوايج لي عطاوك را قلال و ممكن بجيوك صغار
روجدا:ما كا يهمونيش الملابس..بإمكاني نبقى بهاذ اللبسة لي أنا لابسها حياتي كاملة
مياسين(شافت في روسيل):واش ختك كا تهضر بجدية؟
روسيل:مع كامل الأسف آاه..
مياسين:شوفي أنا ما عرفتش علاش نتي حاقدة حتى لهاد الدرجة..و كا تهضري معايا بهاذ الطريقة حيت ما كا يهمنيش..انا جيت لهنا غير طلبا من ريني و ما بغيتش نخسر ليه خاطرو..فعفاك ختاري الملابس و خلينا نمشيو..
روسيل:صافي اختاري أ روجدا
تنهدات بنفاذ صبر..و بدات كا تشوف في الملابس..و مياسين كا تحاول تعاونها..و روجدا مستغربة من بعض الملابس الشفافة اولا قصيرة بزااف..
مياسين:خودي هادو جربيهم و من بعد نشوفوا الآخرين
روسيل:صافي غادي نمشيو ؟
مياسين:لا خاصها تقيسهم هو الأول..أجيو معايا
تبعوها حتى وصلوا لمكان ارتداء الملابس..
مياسين:دخلي
روجدا: و علاش ما نبدلش غير هنا
مياسين:قدام هاذ الناس كاملين ؟
ما جاوباتهاش و اكتفت بالدخول..بدات كا ضور عينيها في المكان بشك..خدات الكرسي و طلعات فوق منو باش تشوف واش كاينا كاميرا..هزات كرسي آخر و حطاتو فوق الكرسي الاول..بغات تشوف واحد القنت فيه شيئ غريب..غير حطات رجليها و هي تزلق و طاحت فوق الكراسا بجوج..تسمع الصوت بقوة..الشيئ لي خلا الناس كاملين كا يضوروا عينيهم بخوف و قلق..مياسين و روسيل دخلوا عليها بسرعة لقاوها طايحة..
روجدا:أي ضهرييي
مياسين: شنو كنتي كا تحاولي ديري ؟
عاونوها و جلسوها فوق الكرسي..شادة ضهرها و كا تأن من الألم
روسيل(فهم تفكير الأخت ديالو ):كنتي كا تقلبي على كاميرا ؟
مياسين(بعدم فهم):هاا !!
روجدا:شكيت يكونوا حاطين كاميرا كا يتجسسوا على البنات باش يشوفوا جسدهن
مياسين:ما يمكنش يديروها حيت هاذ المكان راقي..و أصلا خدامين هنا غير البنات
روجدا:الرقي في التفكير ماشي في المظهر..
روسيل:تقسحتي ؟
روجدا:ضهري تهرس
مياسين:صافي يالاه نمشيو
أنت تقرأ
~ضياء الروجيد~ |مكتملة|
Lãng mạnرواية رومانسية كوميدية ..تحكي قصة حب و هوس بين عالمين ذكيين قرروا يعيشوا في الفضاء بحثا عن السلم و الأمان..لكن ما كانوش متوقعين أن أنانيتهم غادي تغير مجرى مستقبل أبنائهم التوأم..لي غادي يواجهوا صعوبات لوحدهم في الفضاء بعد موت والديهم..و صعوبات باش ي...
