#عكس_التيار✨
حلقه 36
محمد تنهد.. ما نبي فالدنيا حد .. ولا نبي والي يغاليني 💕
ولاغيرك فالدنيا نود .. من غيرك يملاها عيني 🙈
إنت بروحك عندي تسد .. وإنت الحضن اللي يدفيني💕
عاهدني مرة ماتصد .. وعاهدني ماتخون حنيني🙈
وعاهدني تبني ماتهد .. طوبه طوبه تبني سنيني💕
ولا عن دربي خطوة اترد .. ولا رمشة عين تجافيني ❤
رشا ابتسمت..تي نموووت فيك يا قلبي
محمد..ماقدرتش نصبر ومانكلمكش و الله اخيراً يارشا اخيراً فرحان والله كان تشوفي فرحتي مش حتصدقي كيف بنطير ااااااه احلى شعور توا انا حاس بيه
رشا عيونها يدمعو من الفرحه..ياعمري والله انا فرحتي مش قادره نوصفها
محمد تنهد..باه توا بنصكر ورايا حاجات بنديرهن
رشا ابتسمت..باي حبيبي
محمد..اوكي
صكرت رشا وقعدت مبتسمه خشيت عليها انا
انا..اطلعي
رشا حضنتني..ينعليا ميس
انا..كنك شنو في
رشا..نموت فيه ياميس
انا ضحكت..هبله اهو اليوم فاتحتك
رشا مبتسمه..بنطير
انا ابتسمت..دوم عليك يارب
رشا..هيا نطلعو
طلعنا قعدنا نحوسو لعذاء وانا قعدت ندير ف حلوه لرشا طبعا اليوم مافيش شي غير فاتحه وفاتحه ف جامع
رشا..بشويش ياخيه
انا..كنك والله بشويا
رشا..حي عليا درناها بدري راه تطلع
انا..هي هيييي بكرا تفريش وبعد بكرا السياق وبعده الرمي وزفه
رشا..باه كملي هيا
درتلها الحلوه وكملت قبل الغداء بشويا وهيا خشت دوشت
عزو..هيا الغداء وقت علينا
رحاب..حددت بدالي راه
عزو..باه كويس
علاء..كبرت ياميس
انا ضحكت..اها كابره
علاء..ربي يحفظها عسل
انا..تسلم ويحفظك
طلعت رشا وماما حطت الغداء
علاء..تي وين وين العرب بيجوز وجو
رشا تحشمت وسكتت
عزو ضحك..خليها تحشمت
علاء ابتسم..الله من امتى الحشم
رشا ضحكت..من اليوم خلاص نويت نتحشم
انا..بارده هذي مش حتحشم صدقوني
رشا..كنك معايا انتي اليوم فاتحتي ماتزعلونيش
ماما..هابا وخلاص تغدو تغدو
تغدينا وخوتي لبسو وطلعو برا شويا ولتمو الاقارب واصحابهم وعدو لجامع
قعدو لخمسه هك ورن موبايل ماما
عزو..باركيلها
ماما ابتسمت..لووووووووووووووووووووللللييييي
رشا صبت..قروها
ماما..قروها قروها
رشا برمت ضبطتني
انا..مبروك ياعمري
رشا تضحك..الله يبارك فيك
ريهام ابتسمت وضبطتها زين..مبروك ان شاء الله بهناك
رشا..الله يبارك عقبالك
ريهام سكتت
رحاب..واخيراً ياقلبي مبروك
رشا..الله يبارك فيك عقبالك عاد
رحاب ضحكت..ان شاء الله ان شاء الله
رشا خشت تجري رنت ع محمد
رشا..حبيبي مش مصدقه انا بنطير والله بنطير
محمد يضحك..مبروك علينا يا عمري
رشا تنهدت..يارب طول عمر مع بعضنا
محمد..امين يارب
رشا..نموت فيك
محمد..نحبك نحكوا بعدين شباب تلايا وعندنا عشاء اليوم
رشا..باي انحبك انحبك
محمد ابتسم..نموت فيك
صكرت رشا و طلعت تلانا مشاء اليوم عادي وجاء اليوم ثاني تلبيس وجاء ايهم تغدا مع خوتي واعيال خوالي وبعد الغداء لبسنا وقعدو شباب يطلعو ف دبش
ماما..اطلعن هيا وقت
انا..هيا يابنات
مشينا انا وريهام ورحاب وبنات خوالي وصحباتها وصبايا خوالي ومعانا موده
طلعنا وتقسمنا ف سيارات ماكننش واجد ع سبه نحن طشه مش واجدين
ركبت مع ايهم و معايا رحاب وندى
انا..ولع اغاني ياايهم
ايهم..هي ياسي توا نولع هيجن
انا ابتسمت وهو ولع بصوت عالي ونحن دايرت جو لين وصلنا ونحن خشينا لسقيفه الحوش وشباب ينزلو
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
