#عكس_التيار✨
حلقه 19
ايهم حط ايده ع خدي وقعد يمشي فيها..اششش ماتحكيش ماتعبيش روحك ياعمري
انا بحتت فيه وسكتت
حط ايده ع بطني
ايهم..البيبي عنيد كيف باته ولا لا
طبس عليا و باس راسي بشويا
ايهم..مبروك علينا ياقلبي فاهمك شن تبي تقولي بس صدقيني انا فرحان
سكتت وهو مسك ايدي
ايهم..احكي كنك ساكته مش كنتي تسألي عليا
انا..خليك ومسكت ف ايده زين
ايهم ابتسم..ربي يخليك ليا
خش علاء ورشا طلقت ايد ايهم
علاء..فجعتيني يافرخه حمدالله على السلامه
انا متحشمه..الله يسلمك
علاء..بنقعد خالو قالو مشاء الله
رشا..الحمدالله ع سلامه ياعمري نجك ليا وخلاص
انا مبتسمه..الله يسلمك
ماما..خلاص ماتعبوهش
ايهم..خلاص تكمل تغديه بس
ماما..بتقعدي عندي ولا تروحي لشقتك
ايهم..لا تروح معايا تقعد تحت عيوني
علاء ضحك..وسع بالك نحن ماحتى كليناها كان قعدت عندنا
رشا..خايف عليها ياايهم منا
ايهم نحرج وقعد يمسح ع وجه..لالا مش هكي بس تريح يعني عليش قلقله
ماما..خلوه ع راحته كنكم لبستوه انتم
انا مبتسمه ونسمع فيهم وحاطه ايدي ع بطني
خشت دكتوره وفكتلي تغديه وطلع علاء وايهم ورشا جت تساعد فيا ف لبس
رشا..بتروحي ع شقتك
انا ابتسمت..اها
رشا..سامحتيه
انا..تؤتؤ حنحكوا ف شقه بس بنروح
رشا ابتسمت..باه تمام ربي يهنيكم
ماما..فيش تحكن توا
لبستني وطلعنا جاني ايهم يجري
ايهم..تقدري تمشي
انا..اها عادي
قعد يمشي تلايا وطلعنا برا
ماما..بتجي ع حوش تاخذي حاجاتك
ايهم..لا..
انا..اها باه توا نجي
بحتت فيه وفنصت
ماما..باه تمام
ركبت مع ايهم
ايهم..كنك بتعدي لهلك
انا..عيب ماتجيش ناخذ حاجاتي ع اقل وبعدين نحن مزال ماتصفينش يكون ف علمك
ايهم تنهد..باه عارف
قعد يسوق وفتح مسجل جاء بيغير شوي عليت صوت وكانت اغنيه لشيرين
دا مش حبيبي دا حد ثاني فين رقته وحنيته
وخوفه عليا فين الكلام الي قااله ليا
مبقتش شايفه منه اللي يدوب ملامحه وحتى دي مابقتش برضو هيا هيا دا مش حبيبي دا حد ثاني عالم الملاك الطيب الصافي البرئ واللي زمان فرشلي بالورد طريق مطلعش زي ماانا شايفاه بعنيا
حبيته ليه وازاي قدرت اعمل كده كان عقلي فين شكلي عملت ف نفسي عامله فاكر ياقلبي ف يوم زمان قوتللك متحاولش تشوف حقيقه حد كامله
دا مش حبيبي
انا كان حبيبي يبكي قبل قبلي لو يشوف دمعه ف عينيا وكان حبيبي يتعب مكاني لو يوم اتع شويا
اااه دا كان حبيبي يبكي قبل قبلي لو يشوف دمعه ف عينيا وكان حبيبي يتعب مكاني لو يوم اتع شويا
هوا دا الي روحي معاه هو اما اللي انا شايفاه دا حد ثاني
طول الاغنيه وايهم ساكت يبحت ف طريق بس وانا حسيت الاغنيه جت ع جرحي كانت تحكي عليا بكل شي الاغنيه كنت نذكر ف كل الي صار وزدت حقدت ع ايهم وع روحي الي قعدت نلخبط ف الحبوب وحملت منه وصلنا نزلت بدون مانحكي
ايهم..ماطوليش
خشيت لحوش لقيت عزو وبنات ف صاله
عزو بعد شافني ابتسم..الحمدالله ع سلامه مبروك
انا ابتسمت بشويا..الله يسلمك
عزو..شنو كويسه توا
انا..الحمدالله
علاء..سقدي راجل يرجى برا
ماما..كنه مانزل
علاء..مش فاضي قال مابش ينزل
عزو..توا نطلعله وانتي ماطوليش
انا..باه ناخذ دبشي بس
رحاب حضنتني..بنقعد خويله
ريهام..يا عمري ميسو بتقعد ماما
انا..كبرت بدري صاح
ماما..يكبرو معاك ع مهم راحه النفسيه
خشيت لدار غيرت دبشي وخذيت شنطتي
ماما..رد بالك من روحك اه مش تقعدي تنطي وتلعبي عارفتك انا ماتريحيش روحك
انا..حاضر ياماما
رحاب..ماطوليش علينا ديما تعالي
انا..ان شاء الله
رشا..كيف ماقتلك
انا ابتسمت..ان شاء الله
طلعت لقيت خوتي يهدرزو مع ايهم وهو ف سياره
عزو..باهي ان شاء الله هيا اركبي
ايهم..تبو حاجه توا
عزو..رد بالك من ميس بس
ايهم..ف عيوني ان شاء الله
علاء..الله الله فيها
ايهم ضحك..تي اوكي تقول بناكلها هيا مع سلامه
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
