#عكس_تيار✨
حلقه5
"أيهم..بتصكري ماشي ياميس ماشي
انا صكرت طول وحطيت فون جنبي..اووف ياربي
طلعت برا دار
موده..اسم الله حلك
انا..هاكي
موده..حكيتو
انا..شويا مش واجد
موده..باهي تمام تعالي هيا
جتني رشا حضتني
رشا..مبروك ياعمري مبروك
انا ابتسمت بشويا..الله يبارك فيك
رحاب..حي ميسو بتقعد عروس ياخيه مبروك
انا..الله يبارك فيك عقبالك
رحاب..هههه ان شاء الله
قعدنا ف صاله وهما يحكوا وانا عقلي مش معايا بكل لين جاء ليل وخشو خوتي قعدو يباركولي
ماما..عمامك جو
عزو..جاء عمي فرج بس
ماما..وباقين معقوله
عزو..قال مش فاضين واعذار زايده يعني
رشا..ملا فكنا ان شاء الله حتى ف عرس هكي ماعندنا مانبو فيهم
علاء..رشاا
رشا..نحكي ف حق انا شن نبو فيهم ترا من امتى غلا نزل عليهم
عزو..خلاص اسكتي يافرخه
رشا..اووف سكتنا
ماما..باه شن جوهم العرب
عزو..مشاءالله والله ناس عقال بكل وراقين
علاء..اها والله مشاءالله عليهم
عزو..طبعاً الفرح مشترك
ماما..باه كويس
عزو..خوه الكبير قال توا امه تكلم وتتفقو
ماما..باه ان شاء الله خير
عزو..خالي فتحي قال كان عشاء عليكم ولا صاله ع حسب ماتتفقو انتم قال شوري انا
ماما..بارك الله فيه يشيل علينا حاجه
عزو..ماتهمي ف شي ان شاء الله يجي فرح كيف ماتبي انتي ياغاليه
ماما ابتسمت..ربي يفتحها ف وجوكم وين ماتعدو
علاء..انا خلاص بنطيح ع وجي ناااعس مانحق ف شي
خش علاء رقد ونحن خشينا دارنا
"وهككي مششن الايام بدون مانحس وجاء يوم ثلاثاء كانت امه وأخته جايات بيش يتفقو مع هلي
سليمه"امه"..والله انا عادي عليكم انتم سواء صاله ولا عشاء سواء سواء كيف ماتبو
ماما..خلاص دابين انتم عادي خلي نحن علينا صاله
رحمه"اخته"..يوم جمعه فاتحه وتلبيسه بسيطه
ماما..ان شاء الله بهناهم
رحمه..معليش ياعمتي أيهم حاب يتعرف أكثر ع ميس يعني يبي رقمها
ماما..والله شن نقولك حقه طبعاً بس ميس ماعندهش تلفون
رحمه سكتت شويا بعدها قالت..اه باهي مافيش مشكله لاحقين يتعرفو قدام
سليمه..ايواه لاحقين ع بعضهم ع مهم يتهنو هما
خشيت انا بسفره فيه قهوء وكنت لابسه سروال جينز هافت وفيه مسحات وبلوزه قصيره نبيتيا وعليها جاكه جلد سوده ولافه شعري كله فوق ومكياج بسييط بكل
قدمتلهن وقمعزت
رحمه..كيف حالك ياعروسه
انا ابتسمت بشويا..الحمدالله بخير
رحمه..باه الحمدالله شنو بكرا أخرى يوم ان شاء الله بالنجاح
انا..ان شاء الله
قعدت شويا معاهن وخشيت وعطوني قسوتي"
ريهام..مشاءالله حطيهن ف حاجه سمحه بيش مايقولوش عطها فلوس وجابت حاجه شينه
ماما..اها والله مشاءالله عطيك 5000 معناها لازم من حاجه سمحه
رشا..ان شاء الله بكرا نطلعو ونشرو فستان تلبيسه
رحاب..شن تبي شكله ياميس
انا..عادي مش مهم
رحاب..كيف مش مهم تلبيستك هيا
انا..عادي مش فارقه معايا
رشا..خلنها عليا انا هذي
انا..العرس امتى باه
ماما..السبت الي بعدها
ريهام.. معش فيها خلاص قريب
رشا..باه نحن خذينا شوط كويس معش عندك حاجات واجد
رحاب..وتغليف قصه امتى بنديروه هذا كله
ريهام..بكرا جيبن معاكن شاش لتغليف نبدو فيه
رن تلفون رشا صبت من تلانا
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
