~ضياء الروجيد~ |مكتملة|

الجزء 31

كا ياكلو في صمت بدون روجدا..
قصة روجدا مع النوم مستحيل تتغير..في أي ظرف أو في أي مكان..
روسيل حاس بالإحراج لأنه حاول يفيقها..و لكن بدون جدوى..يولاند و ايثان أصروت عليه يحاول مرات أخرى باش يفيقها..جاتهم عيب ياكلو بلا بيها..و قدر يقنعهم بلي ما غاديش تفيق..و ماشي مشكل الى كلاو بلا بيها..ما غاديش تقلق..فالنوم مهم بالنسبة ليها..

روجدا:واش غادي تبقا تلومني حيت عوضت ساعات النوم لي ضاعت ليا في الطائرة
روسيل::روجدا بما أننا غادي نبقاو معاهم لأيام..خاصنا ضروري نحتارموهم و نقدروهم.. غادي يكون الأمر غريب أنها هي كا طيب و توجد..و كولشي كا يجلس على الطاولة..إلا آنسة روجدا..لي باقي ما فاقتش..را في ديك اللحظة كا يحشموا..ما كا يعرفوش واش ياكلو أولا يتسناوك..و بما أنهم كا يفكرو بهاد الطريقة و كا يقدرو ضياف غرباء عليهم..فحتى حنا خاصنا نقدروهم
بقات ساكتة كا تسجل كلامه في دماغها..لي كله على صواب
روجدا(دلات شفتها):و لكن ماشي لخاطري..كا نبغي نوض و لكن النوم كا يغلبني
روسيل:عارف عارف أ ختي..و لكن ما تخليش الوقاحة تغلب عليك..تفكري فين نتي و مع من نتي و فيقي..اتفقنا ؟
روجدا:ااه

*****
في اليوم الموالي..و بعد ما روجدا حاولات تنعس بكري..قدرات أنها تفيق في الوقت.. و تكون على طاولة الفطور مع الكل..أصيل و مياسين تصدمو.. أما روسيل فخور بختو..لأنها دارت بهضرتو و قدرات الموقف..

يولاند كانت محتاجة تمشي للسوق سولات مياسين و روجدا الى بغاو يرافقوها..و طبعا وافقو..و في نفس الوقت روجدا استغربت من عدم رفض أصيل..و خاصة أنهم ملي كانوا في إيطاليا ما كا يخليهمش يخرجو بوحدهم.. إلا إذا كان معاهم هو بنفسه أو مع حراس..
مياسين:ملي كا نكون هنا كا نقدر ندير أي حاجة نخرج وقت ما بغيت.. و بوحدي..هنا ما كاينينش أعداء أو عصابات..هنا كاينين سكان لطفاء كا يبغيو الطمأنينة و الهدوء..
روجدا(باستيعاب):اااه.. في الأول استغربت و لكن دابا فهمت
يولاند(وقفات عليهم):فاش كا تهضرو ؟
مياسين:والو
يولاند:همم مياسين درتي صديقة و قلبتي عليا..
مياسين:مستحيل..نتي مجموع فيك كولشي ماما ختي صديقتي..حتى واحد ما ياخد بلاصتك..
روجدا(بابتسامة):كا تبانو قراب لبعضياتكم بزااف
يولاند:أولا حيت أنا أم..و ثانيا كا نخليها تعتابرني صديقة باش تعاود ليا و ما تخبي عليا والو..و ثالثا لأنها فاشلة في تكوين الصداقات
مياسين(بتذمر):مااامااا
يولاند:اه سمحيليا نسيت..فاشلة في كل شيئ
روجدا ما قدراتش تكبح نفسها..و ضحكات.. و تأكدات بلي شخصيتها مرحة و ضريفة
يولاند:و روجدا حتى نتي الى بغيتي يمكن ليك تعتابريني ماماك صديقتك..أي شخصية بغيتيني نتقمصها..غادي نفرح الى ولاو عندي جوج بنات..
باش غادي تجاوب؟..لسانها تلجم..فهي غير معاتدة على هاد المواقف..باغا تجاوب و ما عارفاش شنو تقول..رغم أنها بقات ساكتة.. و لكن من الداخل ديالها فرحانة باقتراحها..
مياسين فهمت الأمر..و حاولت هي تجاوب بطريقتها
مياسين(حطات ذراعها على كتف روجدا معنقاها):ما نلقاش اخت أحسن منها..صافي تبنايها..
و ضحكو هاد المرة بثلاثة..و لكن هذا ماشي مجرد مزاح..يولاند و مياسين كلامهم خارج من القلب..و حتى روجدا حسات بالصدق..