~ضياء الروجيد~ |مكتملة|

الجزء 11

شدها من ذراعها و خرجو من وراء الفيلا..بلاما يحس بيهم شي حد لأن الأكثرية كا يرقصوا..
أصيل:دخلي للطوموبيل و بقاي فيها(مد ليها السوارت)
روجدا:علاش ؟ خليني أنا ناكل و نتا قضي أشغالك
أصيل:من الأحسن ليك تبقاي هنا..
روجدا:نتا ماشي غبي تعطيني السوارت..كان بإمكانك تسد عليا باش ما نخرجش من السيارة..
أصيل:غادي نثيق فيك و نخليهم ليك..و الى وقعات شي حاجة هربي..
روجدا:بغيت نبقا معاك
أصيل:كوني مسؤولة عن تصرفاتك..و بقاي هنا حتى نرجع..و غادي نعاود نقولها حتى توقع شي حاجة خطيرة عاد هربي
شاف فيها لآخر مرة و رجع للداخل
روجدا(بعد ما دخلات للسيارة):ماشي سوقي فيك أصلا حياتي غالية عليا..
و بقات جالسة كا تفكر..مرة كا تشوف في مكان الحفل و مرة ترجع تشوف أمامها..بقات دقائق على نفس الحال كا تسنى فيه..
روجدا(كا تهضر مع راسها):روجدا نتي ماشي سوقك..نتي كا يهمك غير راسك و خوك..ماغاديش تمشي ماغاديش تمشي(بتذمر)غادي نمشي

و توجهات للدروج لي لاحظت أن أصيل كان كا يشوف فيهم ملي دخلو..لقات الكل منشغل..و طلعات بخفة و بدات كا تمشى بحذر و في يديها المقلة..سمعات خطوات في ناحيتها تخبات بسرعة وراء الحائط..ما إن حسات بالشخص بجانبها ضرباتو بالمقلة خلاتو شاد نيفو و عاودات ضربات جوج مرات حتى طاح للأرض شاد نيفو دوخاتو..و هربات..ضارت من جهة أخرى و بانو ليها حراس طايحين..حتى بان ليها باب مفتوح شوية..لاحظت كوستيم أصيل لي عاطيها بالضهر..و دخلات بسرعة و سدات من موراها الباب بجهد خلاتو يهز المسدس ديالو ناحيتها..غير شافها و توقف عن الحركة

أصيل:رووووجدااااا !!!
روجدا:ما قدرتش نخليك بوحدك..ما يمكنش تموت..يعني على الأقل خاص تكون عندك مساعدة
أصيل: باش عرفتي غادي نكون هنا
روجدا:لاحظت
أصيل:علاش خرجتي من الطوموبيل..واش حتى لهاذ الدرجة راسك قاصح
روجدا:المهم شنو كنتي كا دير
أصيل:ششششش..هضري بشوية..
وقفات حداه لقاتو كا يبقشش في الأوراق حتى هز ورقة و من بعد مشا للحاسوب و حيد USB..و تسمع صوت من مكبر كاين في يد أصيل
الصوت:أصيل خاصك تخرج دابا
شاف في روجدا بغيظ
أصيل:الباب تسد
روجدا(ببلاهة):حلو
أصيل:كا يتحل فقط من الخارج..
روجدا(بتفهم):اااه
و حول أنظاره للنافذة..حلها و شاف الارتفاع لي ماكانش عالي بزااف..
روجدا:لا لا ما غايش نقز من تما
أصيل: هذا ماشي طلب..
روجدا:حماقيتي ما كا تشوفش الارتفاع
أصيل:ماشي بزااف
الصوت:أصيل بقات 20 ثانية
أصيل:2 اختيارات أمامك..يا إما تنقزي و تعتقي راسك أولا تبقاي هنا و ما نضمنش ليك أنك تبقاي حية..
روجدا:ما غاديش نتآذى؟
أصيل:لا..
روجدا:نقز نتا الأول باش نجي على ضهرك..
الصوت:15 ثانية
أصيل:ما بقاش الوقت نقزي
روجدا: و إلا مت ؟؟
أصيل:قدر
روجدا:لا لا ما بغيتش نقز ما بغيتش نموت و نخلي خويا..
أصيل:نقدر دابا نمشي و نخليك..نقزي أحسن ليك
روجدا:ما يمكنش زعما دير عمل بطولي و تهزني و تلاح نتا الاول و انا فوقك باش ما نتآذاش؟
أصيل:جربي ديك المقلة ديالك طيري بيها
الصوت:5 ثواني
أصيل:تعطلنا بزااف
هزها بين ذراعيه و روجدا ابتسمت حيت يسحاب ليها غادي يدير كيف قالت ليه و لكن العكس..حطها على الحافة و دفعها بجهد طاحت على ضهرها و من بعد نقز هو و لكن بكل احترافية بقا واقف..
روجدا:أي ضهريي..
أصيل:للطوموبيل..نوضي