🍂 လရိပ်ဆင်သည့်ကကြိုး 🍂 ( Season 2) အပိုင်း(၂)
မေရှင်းရာ ကကြိုးဟုထင်ရသောကောင်လေးနောက်သို့ပြေးလိုက်သွားသည်။ ဒီအချိန်မှ ခြေလှမ်းတွေကသယ်ရတာလေးနေသလို။
အဖြူရောင်ကျောင်းစိမ်းဝတ်စုံနဲ့ဆရာမတစ်ယောက်ကျောင်းဆောင်ထဲပြေးသးလွှားနေတာသင့်တော်သည်မတော်သည်မသိတော့ အရေးကြီးတာရှေ့ကလူကိုမှီလာဖို့.....
" ကကြိုး ''
မလှမ်းမကမ်းရောက်တော့ ကကြိုး ဟူသော အမည်နာမကို ကျယ်လောင်စွာ အော်ခေါ်လိုက်သည်။ သို့သော်ငြား ထိုကောင်လေးက လှည့်ကြည့်မလာခဲ့။
" ကကြိုး ''
နောက်တစ်ကြိမ်ထပ်ခေါ်သည်။ လှည့်ကြည့်လာခြင်းမရှိ။
" ကကြိုး ''
သုံးကြိမ်မြောက်ခေါ်လိုက်ချိန်မှတော့ အရှေ့က စာအုပ်တွေတပွေ့တပိုက်နဲ့လူက မေရှင်းရာဘက်ကိုလှည့်ကြည့်လာသည်။
" ကျွန်တော့်ကိုခေါ်တာလားဗျ ''
ပကတိ ဖြူစင်တဲ့မျက်နှာနဲ့မေးလာသောလူကိုကြည့်ခြင််းအားဖြင့် သူ့ကိုခေါ်နေမှန်းရိပ်မိဟန်ပင်မတူပါ....
တကယ်ပဲကကြိုးမဟုတ်ဘူးလား... ဟုတ်တယ်သူကဘယ်လိုလုပ်ကကြိုးဖြစ်နိုင်မှာလဲ ကကြိုးဆုံးသွားခဲ့တာ (၁၀)နှစ်တောင်ကြာခဲ့ပြီလေ။
ငါဘာတွေရူးနေမိပါလိမ့်... မေရှင်းရာကိုယ့်အတွေးနဲ့ကို ရှုပ်ယှက်ခပ်နေသဖြင့်တစ်ဖက်က မေးသံကိုကြားလိုက်ရမှပြန်တည်ငြိမ်သွားသည်။
" ဟို.... စောစောက ကျွန်တော့်ကိုခေါ်တာလားဗျ ''
" sorry ပါရှင့် ကျွန်မလူမှားသွားတာပါ ''
နောက်ဆုံးမဖြစ်နိုင်ဘူးဟုတွေးကာ မေရှင်းရာခေါင်းခါငြင်းလိုက်မိသည်။
တစ်ဖက်လူက ခေါင်းညိတ်ပြီးသည်နှင့် စာအုပ်တွေကိုပိုက်လျက် ပြန်ထွက်သွားသော်လည်း မေရှင်းရာစိတ်ထဲမှာ ပုစ္ဆာတွေကရှိနေဆဲ... တူတယ်ကကြိုးနဲ့အရမ်းကိုတူတာ.. သူနှုတ်ကသာကကြိုးလို့ဖြေလိုက်ရင် မေရှင်းရာ ခြွင်းချက်မရှိယုံလိုက်မှာ.. ရုပ်ကလေးတော့နည်းနည်းပြောင်းသွားတယ် အသားလေးတွေ အဖြူစွတ်ရာကအညိုနည်းနည်းသမ်းလာတယ် ပါးဖောင်းလေးတွေတော့မရှိတော့ဘူး.... အရင်ကထက်အရပ်လည်းပိုရှည်လာတယ်... ဒါပေမဲ့သူက ကကြိုးမဖြစ်နိုင်ပါဘူး.. ကကြိုးဟာ သေဆုံးသွားတာကြာခဲ့ပြီလေ....
YOU ARE READING
လရိပ်ဆင်သည့်ကကြိုး Season2
Romanceချစ်တယ်တဲ့..... နှလုံးသားရဲ့အနက်ရှိုင်းဆုံးနေရာကနေ လူသားတိုင်းက တစ်စုံတစ်ဦးကိုပြောဖူးကြမှာပေါ့... ဒါပေမဲ့ ဇာတ်လမ်းလေးတစ်ပုဒ်မှာလူနှစ်ယောက်ဟာ တစ်ယောက်ကိုတစ်ယောက် သိပ်ချစ်ကြပါလျက် ဖွင့်ပြောခွင့်မရခဲ့ကြဘူး... Start Date 13.8.2021 End Date ???
