~ضياء الروجيد~ |مكتملة|

الجزء 10

في اليوم الموالي..روسيل و روجدا جالسين كا يحسوا بالملل..حتى وقفات عليهم مياسين يديها مورا ضهرها مخبية شي حاجة
مياسين:عندي ليكم مفاجأة
روجدا:خوك مات ؟
مياسين:مضحك جدا
روسيل:ماديش عليها..شنو هي المفاجأة ؟
مياسين:ريني وصا على جوج تيليفونات ليكم..و اليوم وصلو
و دورات يديها أمامهم..هازا جوج كارطونات..شاف فيها روسيل باهتمام و خدا من عندها..أما روجدا بقات لثواني كا تشوف فيها
روجدا:ماكانش ضروري يشريهم..
مياسين:هذي هدية منو ليكم..كان باغي يعطيهم ليكم بيديه و لكن سافر 🤷‍♀️
روجدا:امممم
و خذات من عندها هي الأخيرة..كل واحد هاز التيليفون في يديه..كا يتمعن فيه ..عاشوا في مركبة و ماكانش عندهم تيليفونات فقط حواسيب مبرمجة بالطريقة لي بغاو والديهم..رغم أنهم أول مرة يشدو تيليفون..إلا و أنهم عرفو يشعلوه..و مياسين حاضياهم..
مياسين:مهم كولشي مقاد..لاكارط كاينا..و كاينين حتى تطبيقات غادي يعجبوكم و الى ما بغيتوهمش حيدوهم طبعا كا يبقا اختياركم
روسيل:شنو هاذ التطبيقات ؟
مياسين:فايسبوك و انستغرام
روجدا:مواقع التواصل الاجتماعي ؟
مياسين:اااه
روجدا:أنا إنسانة منغلقة..و ما كا نحملش التواصل..إذن غادي نحيدهم
مياسين:ما تحكميش..جربي هو الأول..بداو بالفيسبوك..مهم قادو الكونط ديالكم..و كتبو أي سمية بغيتو..
روجدا:إنسانة منغلقة..شنو بان ليك ؟
مياسين:كتبيها
روجدا:علاش كا يطلبو تاريخ الميلاد
مياسين:كا تكتبي المعلومات ديالك و صافي
روسيل:ضروري ؟
روجدا:التجسس

مياسين:المهم الفيسبوك غادي تلقاو فيه فيديوات و تشوفو صفحات و تجمعات زوينة تهضرو و ضحكو و تشوفوا آراء الناس و تشاركوا آرائكم..و لكن غادي تلقاو دائما الضحك..و بمكن ليكم تراسلوا مع أشخاص و تعرفو عليهم
روجدا:هادشي ممل..
روسيل: و انستاغرام؟
مياسين: و انستاغرام عالم آخر..هي بحال الفيسبوك..من غير أن الناس كا يلوحوا تصاورهم بزااف و السطوريات بزااف..و يبيونوا الحياة الوردية ديالهم
مياسين: المهم غادي تلقاو مشاهير كا يتفاعلوا بزااف..و صافي الى ما عجبوكمش حيدوهم..دخلوا لليوتيوب..تفرجوا في فيدوات في المجال لي بغيتو..نصحكم تفرجوا ف لي كا يسافروا للدول و كا يشاركوا المعلومات عليهم..و من بعد دخلوا التطبيقات لي بغيتو
روجدا:نقدر نلقا تطبيق يوريني كيفاش نقتل شي حد ؟
مياسين:ممكن(كا تفكر) اه و تفرجو في مسلسلات و أفلام..في نيتفلكس..حتى هي كاينا
روسيل:شكرا حيت شرحتي لينا(نغز ختو باش تهضر)
روجدا:شنو ؟ علاش نغزتيني ؟ماشي هي لي شراتو😒
مياسين(بابتسامة):بصحتكم

و ناضت خلاتهم
روسيل:واش ضروري تكوني بحال هكذا ؟
روجدا:كيفاش بحال هكذا ؟إنسانة صريحة ؟
روسيل:كان خاصك تشكريها حيت شرحات لينا..و ما لاحظتيش بلي هي ضريفة معانا رغم تعاليقك السلبية..ما كا تقولك والو
روجدا: و ما لاحظتيش بلي كا دافع عليها بزاف ؟
روسيل:كا نقول ليك لي كاين..خاصك تعاملي الشخص بنفس الطريقة لي كا يعاملك بيها..ما كا تعرفناش و ما عندها حتى صلة بنا..و لكن مرحبة بينا و كا تعاملنا مزيان
روجدا:أنا أصلا هنا على قبل ريني
روسيل:و ريني ماكاينش..و مع ذلك أصيل و مياسين ما رفضوش نبقاو هنا..
روجدا:روسيل ثيق بيا..في الأخير غادي يبغيو منا مصلحة
روسيل:آش من نوع ديال هاذ المصلحة ؟
روجدا:ما تكونش غبي..نتا عارف حنا شنو قادرين نديرو..و حنا ماشي أغبياء كيف كا يسحاب ليهم....تعلمنا بزاف ديال الأشياء..
روسيل:المهم نقصي من التعامل ديالك لي كا يجرح الناس
ناض و خلاها بوحدها..كلماتو كا تردد في دماغها..هي من النوع لي ما كا تهتمش لكلام الناس و لكن مع روسيل دائما كا تعقل على الكلمات لي كا يقول ليها و لي كا تكون على علاقة بتصرفاتها..
روجدا:غادي يجي النهار و تبان مصلحتهم و غادي تأكد بلي كنت على حق