#عكس_التيار✨
حلقه43
"ريهام وخرت من صدمه وخبطت ف طاوله طيحت التحفه
انس برم وصكر موبايل..ريهام ماتفهميش غلط
ريهام دموعها نزلن..طلعت تعرف اسامه بس دابين عارفه اكيده عارف حبه ليا كيف عليش ادير هكي
انس مسح ف وجه..نحن معرفه قديمه وماكنتش نعرف اساساً عرفت ف نهايه
ريهام عيطت..كذذذذاب عللليش تكذذذب قول الحق ياانس احكي
انس فنص وقرب منها مسك ايديها بقوه..معش تقولي كذاب فاهمه عليش بنكذب قتلك معرفه قديمه ونقطعن الأخبار حتى موته مانندريش عليها بس بعد سالنا عليكم عرفت القصه وقتها وانا ماقدرتش نتراجع خلاص
ريهام تبكي وساكته
انس ضاغط ع سنونه..مش قلتي ياانس ساعدني ولا كلام بس وتوا من اول موقف ذكرك ب اسامه بديتي ف البكاء ودموع
ريهام تبكي وتبحت فيه
انس عيط..مش هكي قلتي مش هكيي شن تغير سواء نعرفه ولا مانعرفش شن النتيجه هيا هيا اسامه مات ونحن جوزنا
ريهام قعدت تشهق
انس..ردي عليا شنو يبي يتغير
ريهام تهز في راسها ب لالا
انس تنهد..انا طالع توا نخليك بروحك تمام
برم انس مشاء
ريهام مسكت ف ايده..عليش تبي تعدي تبي تمشي حتى انت تبي تسيبني مش تقدر تقعد معايا خلاص كيف تبيني نحبك بسرعه ونحن كيف طقينا اسبوع بس
انس فك ايده وطلع وهيا قمعزت ع صالون وتنهدت وقعدت تمسح ف دموعها"
"رشا..هيا حطيت الغداء يا محمد
محمد جاء قمعز ع طاوله ويبحت فيها وهيا تصب ف العصير
محمد..قمعزي هيا
رشا..باه نصب ف العصير ونقمعز
صباته وقمعزت قعدت تاكل بشويا ومحمد يبحت فيها
محمد..كنك يارشا في حاجه
رشا..لا لا مافي شي بس هكي ماعنديش نيه اصلاً
محمد..باه اشربي عصيرك وبعدين كولي كان هذا
رشا..اها هو هكي بندير حتى انا
قعدت تشرب ف عصير وصبت
محمد..خليك باه هدرزي معايا مش متعود انك مش معايا ع الغداء
رشا..تعبانه خليني نرقد
محمد..باه خلاص عدي تريحي اهم حاجه راحتك
صبت رشا خشت لدار ومحمد خش لكوجينه بيغسل ايديه ويلحقها بيعرف كنها كانت ع طاوله كيس امتاع صيدليه مشاء فتحه ولاقى الاختبار مسكه وخش لدار لاقهى غامه وجها ف مخده
محمد قمعز تلاها..رشا
رشا..محمد قتلك تغداء انا ماعنديش نيه توا بالك بعدين نقمعز ناكل فوتني انا
محمد..انتي مضايقه ع سبه هكي
رشا رفعت راسها وبحتت ف ايده وردت غمت وجها
محمد..قصدك ع سبه هكي انقنك هبله كان ضايقتي ع موضوع الحمل ونحن مالنش شهرين بس بعدين عادي خلينا عرسان شن تبي ف تعب لاحقه عليه
رشا ساكته
محمد رفع راسها..تي غير بحتي فيا راه والله نجي فوقك بعدها محد يحزك مني
رشا ضحكت وبحتت فيه
محمد ابتسم وباس راسها..من جابه هذا
رشا..قلت لمريم مشت جابته بشرى كنت شاكه اني حامل ونبيها لكي مفاجاء ماصار شي
محمد..باه وعادي خلاص ماصارش شهر هذا يصير شهر تاني
رشا..باه ان شاء الله
محمد..صبي خلينا نطلعو نغيرو جونا
رشا..وين تبي نعدو
محمد..انتي تبي مكان معين
رشا حضناته..دابين انت معايا مانبيش حاجه خلينا قاعدين ف شقتنا وخلاص
محمد باس رقبتها..انتي هكي متريحه
رشا..اكيده متريحه
محمد..باه خلينا نطلعو صدقيني توا نغيرو جو
رشا..باه حاضر كيف ماانت تحب ياعمري
محمد ابتسم ورشا صبت تختار ف لبسه
محمد يلعب ع موبايل..نعدو لمطعم نتغدو
رشا برمت عليه..ليش مش عاحبك تطيبي
محمد ضحك..لا عليش بس انتي ماتغديش
رشا..باه كويس
محمد صبى حضنها ويتحرك بيها يمين ويسار..ينعلي من الزعال
رشا ابتسمت..نزعل من الي نحبهم بس واحياناً نحب نزعل لانه نحب طريقتك كيف تراضيني نزعل بيش نشوف نضرتك الحلوه كيف تحاول ترضيني ونزعل ع سبه كلامك ونزعل ع سبه حضنك وقتها نحس بيه كيف حلو نحسه مليان حاجات واحده
محمد ابتسم وباس خدها..كان تبي هذا كله انا حنديره بس ماتزعليش
رشا ابتسمت..خليني نختار خلاص
محمد وخر وقمعز..تمام انا نازل ماطوليش
رشا..حاضر نحبببك
محمد يضحك..باه بعدين
رشا ابتسمت
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
