အ႐ွင့္အတြက္ဆိုရင္

အ႐ွင့္အတြက္ဆိုရင္ X

လိုတာတွေဝယ်မည်ဟုဆိုကာ ထွက်ခဲ့ပြီးမှဘာဝယ်ရမှန်းမသိဖြစ်နေမိသည်။ တကယ်ကရိပေါ်နဲ့အတူတူအပြင်ထွက်လာချင်လို့သာ ထွက်လာခဲ့တာ ဘာမှဝယ်စရာကမရှိ။ နန်းတွင်းမှာလိုအပ်တာတွေအကုန်ပြင်ဆင်ထားတာတွေကတကယ့်အကောင်းစားတွေချည်း ထုပ်ပိုးပေးထားတာမို့ အကုန်အဆင်သင့်လေးယူသွားရုံပင်။ သွားရင်ယူသွားရမည့်အထုပ်အပိုးတွေထဲဘာတွေလိုသေးလဲဆိုတာကို စဉ်းစားနေရကာ ဘာမှစဉ်းစားလို့မရတာမို့တဖြေးဖြေးမျက်မှောင်ကြုတ်လာမိစဉ်

.ရိပေါ်.

ကိုယ့်ရဲ့လက်တွေကိုရုတ်တရက်ဆုပ်ကိုင်လာသည့် ရိပေါ်ရဲ့လက်နွေးနွေးတွေကြောင့် ပြန်မော့ကြည့်လိုက်မိတော့ ရိပေါ်ကပြုံးပြလာလေပြီး

.ဒီအတိုင်းပဲ ဈေးထဲလျှောက်ကြည့်ကြတာပေါ့ ဝယ်စရာရှိတာတွေနောက်မှဝယ်ပြီး အခုကောစားချင်နေတာတွေပဲလိုက်စားကြရအောင်.

.အင်း.

ကိုယ့်ရဲ့မျက်နှာရိပ်မျက်နှာကဲကိုသိလွန်းစွာ ပြောလာသည့်ရိပေါ်ကြောင့်ကျေနပ်မိရင်း ခေါင်းတဆတ်ဆတ်ငြိမ့်ကာ အဖြေပေးလိုက်မိလေတော့ ရိပေါ်ကလက်ကလေးကိုဆွဲကာ ခေါ်လေတော့သည်။ရိပေါ်လက်ထဲမှာဆုပ်ကိုင်ထားခံရသည့်ကိုယ့်လက်တွေကိုကြည့်ကာ ခိုးပြုံးလိုက်မိလေသည်။ ရိပေါ်လက်ထဲမှာနစ်ဝင်နေတဲ့ကိုယ့်လက်တွေကို သဘောကျတယ်ရယ်။

.ရိပေါ် ကွင်းပစ်တိုင်းကစားကြရအောင်လေ.

.အင်း.

ကိုယ်လိုချင်တဲ့အရုပ်ကလေးကိုကွင်းနဲ့ပစ်ကာ ကစားရသည့်ဆိုင်ထဲဝင်လိုက်တော့ ရိပေါ်ကဆိုင်ရှင်ကိုငွေစပေးကာ ကွင်းလေးတွေကိုယူပေးသည်။ ကျနော်ကတော့ကွင်းလေးကိုယူလိုက်ပြီး အဝေးမှာထောင်ထားသည့် ယုန်ရုပ်သေးသေးလေးကိုချိန်ကာပစ်လိုက်လေတော့....

.ဟေး ရသွားပြီ မှန်သွားပြီ ရိပေါ် မှန်သွားပြီ.

မှန်သွားသည့်အရုပ်ကလေးကို ဆိုင်ရှင်ကပြုံးရွှင်ကာလာပေးလေတော့ အမြန်ယူလိုက်ပြီး ရိပေါ်ကိုပြတော့ ခေါင်းလေးငြိမ့်ကာပြုံးပြလာလေသည်။ လက်တစ်ဖက်ကကိုင်ထားသည့် ကွင်သလေးတစ်ကွင်းကိုရိပေါ်ကိုလှမ်းပေးကာ