🍂 လရိပ်ဆင်သည့်ကကြိုး 🍂 ( Season 2) အပိုင်း(၂၀)
သာယာလှပသော ကောင်းကင်ကျယ် စိမ်းမြမြသစ်ပင်ငယ်တွေဝန်းရံထားတဲ့ ဆေးရုံရဲ့လမ်းကျဉ်းကလေး ထိုလမ်းကျဉ်းလေးပေါ်မှာ ကောင်လေးတစ်ယောက်ကား ဝှီးချဲပေါ်ထိုင်လျက် သူ့မိခင်က ဝှီးချဲကိုတွန်းနေသည်။
" သားလေး... ကကြိုး နေရတာရော သက်သာရဲ့လား ''
" အင်းသက်သာတယ်အမေ ''
ဒေါ်ရွှေရည်လဲ့ သားဖြစ်သူကို အမှန်ပင်စိတ်ပူသည်။ သတိရလာထဲက စကားလည်းသိပ်မပြောဘူး အမြဲတမ်း အဝေးကိုပဲငေးကြည့်နေတတ်တာ ။ သူ့ရင်ထဲကဒဏ်ရာတွေခုထိ မကျက်သေးတာလား။ တစ်ယောက်ထဲပဲကြိတ်ခံသားနေတော့မှာလား ။
" တစ်ခုခု ဆန္ဒရှိရင် အမေ့ကိုပြောနော်သား ''
" သားကိုအခန်းပြန်ပို့ပေးအုံးအမေ လမ်းပြန်လျှောက်နိုင်အောင်လေ့ကျင့်ရအုံးမယ်လေ ''
" အင်း အင်း ''
ကကြိုးနေပြန်ကောင်းပြီဆိုသော်လည်း လမ်းတော့ပြန်မလျှောက်နိုင်သေးပေ။ နှစ်တွေအကြာကြီး လဲနေခဲ့သည်မို့ လမ်းကောင်းကောင်းပြန်လျှောက်နိုင်အောင်တော့လေ့ကျင့်ရအုံးမည်ဖြစ်သည်။
" ကကြိုး ''
အခန်းထဲပြန်မည့်ချိန်အနောက်ကနေ လှမ်းခေါ်ခံလိုက်ရသောကြောင့် အနောက်ကိုလှည့်ကြည့်လိုက်တော့ကောင်လေးတစ်ယောက်လက်ထဲမှာလည်းစာအုပ်လေးတစ်အုပ်ကို ကိုင်ထားသည်။
အနီးနားလေးရောက်လာတော့မြင်လိုက်ရတဲ့လူကြောင့် ဒေါ်ရွှေရည်လဲ့ပင် အံ့သြသွားရသည်။
တူတယ် အတော့်ကိုတူတာ ဝှီးချဲပေါ်ကသူ့သားလေးကကြိုးရုပ်နဲ့လုံးဝနီးပါးချွတ်စွတ်တူနေတာ သူတို့ကိုကောင်းကောင်းမသိတဲ့လူကိုသာခွဲခိုင်းမယ်ဆိုရင် ဘယ်သူဘယ်ဝါဆိုတာ ကောင်းကောင်းခွဲနိုင်မည်မထင်ပေ။
ရောင်ခြည်သစ် ကကြိုးကိုလှမ်းခေါ်ကာ ပြေးလာပြီး အနားရောက်သည်နှင့် ဒူးခေါင်းနှစ်ခုပေါ်လက်တင်ကာ့အမောဖြေနေတော့သည်။
" မင်းကဘယ်သူလဲ ''
ကကြိုးဆီက ထွက်ကျလာသည့်မေးခွန်းကြောင့် ရောင်ခြည်သစ်ကြောင်သွားသည်။ အခု ကကြိုးကသူ့ကိုမမှတ်မိတာတဲ့လား... သူတို့နှစ်ယောက် သိခဲ့တာ ခဏဆိုပေမဲ့ မမေ့နိုင်တဲ့အမှတ်တရတွေအများကြီး ပြီးတော့ သူတို့နှစ်ယောက်ပက်သတ်ခဲ့ကြတဲ့အချိန်က တကယ်ခဏလေးဆိုပေမဲ့ ရောင်ခြည်သစ်ဘဝရဲ့အရေးကြီးဆုံးတစ်ဆစ်ချိုး အခိုက်တန့်လေးလေ...
BẠN ĐANG ĐỌC
လရိပ်ဆင်သည့်ကကြိုး Season2
Lãng mạnချစ်တယ်တဲ့..... နှလုံးသားရဲ့အနက်ရှိုင်းဆုံးနေရာကနေ လူသားတိုင်းက တစ်စုံတစ်ဦးကိုပြောဖူးကြမှာပေါ့... ဒါပေမဲ့ ဇာတ်လမ်းလေးတစ်ပုဒ်မှာလူနှစ်ယောက်ဟာ တစ်ယောက်ကိုတစ်ယောက် သိပ်ချစ်ကြပါလျက် ဖွင့်ပြောခွင့်မရခဲ့ကြဘူး... Start Date 13.8.2021 End Date ???
