#عكس_التيار✨
حلقه35
طلع ايهم يجري وانا محوتك بيش صبيت
ايهم..كنكم شن في
رشا..حولها فجعتني عنجد قطوستك ياميس
ايهم يضحك..تي خايفه من هذي
رحاب ميته ضحك..كان شفت منضرها
ايهم يضحك ويهز ف راسه..شن فيها من ينخاف بالله عليك
رشا..ع مهم حولها
انا..كنك مع سنبل
رشا..ترا خاطيني هذا ماناقص عليا قطوسه
ماما طلعت من حمام..كنك سمعتك عيطتي
رحاب تضحك..فجعتها قطوسه ميس
ماما..ياخيه حوليها فكينا منها
ايهم..توا بكرا نزلها يااعمتي
خششها معانا ف دار وانا خشيت وراه
ايهم مزال يضحك..مشعارفه شن فيها من ينخاف هذي
انا ضحكت..ماتحبهنش
حطها ع وطى وجاء رقد ع سرير ويلمس ف خد وسن ومبتسم جيت قمعزت تلاه ومسكت ريموت نغير ف قنوات جت قناة اغاني وكانت اغنيه يابنات خليتها وبرمت مسكت ايدها وبستها بحتت ف ايهم لقيته مبتسم وايده ع خدها
ايهم..سمحه بكل
انا ضحكت..فرحان بيها
ايهم..بنطير عسل بنزمطها بحتي بحتي تفتح ف عيونها
انا ابتسمت..ديما راقده تنوض توا
ايهم..ربي يفرحني بيها
انا..ان شاء الله
ايهم..بنمسكها بس نخاف
شمرتها ومديتها له وهو يهز بيها
انا ضحكت..عليش تهز بيها ساكته هيا
ايهم..عادي خليها
انا..باه انا هكي يعني
ايهم بحت فيا..شنو
انا مديت فمي..ماتهملنيش
ايهم ابتسم..نقدر نهملك انا انتي بنتي قبل لا تجي هيا
انا ابتسمت..بنرقد ع صدرك
ايهم..نحطها ف سريرها رقدت حطها ف سريرها وجاء تلايا وانا خشيت ف صدره وتنهدت براحه
انا..فرحانه انا
ايهم وخرني..بشنو
انا..اني خذيت راجل كيفك هكي عسل ويحبني ويخاف عليا
ايهم باس راسي..باه ارقدي ياعسل انتي
انا..ارقد حتى انت وراك حوسه بكرا
ايهم..تصبحي على خير
انا بست صدره..وانت من اهلي
ورقدت ف حضنه "
"رشا..توا حصلت فجعه من قطوسه ميس
محمد ضحك..صغيره شن فيها من ينخاف
رشا..طلعت قدامي نفجعت والله
محمد..مرعوشه حتى نبدري نفجعتي مني
رشا..انت فجعتني مشعارفه فيش تحس
محمد ضحك..هبله ينعجد وجك
رشا..انت شكلك مصحصح خليني نرقد
محمد..ناعسه
رشا..بكرا ورانا حوسه والله
محمد..باهي حبيبي تصبحي ع خير
رشا..وانت من اهلي
صكرت وبرمت لقت ماما راقده ورحاب مش قاعده ف مرقدها صبت تشوف فيها خشت ف مربوعه لقت رحاب مقمعزه وتهدرز ع موبايل
رحاب تضحك..خلاااااص سفيييياان
رشا فنصت عيونها بصوت واطي..رحاااب
رحاب..احم شويا سفيان بس نعم كنك
رشا..صوتك عالي بكل عيب ايهم قاعد
رحاب..ايهم راقد
رشا..مهما يكون معش تعلي صوتك تحطي ميس ف موقف بايخ
رحاب..باه شويا ولاحقتك
رشا..مطوليش
طلعت رشا ورحاب رنت ع سفيان
سفيان..من خش عليك
رحاب..رشا
سفيان..كنها
رحاب..تدوي ع صوتي العالي منك خليتني نضحك
سفيان..ايهم وين
رحاب..راقد
سفيان..تي تلاقيه لاهي ف بنته ومراته الي جايبه
رحاب..فكنا من كلامك وحناطتك
سفيان..توا خشيت ف الممنوع انا قاعد محترم روحي توا
رحاب ضحكت..سادك باه عليك براده فيك
سفيان..ماتخلينيش نسكت ايواه وانتي تبدي تبكي
رحاب بصوت واطي..ماه عارفه اني ديما نهون عليك عارفتها فيش داعي تقولها
سفيان بصوت هادي..تي من جدك تحكي انتي عنجد تهوني عليا
رحاب تنهدت وسكتت
سفيان..خليها ف بالك انتي مستحيل تهوني عليا ولا نستغنى عليك
رحاب..سفيان
سفيان خذا نفس..روحه شنو قالي
رحاب..انا..وسكتت
سفيان..شنو انتي
رحاب..خلاص خليها ف وقتها احسن
سفيان..تمام باه انا بنرقد توا نحكوا بكرا
رحاب..بكرا نحاول نشوفك
سفيان..توا نشوفو الجو
رحاب..تصبح ع العسل
سفيان ابتسم..انحبك ياعسل انتي
رحاب ابتسمت..اوكي
سفيان..تشاو
صكرت رحاب وابتسمت وخشت ف فراشها"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
