"ممكن الآن نعملوا تلميح على الشخصيات الحالية..روجدا بنت قوية و عنيدة و لا تعرف المستحيل و ذكائها كا يخليها تظهر متكبرة نوعا ما..روسيل الشاب الطيب الخجول في بعض المواقف..اخته التوأم ذكية عليه و لكن بنسبة ما متفاوتاش بزااف..فقط هي دائما لي عندها الخطط البديلة و كا تكون دائما حاطة في بالها خطط لجميع المواقف..و بالنسبة ليها "المحاولة"هي أهم حاجة..متسرعة عنيدة..روسيل هو كل شيئ في حياتها..و كا تحس بنفسها الأم ديالو..و خاصها تعتني بيه رغم أنهم توأم"
*******
المهم بدات كا تشرح ليه..و هو متبع معاها بعناية و دقة..و مخليها غير هي لي تشرح..ما هضرش بتاثا..فقط كا يحرك راسو بعلامات الفهم..و حتى هي كا تشرح و كا تشوف في ملامحو..باش تعرف واش وصلاتو الفكرة أو مازال عليها ضباب و مبهمة..بعد ما سالات شافت فيه
روجدا:صافي؟ثايق فيا؟؟
روسيل:آاااه و حاولي ما تخسريش آيدي..را هو بمثابة صديقنا
روجدا:ما تخافش..
خرجوا بجوج و كا يقلبوا على أيدي..بعد ما عثروا عليه..أسرع روسيل و جاه من الخلف..أيدي يالاه بغا يندافع حتى ورك روسيل على زر..و بدا كا ينطفأ بوحدو..و ذراعيه لي من حديد نزلوا تدريجيا..روجدا حلات وسطه..و كان في داك المكان على شكل علبة..بعد ما فتحات المسامر لي متبتة فيه..جلسات في الارض مربعة رجليها..و روسيل جلس حداها كا يحاولوا يحلوا ديك العلبة..
روجدا(معصبة):علاش كا يبغيو يصعبوا الأمور هكذا
روسيل: كانوا عارفين غادي يجي هاذ النهار..و باغين يعطلونا...
روجدا: و شنو السبب؟ علاش بغاونا نبقاو هنا ؟
روسيل:ما عرفتش..كا نحس بلي كاينا رسالة أو إشارة
تعصبات و ما بغاتش تحل ليها حتى وقفات و حطاتها..و بدات كا تنقز عليها بكل عصبية..روسيل كا يحاول يهدأ التوأم ديالو لأنه عارف عصبيتها
روسيل:تهدني نتي دابا كا تزيدي تأخرينا..بلاتي
خذاها من عندها..و روجدا كا تلهث و كا تقاد في شعرها.. بدا كا يتحسس العلبة بيديه..حتى حس بشيئ..خدا مصباح صغير.. بان ليه حروف صغيرة و ما واضحاش مزيان..روجدا متبعة حركاتو و شافت في الحروف
روجدا(باستهزاء):كلمة سر؟؟ رمز؟؟؟ في علبة؟؟؟
روسيل:كا نظن هنا كاين المفتاح..و بطبيعة الحال ماشي بهاذ السهولة غادي تاخديه
روجدا:حنا ولادهم..علاش هما أنانيين هكذا..
بقا شاد العلبة بين يديه كا يفكر..بينما روجدا دغيا خداتها بين يديها و بدات كا تجرب تحلها..باختيار كلمات عشوائية..
روسيل بعد ما سهى لمدة قصيرة..فاق من السهوة ديالو..دور وجهو بانت ليه روجدا كلها مزنكة..لأنها معصبة..تنهد..و قرب ليها
روسيل:شنو جربتي؟
روجدا:أسمائهم..أسمائنا..تواريخ الميلاد..عناصر الفضاء..الأرض..
روسيل:والدينا كانوا أذكياء..بطبيعة الحال ما غاديش يستعملوا بحال هاذ العناوين
روجدا:بغيتي تقول كتبوا اسم نظرية😒
روسيل:ممكن..أو الهدف ديالهم في البقاء في الفضاء..خلي هادشي حتى لمن بعد و يالاه نعسوا..
روجدا:ما فياش نعاس..الى كنتي عيان غير سير و خليني
روسيل:و أيدي؟؟
روجدا:ما غاديش نرجعوا دابا..حتى نلقا حل..
روسيل:عندي إحساس بلي كا نحطوا أنفسنا أمام خطر..و ما غاديش نعرفوا نخرجوا منو
روجدا:بقائنا هنا هو بمثابة أكبر خطر..فكر مزيان لقينا راسنا هنا وسط هاذ المركبة...لي حتى هي غامضة و ما عارفين عليها والو..والدينا جابونا لهنا..و ماتوا خلاونا مع آيدي ما باغيش يعطينا كل المعلومات..ما عارفينش عائلتنا أو أصلنا أو جذورنا..و معزولين عن البشر..مضطرين نبقاو هنا لأننا ما عدناش أدنى فكرة على وسيلة الرجوع..بقائنا هنا ماشي باختيارنا..باختيار واليدينا..و حتى حنا خاص تكون عندنا حرية الاختيار..و غادي نحارب حتى نلقى حل و نرجع..ما بغيتش نبقا دائما هنا و للأبد..و الى ما بغيتيش تكمل معايا..اختيارك هذاك..و ما غاديش نجبرك..و في الأخير كل واحد كا يعرف مصلحتو فين كاينا..(باستهزاء)حتى كلامي ولا أناني بحال طبع والدينا
أنت تقرأ
~ضياء الروجيد~ |مكتملة|
Romanceرواية رومانسية كوميدية ..تحكي قصة حب و هوس بين عالمين ذكيين قرروا يعيشوا في الفضاء بحثا عن السلم و الأمان..لكن ما كانوش متوقعين أن أنانيتهم غادي تغير مجرى مستقبل أبنائهم التوأم..لي غادي يواجهوا صعوبات لوحدهم في الفضاء بعد موت والديهم..و صعوبات باش ي...
