🍂 လရိပ်ဆင်သည့်ကကြိုး 🍂 ( Season 2) အပိုင်း(၁၀)
" ရောင်ခြည် သူက ဘယ်သူလဲဟ ''
ပယင်းတစ်ယောက် ရောက်ထဲကတစ်ခါမှမမြင်ဖူးသည့်လူကြောင့်ရောင်ခြည်သစ်ကိုပဲမေးလိုက်ရသည်။ ဆံပင်ရှည်သည့်အပြင်လည်တိုင်သို့ပါထိလုနေတဲ့ပါးသိုင်းမွှေးတွေက ပိုပြီးကြောက်စရာကောင်းအောင်ပံ့ပိုးနေသည်။
" ငါ့မိတ်ဆွေပါ ရန်ကုန်ကမို့နင်မသိတာပါ ''
ရောင်ခြည်သစ်တစ်ယောက်ညစ်ပတ်နေသည့်အဝတ်စားတွေကိုလဲပြီးသည်နှင့် မျက်နှာသစ်ပြီး မျက်နှာသုတ်ပဝါနဲ့ရေတွေသုတ်ရင်းဖြေလိုက်သည်။
" ဪ... ''
ပယင်းလည်းမိမိမသိသောသူမို့ ဪတစ်လုံးသာသံရှည်ဆွဲပြီးအဖြေတစ်ခုပြုလိုက်သည်။
" ဒါနဲ့ ဟင်းတွေလာပို့ရအုံးမလား နင်တို့နှစ်ယောက်စာငါလာပို့ပေးမယ်လေ နင်တို့ချက်ရအုံးမှာလဲမဟုတ်ဘူး ''
" ဒီက .... ''
လရိပ်မာန်စကာဝင်ပြောပြီးကာမှနာမည်မသိတာကြောင့် ဒီကဆိုသည့်နေရာမှာပင်ထစ်နေလေသည်။
" ပယင်းပါ ''
ပယင်းကပင်သူ့နာမည်ကို သူပြန်ထောက်ပေးလိုက်ရသည်။
" ဟုတ် မပယင်းမစိုးရိမ်ပါနဲ့ ကျွန်တော်ကောင်ကောင်းချက်တတ်ပါတယ် ကျွန်တော်ပဲချက်လိုက်ပါ့မယ် ပယင်းလည်းအလကားအလုပ်များနေပါ့မယ် ''
" ဟုတ်ကဲ့ပါရှင့် ''
ပယင်းမှာရောင်ခြည်ရှိလို့သာ ဒီအိမ်မှာဆက်ထိုင်နေခြင်း လရိပ်မာန်ဆိုသည့် ဒီလူကြီး တစ်ယောက်ထဲရှိရင်လုံးဝခြေဦးမလှည့် ပသိုင်းမွှေးရှည်ရှည်ဆံပင်ရှည်ရှည်နဲ့ ဗလတောင့်တောင့် လူရဲ့ပုံစံဟာတစ်ကယ်ပင်ကြောက်စရာကောင်းသည်။ ဒီလိုလူနဲ့ရောင်ခြည်သစ်လို ပိန်ပိန်ပါးငဖောင်ရိုးနဲ့ဘယ်လိုများမိတ်ဆွေဖြစ်လာပါလိမ့်လို့ ပယင်းတွေးမိသည်။
" ပယင်း နင်ပြန်ချင်ပြန်တော့လေ ငါ့ဖို့စိတ်မပူနဲ့ရတယ် ''
" အေး အာ့ဆို ငါသွားပြီနော် ''
ပယင်းမှာ ရောင်ခြည်သစ်ဆီက စကားပြန်ရသည်နှင့် နေရာမှထပြေးတော့သည်။ ရောင်ခြည်သစ် လည်းရောက်ထဲက ဂနာမငြိမ်ဖြစ်တေသောပယင်းကြောင့်ပြန်ဖို့ရာလမ်းကြောင်းဖွင့်ပေးလိုက်ခြင်းဖြစ်သည်။ ကြည့်ရတာပသိုင်းမွှေးတွေအရှည်ကြီးနဲ့ကုလားကားထဲကလူမိုက်ရုပ်ပေါက်နေသည့် လရိပ်မာန်ကြောင့်ဖြစ်လိမ့်မည်။
VOCÊ ESTÁ LENDO
လရိပ်ဆင်သည့်ကကြိုး Season2
Romanceချစ်တယ်တဲ့..... နှလုံးသားရဲ့အနက်ရှိုင်းဆုံးနေရာကနေ လူသားတိုင်းက တစ်စုံတစ်ဦးကိုပြောဖူးကြမှာပေါ့... ဒါပေမဲ့ ဇာတ်လမ်းလေးတစ်ပုဒ်မှာလူနှစ်ယောက်ဟာ တစ်ယောက်ကိုတစ်ယောက် သိပ်ချစ်ကြပါလျက် ဖွင့်ပြောခွင့်မရခဲ့ကြဘူး... Start Date 13.8.2021 End Date ???
