🍂 လရိပ်ဆင်သည့်ကကြိုး 🍂 ( Season 2) အပိုင်း(၃)
" အရီးလေး ကျွန်တော် မနက်ဖြန်ကလောသွားမလို့ဘာမှာအုံးမလဲ ''
ရောင်ခြည်သစ်တစ်ယောက် ကျောပိုးအိတ်ထဲလိုအပ်တဲ့ပစ္စည်းတွေထည့်ရင်း အရီးဖြစ်သူကိုဒေါ်ငွေမှုံကို လှမ်းမေးလိုက်သည်။
" ဘာမှမမှာတော့ပါဘူးတော် ကလောမှာသာအကြာကြီးမနေနဲ့ အနွေးထည်ထူထူလည်းယူသွားအုံး ''
ငှဲ့လက်စထမင်းအိုးကို မီးဖိုပေါ်ပြန်တင်ရင်း အရီးလေးငွေမှုံကပြန်ဖြေလိုက်သည်။
" ဟုတ်ကဲ့ပါ အရီးလေး ''
" ဒါနဲ့ မေးရအုံးမယ်... ''
မေးခွန်းအစချီလာသော အရီးလေးရဲ့မျက်ဝန်းတွေကိုသေချာစိုက်ကြည့်လျက် ဘာမေးမလဲဟူသည့်သဘောနှင့် သေချာအာရုံစိုက်လိုက်သည်။
" ဘာမှ မဟုတ်တော့ပါဘူးအေ ''
ဒေါ်ငွေမှုံတစ်ယောက် မေးဟန်ပြုပြီးမှ လက်ခါပြကာ ကိုယ့်မေးခွန်းကိုယ်ပြန်ရုတ်သိမ်းလိုက်သည်။
ရောင်ခြည်သစ်ကတော့ ဘာမှဆက်မမေးတော့ပဲ ကျောပိုးအိတ်ကို အိပ်ယာဘေးချပြီး လယ်ထဲဆောင်းသော ဝါးနှီးခမောက်လေးဆောင်းကာ လယ်ထဲဆင်းသွားတော့သည်။
ဒေါ်ငွေမှုံကတော့ ထွက်သွားသော တူဖြစ်သူရဲ့နောက်ကျောပြင်ကိုကြည့်ရင်းသက်ပြင်းချရုံမှတစ်ပါးမတတ်နိုင်တော့...
🌳🌳🌳🌳🌳
" ဦးကြီး သာဒင် ရောက်နေပြီလားဗျ ''
" အေးကွ... ငါ့တူက ဒီနေ့နောက်ကျလှပါလား.. ''
ဦးသာဒင်တစ်ယောက် ပေါက်ပြားပေါက်မပျက်ပဲ ရောင်ခြည်သစ်ကိုဖြေလိုက်သည်။ဦးကြီးဆိုပေမဲ့ ရောင်ခြည်သစ်နဲ့တော့သွေးသားမနီးချေ။ လေးစားမှု၊ ရင်းနှီးမှုအရသာ ခေါ်ခြင်းဖြစ်သည်။
" ဟုတ်တယ် ဦးကြီးရေ... နက်ဖြန်ကလောသွားမှာမို့ ပြင်ဆင်နေတာနဲ့ ခုလိုကြာသွားတာ ''
ရောင်ခြည်သစ်တို့မိသားစုက ပင်းတယမှာ ဧကများစွာသောမြေတွေကိုပိုင်ဆိုင်ထားပြီး အငှားအလုပ်သမားများဖြင့် ဝိုင်းကူလုပ်ကြခြင်းဖြစ်သည်။ လက်လုပ်လက်စားအများစုကလည်း ရောင်ခြည်သစ်တို့ မိသားစုဆီမှာသာ အလုပ်လုပ်ကြတာများသည်။ ဆယ်နှစ်ရာသီမပြတ်စိုက်ခင်းစိုက်ကြသောကြောင့် အလုပ်သမားများလည်းအလုပ်ရကြသလို အရမ်းအဆင်ပြေကြတာမျိုးမဟုတ်ပေမဲ့ အစားသောက်ချောင်သည်။ သီးနှံပေါ်ချိန်တိုင်းလည်း အလုပ်သမားတွေကိုခွဲဝေပေးသေးသည်မို့ အလုပ်လုပ်ရတာ အဆင်ပြေကြသလို ဝမ်းရေးလည်းအဆင်ပြေကြသည်။
YOU ARE READING
လရိပ်ဆင်သည့်ကကြိုး Season2
Romanceချစ်တယ်တဲ့..... နှလုံးသားရဲ့အနက်ရှိုင်းဆုံးနေရာကနေ လူသားတိုင်းက တစ်စုံတစ်ဦးကိုပြောဖူးကြမှာပေါ့... ဒါပေမဲ့ ဇာတ်လမ်းလေးတစ်ပုဒ်မှာလူနှစ်ယောက်ဟာ တစ်ယောက်ကိုတစ်ယောက် သိပ်ချစ်ကြပါလျက် ဖွင့်ပြောခွင့်မရခဲ့ကြဘူး... Start Date 13.8.2021 End Date ???
