~ضياء الروجيد~ |مكتملة|

الجزء 33

سكتات كا تفكر في كلامه..و كا تحاول تاخذ الموضوع من الجانب المشرق..يعني بما أنه فكر بهاد الطريقة..إذن حتى هو كا يبادلها نفس المشاعر..فقط خايف من ردة فعل روجدا..و خايف يخسرها
مياسين:يعني هذا هو السبب لي خلاك ما تهضرش معايا الأيام لي فاتت؟
روسيل:كان صعيب عليا نتجاهلك..و لكن كان خاصني ضروري نفكر
مياسين: و ملي فكرتي شنو قررتي ؟
روسيل(ابتسم):ولفت نهضر معاك يوميا..حسيت بفراغ ملي ما هضرتش معاك.. و قلت من الأحسن نرجعو نهضرو و نخليو الأيام تبين..المهم نتصرفو على طبيعتنا و نترجمو المشاعر لي كا نحسو بها بأي طريقة ممكنة..
قلبها كا يضرب بسرعة..ما كانتش متوقعة منه هاد الكلام
كانت فاقدة الأمل..و ها هو الآن كا يحاول يوصل ليها مشاعره بطريقته الخاصة
مياسين(بابتسامة واسعة):اتفقنا..
روسيل:ما مقلقاش ؟
مياسين:لا..نتا ؟
روسيل:عمرني تقلقت منك..
مياسين:كنت باغا نقول حتى أنا..و لكن تقلقت منك من قبل
روسيل:عارف..كا نعتاذر..
مياسين:ماشي مشكل..عرفت السبب لي مقنع بالنسبة ليا..
روسيل:نكملو ؟
مياسين:اه دغيا..بغيت نمشي نتكى ضهري تقسم..

*****

اليوم لي غادي يخرجو فيه بأربعة..و يتمنظرو في الطبيعة أكثر..عن قرب..
و قبل ما يمشيو للنزهة ديالهم..وقفاتهم يولاند بطلبها..
طلبات منهم يجيبو ليها نوع من الأزهار"توليب"..
ركبو في شاحنة ايثان فيها 2 مقاعد الأمام فقط..
أصيل و روسيل جلسو القدام.. روجدا و مياسين في اللور..بدون سقف..يعني منهم للسماء و رياح كا ضرب فيهم و كا تخلي خصلات من شعرهم تطير..روجدا مغمضة عينيها و مستمتعة بالإحساس.. و كا تلعب بيديها في الهواء و كأنها كا تراقص مع الرياح..
مياسين حاضياها..و كا تخايل ردة فعلها عليها هي و روسيل..واش هي كا تكرهها؟ ما تنكرش أنها شحال من مرة حاولت تكون صداقة وطيدة بيناتهم..حيت عتقاتها من الموت و ضحات بنفسها على قبلها جوج ديال المرات..و زائد كا تعجبها شخصيتها القوية..
حاولات مرات عدة تولي صديقتها المقربة..و لكن روجدا رغم كل شيئ دايرا حدود بيناتهم..أو ممكن حيت ما عارفاش مفهوم الصداقة ؟و ما عارفاش كيفاش تتصرف معاها ؟
طردت هاد الأسئلة و الأفكار من عقلها لأنها بغات تستمتع باليوم.. و يدوز زوين مجموعين..
كان المكان خاوي..ما كاينينش الناس..فقط حقول بأزهار مختلفة الألوان..أشجار عالية و جبال بقمم مرتفعة..منظر زوين بزاف..
روسيل هاز الكاميرا و كا يصور..و حتى مياسين كا تصور باش تلوح في انستا..
مياسين:قربوو نتصورو مجموعين
قبلوا طلبها و وقفو موراها..
مياسين:ابتسمو بليز
غير ابتسمو..التقطت الصورة بسرعة..بقات كا تشوف فبها حمقاتها..
مياسين:جات زوينة بزااف..شوفو
و بالفعل وراتهم الصورة لي كانو مبتاسمين فيها..أصيل حاط ذراعو على كتف مياسين..و التوأم بجانبهم..و حتى روسيل معنق روجدا من الجنب..
روجدا:صيفطيها ليا
مياسين:ضروري..غادي نصيفطها ليكم..و لكن ما نتصوروش غير صورة واحدة..الصور كا يسترجعو ليكم الذكريات و اللحظات
روجدا:ما تخافيش ذاكرتي قوية..
دارت راسها ما سمعاتهاش..دفعاتها ناحية روسيل..و صوراتهم..روجدا غير معفرة عليها أما هي من الداخل ديالها باغا..و مياسين عايقة بيها..
مياسين:نوبتي أنا و أصيل..صورينا..
روجدا:واش نتي ناوية تصوري كل ثنائي بوحدو ؟
مياسين(بحماس):اااه
نقزات على ضهر أصيل معنقاه..و هو شادها باش ما طيحش..ضحكات روجدا من البوز و صوراتهم..
مياسين كانت باغا تصور مع روسيل..و لكن ما بغاتش تعيق..و ما قالت والو..