Unicode
၅၀၉။ တောင်းဆိုတာဝန်
______________
နဉ်ရှုမှာ systemဈေးကိုဖွင့်ဖို့ ဘယ်လောက်ကြာဦးမလဲဆိုတာကို လက်ချောင်းလေးများချိုး၍တွက်ချက်နေလေ၏။ သူမ တာဝန်တစ်ခုလောက်ပဲလိုတော့တာထင်တယ်။
သူမ ရုတ်တရက်ကြီးတိုက်ခိုက်လိုစိတ်တွေပြင်းပြလာသည်။ ဈေးဖွင့်ပြီးတာနဲ့ သူမ ဝိဉာဉ်ကိုသန်မာစေနိုင်တဲ့လျှို့ဝှက်ကျမ်းစာအုပ်ကို လဲနိုင်လိမ့်မယ်၊ ပြီးတော့ သူမ သောက်ရမ်းနှေးတဲ့ကျင့်စဉ်ကို ထပ်ကျင့်စရာမလိုတော့ဘူး။ လောလောဆယ်တော့ တာဝန်ကမ္ဘာတစ်ခုမှာ ပုံမှန်ထက်နည်းနည်းလေးပိုကြာအောင်နေရင်ကို သူမရဲ့ဝိဉာဉ်က အရမ်းပင်ပန်းတယ်။
"နဉ်ရှု၊ တောင်းဆိုတာဝန်တစ်ခုရှိတယ်။ မင်း လုပ်ချင်လား?"
2333က မေးလာသည်။
နဉ်ရှုက ပြန်မေးသည်။
"တောင်းဆိုတာဝန်ဆိုတာ ဘာကြီးလဲ?"
"တောင်းဆိုတာဝန်ရဲ့ပစ်မှတ်ဖြစ်တဲ့လူက မင်းကိုချစ်သွားရမယ်ဆိုတဲ့သဘောပဲ။"
2333ကရှင်းပြသည်။
နဉ်ရှု : ...
"ဟားဟားဟား၊ ငါ့ကိုချစ်သွားရမယ်?"
နဉ်ရှုက သူ့နှာခေါင်းသူလက်ညှိုးပြန်ထိုး၏။
"ငါ့ရဲ့ဆွဲဆောင်မှုအမှတ်လေးသုံးမှတ်နဲ့ လူတစ်ယောက်ကို ငါ့ကိုချစ်လာအောင်လုပ်ရမယ်ပေါ့?"
"မင်း ကိုယ့်ကိုကိုယ်မနှိမ့်ချသင့်ဘူး။ တကယ်တော့၊ မင်းရုပ်က...နူးညံ့သိမ်မွေ့ပြီးလှပတယ်လို့ ပြောလို့ရပါသေးတယ်။"
2333ကပြောသည်။
"ဘာဖြစ်ဖြစ် မင်းက ပြန်တိုက်ခိုက်ပေးဖို့တောင်းဆိုတဲ့လူရဲ့ခန္ဓာကိုယ်ကို အသုံးပြုရမှာပဲလေ။ မင်းက သူတို့ကို မင်းဝိဉာဉ်နဲ့ဝန်းရံရမှာမှမဟုတ်တာ။"
နဉ်ရှုက အရေးမစိုက်စွာဖြင့်လက်ယမ်း၏။
"မလိုဘူး၊ ကျေးဇူးပဲ။"
"ဘာလို့လဲ?"
2333စိတ်ရှုပ်သွားသည်။
"ဒီလိုတာဝန်မျိုးက တကယ်ကျော်ကြားတာနော်။ ငါ့အတွက် ဒီတာဝန်ကိုလုလာဖို့က လွယ်ခဲ့တာမဟုတ်ဘူး၊ ပြီးတော့ တာဝန်က တကယ်ရိုးရှင်းလွန်းတယ်။"
ESTÁS LEYENDO
Unparalleld Leveling (Realm - 8) [Myanmar Translation]
Ficción históricaName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...
![Unparalleld Leveling (Realm - 8) [Myanmar Translation]](https://img.wattpad.com/cover/273894481-64-k59353.jpg)