~ضياء الروجيد~ |مكتملة|

الجزء 12

روسيل:شنو واقع ؟
روجدا:بففف ما بقيتش باغا نبقا هنا
روسيل:علاش ؟ و فين غادي نمشيو ؟
روجدا:هادي هي المشكلة هي انه ما عندنا فين نمشيو..و هذا نوعا ما ضعف..
روسيل:و لكن على الأقل عايشين مع أشخاص نقدرو نثيقو فيهم
روجدا:انا ما كا نثيق في حتى حد و ما باغاش نثيق..
بدات كا تمشي و تجي بخطوات غاضبة
روجدا:خاصنا نديرو بزاااف ديال الحوايج..ما يمكنش نبقاو جالسين
روسيل:شنو كا تقصدي ؟
روجدا:نصلحوا المركبة..نبحثوا على ماضي والدينا فقط كل ما يتعلق بالعمل ديالهم لا غير..و نفكروا كيفاش نستقروا بوحدنا..
روسيل:المركبة كا تصلح و برعاية أيدي..و الماضي ديال والدينا نتي بنفسك قلتي ما كا يهمكش..
روجدا:خاصنا نعرفوا..و ناخذو المعلومات لي غادي تفيدنا..المهم من دابا غادي نبداو نقلبو..و حتى داك التيليفون لي عندنا غادي نستعملوه و نستافدو منو..ما نقدرش نبقا مدة طويلة هنا
خرجات و خلاتو كا يفكر في كلامها..و كا يحاول يتوصل لأفكارها و لخططها المستقبلية..لانه عارف توأمه متهورة و كا تخاطر بحياتها..

بعد مرور أيام..و في ظرف هاذ المدة..روجدا و روسيل قلبو و فهمو أكثر طبيعة العمل ديال والديهم و اكتشفو أن أصيل و ريني حتى هما داخلين في نفس المنظمة لي كانوا فيها والديهم..و هي منظمة هدفها ضمان الأمن..و عندها علاقة مع المخابرات السرية..فهي كا تعاونهم باش يلقيو القبض على أخطر العصابات و المافيات..و أصيل حايلا هو الرئيس بعد ريني
روجدا تفادات تهضر مع أصيل..لي هاذ الأخير كا يغبر بزااف..روسيل و مياسين كا يهضرو كلما سمحت لهم الفرصة..كلامهم كان قليل بسبب روجدا لي دائما بجانب روسيل..و طبعا ماغاديش تبغي خوها يهضر معاها..
التوأم تعلمو للهاتف أصلا ماشي شي حاجة صعيبة..نظرا للحواسيب لي كانوا كا يخدمو بيهم في الفضاء و الأشياء لي علمهم أيدي..و لكن حيدو مواقع التواصل الاجتماعي بالنسبة ليهم غير مفيدة من غير روسيل احتفظ بتطبيق"الفيسبوك"
حتى جاء اليوم لي غادي يرجع فيه ريني من سفره..و فاجئهم بكلامو

ريني:محتاج لمساعدتكم
روسيل:فاش ؟
ريني:أنا عارف بلي أيدي علمكم بزااف ديال الحوايج..منها ترصد و تعقب الأشخاص..و الحصول على المعلومات ديالهم
روجدا(بغيظ):شكون قالك هادشي ؟
ريني:خاصكم تعرفو بلي علاقتي بوالديكم كانت قوية بزااف..و كانوا كا يعاودوا ليا كولشي..
روجدا(تنهدات):عرفتي ا ريني 2 أسئلة كا يديورو في بالي  كنت باغا غير الفرصة باش نطرحهم عليك
ريني:خودي راحتك
روجدا:ملي ماتو والديا..كنت على تواصل مع أيدي ؟
ريني:اه..كان كا يوصل ليا أحوالكم..و كا نبقا معاه على تواصل باش حتى الى وقعات شي حاجة خطيرة نعرف و نفكر كيف نساعدكم
روسيل:علاش ما قالهاش لينا أيدي؟علاش ما قالش لينا بلي كان على تواصل معاك؟
روجدا:شنو كا تسنا منو كإجابة ؟ أصلا مازال كنت باغا نسولو سؤال آخر و في نفس سياق سؤالك
ريني كا يشوف فيها بتوتر..عارف ذكائها..أو بالأحرى ذكائهم و كيفاش كا يفكروا في أي حاجة..
روجدا:انا عارفا بلي والدينا رجعو من الفضاء لفترة..ملي ماتو..علاش ما فكرتيش ترجعنا ؟ ياك نتا صديق وفي لوالدينا ؟ علاش خليتينا بوحدنا ؟
ريني بقا كا يشوف فيه و صدماتو بأسئلتها لي ما كانش متوقع تسولو..و روسيل حتى هو مان كا يتسائل نفس الشيئ..و لكن ماكانش باغي يسولو..و لكن دابا روجدا ما قدراتش تستحمل و دابا كا تسنا الإجابة و كا ينتظروا تكون مقنعة و منطقية
ريني:خاصكم هو الأول تعرفو علاش والديكم ما رجعوش
روجدا:أنانيين بقاو هنا حتى ماتو(باستهزاء) حتى من موتهم عرفناها من أيدي و طبعا نتا لي قلتيها ليه..
ريني:روجدا سمعيني..و خليني نعاود القصة الحقيقية..ماشي القصة لي صنعتيها في بالك و قنعتي راسك بها و الظاهر أنك قنعتي حتى روسيل..