#عكس_التيار✨
حلقه42
"منير..مانقدرش نزعلك عدي حبيبي
مريم صبت وحطت ايدها ع قلبها..هييييي نجك ليا ياعمري ربي ما يحرمني منك
منير ضحك..بعد قتلك عدي بديتي ف الغزل عاد هابا عليك كله انتي
مريم تضحك..والله نحبك بس بجد كنت زعلانه هكي كان خاطري ف المشيه
منير..وانا نقدر نخلي حاجه ف خاطرك ع مهم البسي حاجه طويله ماديريش مكياج لانك انتي جوهرتي وانا خايف عليك
مريم ابتسمت..حاضر حبيبي ان شاء الله كيف ماانتي تبي
منير..باه انا طالع توا
مريم..مع سلامه دير بالك ع روحك
منير..حاضر نتلاقوا بعدين
مريم..تم
صكرت منه وصبت تختار ف لبسه تلبسها"
"ريهام فتحت عيونها واستغربت انه انس مش حاط ايده ع خصرها كيف ما تعودت ف اليومين الي فاتن برمت لاقته عاطيها بالظهر قربت منه وحطت ايدها ع خصره
انس برم..صباح الخير نضتي
ريهام..صباح النور نضت من امتى واعي انت
انس..من نبدري وانتي معش نضتي بكل
ريهام..استغربتك مالقيتكش كيف العاده نحسابك شايل عليا ولا حاجه
انس ضحك..وعليش بنشيل عليك شن درتي مشاء الله عليك
ريهام ابتسمت..تسلم
انس..نوضي هيا بيش نعدو لشط
ريهام خشت تحت ورغان..صقعانه موت تعررف
انس..كنك بالك تبي تمرضي
ريهام..لا انا نقعد ديما نصقع ونحمى عادي
انس..اها باه نديرلك حاجه دفيك
ريهام..لا لا خليني نقعد تحت ورغان كويس
انس..من جينا معش طلعنا قبل قلت نطلعو ع شط
ريهام..باه توا نلبس حاجه ثقيله ونطلعو
انس..كان تعبانه عادي
ريهام..لالا مش تعبانه بس نصقع وهكي
انس..باه صبي
حول من عليها الورغان
ريهام..اااااا مش هاين عليا نصبي
انس ضحك..لا توا يهون عليك غير نوضي
ريهام غطت راسها ب مخده..ورأس انس
انس حول مخده ومسك ايدها وكرها
ريهام تغمض ف عيونها وانس يبحت فيها ومبتسم
ريهام حست بيه مسكها فتحت عيونها لاقته شامرها قعدت تبحت ف ملامحه الجديه
ريهام..عليش شمرتني
انس ابتسم..ماتبيش تنوضي شن نديرلك مافيش حل الا هك
ريهام غمضت عيونها زين وقعدت تستنشق ف ريحته
نزلها ع وطى
ريهام فتحت عيونها
انس..هيا خشي نراجي فيك ياتنباله
ريهام ابتسمت..تمام
خشت ريهام وقعدت تغسل ف وجها وتبتسم غسلت وطلعت فتحت شنطه وقعدت تختار ف لبسه
انس..دوري ف لبسه
ريهام..اها ندور
صبى تلاها وهيا طلعت ماليا صوف سوده ضابطه قصيره وسروال جينز
انس..البسي كبوط
ريهام..اها اكيده صقع وحتى ضابطه
انس..باه تمام البسي ع راحتك انا برا
طلع انس وريهام لبست ولبست وشاح وردي وبخت عطرها وطلعت
انس..وين الكبوط
ريهام..كنك انس معلق برا شكلك تركز ع البس
انس..ماه جسمك مفصل عاد ماتجيش شنو بقروني انا
ريهام ضحكت..وسع بالك بس حنلبس ماتخافش انا بروحي مانحبش لبسه الضيق
انس..باه تمام هيا البسي بيش نعدو
لبست ريهام كبوط كحلي وكويش وردي نفس لون وشاح وخذت سله حطت فيها حاجات للفطور وطلعو
ريهام مسكت ف ايده من فوق..راجي بنسلح كويشي مانحبش نمشي ع رمله بيه
سلحت كويشها ومسكاته ف ايدها كان شط فاضي ع سبه شتاء
طرحت المفرش وحطت عليه حاجات
ريهام..تبي حليب ولا قهوة
انس متكي تلاها وماسك موبايل..الاثنين
ريهام..تمام
صبتله حليب وقهوة وعطاته له
ريهام..تبي نص معاه
انس قمعز كويس..لا لا هكي كويس بكل
ريهام صبت لروحها وقعدت تشرب وتاكل ف بشكوط
انس..تحبي فطور بحاجه
ريهام..احياناً واحياناً لا
انس..اها باه كولي كويس بيش تسمني
ريهام..لا هكي كويس مانبيش نزيد أكثر
انس..مشعارف نحس ف جسمك وهو مليان احلى
ريهام..بيش تلبسني عبايه وقتها توا عادي وماسلمت منك
انس رافع كرعيه وحاط ايديه عليهن..ههههه لا لا مش لهدرجه بس ستره كويسه
ريهام..عارفه
انس بحت فيها..هيا صبي نتمشو
ريهام..خاطري نخش نعوم منضره يسهف
انس..غريبه هادي قبل ديما هايج ف صقع
ريهام صكرت كبوطها..انقنه صقع بكل
انس..مش لابسه ماليا داخليه
ريهام..لالا نضايق منها
انس..صقع هكي البسيها مره اخرى
ريهام..ماتحاولش معايا من انا وصغيره هكي حتى ماما فاتتني
انس..تمرضي ونحن قاعدين قدام بحر شوفي صقع عاد
ريهام..لا عادي انا مش مراضه
انس..باهي ع راحتك
ريهام بحتت فيه..انا مانحبهش كلمه هذي راه صاح هيا براحتي بس مانحبش حد يقولها ليا
انس ضحك وهز راسه..لا انا شكلي حنوحل فيك انتي طبعك صعب راه
ريهام ابتسمت..مش عارفه ممكن
انس صبى ونفض دبشه من رمله..هيا صبي
ريهام صبت وسقمت لبستها ونفضتها وقعدو يمشو وريهام ساكته
انس..كان مانحكيلكش انا انتي تسكتي
ريهام تنهدت..مانحبش نحكي واجد
انس هز راسه..باه تمام خلاص
قعد ساكت وخلاص
ريهام بحتت فيه..ضايقتك
انس حاط ايديه ف جيوب جاكه..لا جو تمام عليش بنضايق هذا طبعك
ريهام مسكت ايده من فوق..مش انت تبي تساعدني وتصبي معايا
انس..باه بس شن دخل هذي ف هذي
ريهام هزت كتوفها..مش عارفه بس نبيك تقعد معايا ف كل حاجه
انس ابتسم وهز راسه..حاضر تمام
ريهام حطت ايدها معاه ف جيبه..نخليها تدفا معاك
انس هز راسه ومبتسم..تمام
مسك ايدها وهيا جوا وقعد ضاغط عليها ويمشو ع شط"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
