#عكس_التيار✨
حلقه 18
"قعدت مصبيه ف مكاني ماننكرش اني فرحانه ع سبه عرف انه مضلومه بس قلبي شايل ع ايهم واجد ومعاملته ليا وااجد بكل لدرجه حسيت اني نسيت حبه والي مذكرته معاملته القاسية ليا بس خشيت لدار قعدت نتفرج نمشي ف الوقت"
"ايهم..سلام
منير..مش ركبت انت
ايهم..ونزلت عندك مانع
منير..ميسو لزاتك شكلها
ايهم..صكر فمك ياكلب
منير..قمعز قمعز اشرب شاهي هدى اعصابك
ناصر..خوذلك سنكرس انت مش انت وانت جيعان
محمد..خلوه راه والله ينفصل عليكم
منير..ساهله ياطيري توا تنحل توا تنحل
ايهم طلع دخانه وقعد يدخن
منير..الوضع متازم معناها
محمد فنص ف منير..راه والله يصبي يشلطك
ناصر..وين امجد
محمد..من صباحات ربي طالع حتى هو
منير..شركات يابوي
ايهم ندخن ف عالم بروحي كل مره نفكر ف حاجه كيف نبي نراضيها بس هذا كل تفكيري توا قلت ليوم نقعد لوطه نخليها ع راحتها بس كل الفتره الي فاتت تمر بين عيوني ضعفها دموعها كسرتها خوفها كله كله بين عيوني مش قادر نصبر لانه حسيتها مش ناويه تسامحني تبي وقت بيش ترد كيف قبل بس انا الوقت هذا مانبيش نبي نقعد معاها وبس صبيت ركبت فوق
كنت طالعه من دار خاشه لكوجينه فاتحه تلاجه ندور فيها
ايهم..جعانه
انا نفجعت ونطيت
ايهم ابتسم ع جنب..ديما مفجوعه
صكرت باب تلاجه وجيت بنطلع
ايهم..بكرا بنعدو لهلك راه حولو ف حوش الجديد
انا فتحت عيوني زين..امتى حولو
ايهم..ممكن من يومين هكي
انا..معناها بكرا نبي نبات
ايهم..بيات
انا..اها نبي نبات
ايهم..قصدك حرجانه
انا..ممكن نقعد ع راحتي يومين عند هلي بعدها تعال خوذني
ايهم..باهي ان شاء الله خير وخلاص
خشيت لدار لحقني رقدت ع سرير وهو يغير ف دبشه وخش معايا ف سرير شويا ورقدت"
"مريم..شفتي ياسين اليوم
بشرى..انا مركزه معاهم ومنير فطله راه
مريم..كيف عرفتيها
بشرى..لانه بعد يبحت فيك منير يبحت فيه وفيك يشوف فيك منتبه ولا لا واضحات حركاته
مريم..يييي ياخيه
بشرى..بس ماعطيتيش فرصه ياسين
مريم..ماناقص غير نعطيه فرصه
بشرى..لا قصدي انه ماخذش فرصه ولا عطيتيه فرصه يحكي معاك
مريم..مانبيش نعطيه فرصه اصلا ومانبيش يحكي مانحبش لقطات الي هكي وبعدين مانبيش نكسر بخاطره
بشرى..واعره كسره الخاطر حرام
مريم..مانبيش يقعد يفكر فيا يعني حتى وكان تلاقينا مانبيش يشوفني بالك معش يفكر
بشرى..مش عارفه والله يقولو البعيد عن العين قريب عن القلب
مريم..ربي يهنيه مع غيري انا قلبي مع منير
بشرى..ان شاء الله ربي يهنيك
مريم..خلي نرقدو خلاص بكرا جمعه توا ماما تقعد توعي فينا
مريم بطفي نت وصلها مسج ع واتس
منير..بالك ترقدي
من صدمه طفت نت وطفت الموبايل وتغطت بعدها قمعزت
مريم..بشرى
بشرى..نعم مش بترقدي
مريم..منير دزلي
بشرى..شنووو امتى دز
مريم..توا بحتي
مدتلها الموبايل
بشرى..احسن ماترديش فوتي خليه معلق
مريم..شن يجيبلي نوم توا
بشرى..ارقدي يي علينا منك"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
