#عكس_التيار✨
حلقه60 والـآااخـــــيـــــــــــرهــه🌸 "جزء الاول من الحلقه"
"بشرى..حبيبي راك تنسى الي قتلك عليهن
علاء يلبس ف جاكه..حاضر تمام مش ناسي
بشرى مدتله المفتاح وعلاء سمع صوت اميره تعيط
علاء..اميره صاح
بشرى..حي كنها
علاء فتح الباب ونزل يجري وبشرى وراه كانت اميره ف مكانها تبكي وتعيط
اميره..عززو عززو ياعلاء عزو مات عدا وسيبني
علاء قعد يبحت فيها ومصدوم رفع عيونه وبحت ف عزو الي طايح ودمه معبي الدنيا طلع يجري واميره تحاول تصبي
بشرى تبكي..اميره اهدي بس
اميره تبكي بصوت عالي ودف ف ايد بشرى وماشيه شور عزو
علاء وصل فيه ومسك راسه وعيونه دموع..عزو معتززز افتح عيونك يااعزو بالله عليك لالا تي لمن تبي تخلينا انت
اميره مصبيه ف نص طريق وتبكي مش لاقيه جهد بيش تحكي
علاء عيط..بشررررى افتتحيييي السياره
عزق مفتاح لبشرى وقعدت تحل فيها وعلاء رفعه بقوه
اميره..بنعددي معاك بنمشي معاك
علاء..مافيييش مشي محددد يمشي معايا خششيها يابشرى خششيها
اميره تعيط..بنعددددي انا بنعدددي
علاء ركب سياره وطلع يجري واميره قعدت تلحق ف سياره وبشرى تكر فيها
بشرى تبكي..ورأس اميره خشي
اميره تخبط ع صدرها..عززو يا بشرى عزززو
بشرى تكر فيها لعند خششتها جوا"
"علاء يبرم يبحت ف عزو ويبكي..شد روحك عزو شد روحك شويا رد بالك ديرها فينا كسرتنا كبيره فيك الله يربحك لا ياعزو
قعد يجري لين وصل لمستشفى وقعد يرن ع انس
علاء..انس انت وين
انس..كنك ياعلاء في حاجه
علاء يمسح ف عيونه..معتز ضرباته سياره تعال ورأس انس خذوه مني
انس..هيا اني طالع
علاء تنهد..نراجي فيك"
"رحاب..الله قريب نوصلو لحوشنا مرايفه ع ماما وعزو وعلاء طبعا عزو أكثر
سفيان يبحت فيها ومبتسم..خلاص اهو شارعكم
رحاب ابتسمت وسفيان خش لشارع بعد قرب رحاب انتبهت لدم ومفاتيح و موبايلات طايحات حست قلبها نغزها
رحاب..شنو في هنا
سفيان..الله اعلم
رحاب فتحت الباب وسياره تمشي ومشت لمفتاح و موبايلات مسكت مفتاح وبرمت مداليا كان مكتوب عليها معتز قعد قلبها يدق بقوه ومسكت موبايل وفتحاته وقعدت تبكي
سفيان..كنك كنك
رحاب..عزو عزو ياسفيان
سفيان طبس وقعد يبحت معاها
رحاب مسكت ف سوريته..قولي كذبه وراس سفيان قولي انا غالطه ورأس حبيبي قولي انا نحلم
سفيان مسك ايديها..غير صبي بس
رحاب تبكي ومسكت مفتاح وموبايلات وحاطتهن ع صدرها..ياربي لا ياربي حي عليا والله نموت ياسفيان
سفيان يصبي فيها..اسكتي بس خلينا نفهمو
عدت رحاب تجري لباب ودق بقوه
فتحت ريهام وعيونها دموع
رحاب..يعني صاح يعني عزو قوليلي مزال عايش طمني قلبي يا ريهام
ريهام ضبطتها وتبكي
سفيان..شن صار بس
ريهام وخرت رحاب..كان طالع لشغل وقعدت تحكي ف قصه وخشت رحاب جوا "
"كنت راقده ونسمع ف موبايل ايهم يرن بس متنبله نبرم نشوفه
ايهم بصوت واطي..ايوااه
تمام تمام ها نعم شنو كنه امتى لالا هيا اني جايك خششوه لعمليات ميس راقده اوكي جاي
انا برمت بقوه..شنو في ياايهم من خش لعمليات
ايهم رفع شعره..مافي شي ارقدي
انا حولت الورغان..ايهم قولي من شن في
ايهم..تي غير وسعي بالك ساهله عزو ضرباته سياره
انا بصوت يرعش..تتتحكي من جدك باه هو كيف وضعه توا ورأس ايهم مادس عليا
ايهم مسك ايديا..تي اسسس هذا علاء كلمني قالي خشو بيه لعمليات معاه انس ماتخافيش اهدي
انا قعدت مجمده و دموعي ينزلن
ايهم..عليش البكاء عليش تفاولي عليه خلاص توا يطلع ساهله ضربه قالي علاء
انا..تي كان ساهله بيخش لعمليات شيلني ورأس ايهم شيلني
ايهم..تي وين نشيلك مستشفى يردس رجاله صبي نشيلك لهلك رحاب ورشا غادي
انا صبيت بدون صوت وخشيت لحمام وطلعت لقيت ايهم مطلع دبش العيال ولام السرير لبست وغيرت العيال
ايهم..هيا
طلعت وانا ساكته حاسه بغصه بس ف رقبتي مش قادره لا تنزل لا ترقى
ايهم يسوق ويبحت فيا
وسن..بابا عدو بابا عزو
ايهم..اها يا بابا
وسن..عدو قوني
ايهم..اها يانوسه
وسن تهز فيا وانا حاطه مرفقي ع قزاز وكل ايدي ع خدي
انا برمت عليها..نعم
وسن..عدو بابا
انا هزيت راسي وتنهدت..بتعدي لمستشفى
ايهم..اها محمد غادي ماتخافيش توا نرن عليك
انا..باه اوكي
نزلت من سياره ونزلت العيال وخشيت نسمع ف صوت البكاء جوا معش تحملت وقعدت نبكي وانا مصبيه مكاني شويا وطلعت ندي
ندي..اسكتي ياميس توا تزيدي خواتك ان شاء الله يطلع طيب
انا نبكي ومضبطتها..عزو يا ندى عزو هذا
ندى..وراسي اسكتي بس اميره منهاره جوا ورحاب اشر منها
انا وخرت ومسحت دموعي وخشيت رحاب كانت مقمعزه وتهز بقوه وتبكي واميره تبكي تلاها امها وماما مضبطه يقين وتهز بيها
رشا جتني تجري ضبطتني وهيا ساكته وانا ماسكه دموعي
رحاب..ياربي ماتويرني فيه سوء ياربي الا عزو ياربي ماصدق فرح ياربي ااااه
انا قعدت نبكي من كلامها وماما صبت خشت جوا
بشرى..خلاص يارشا اطلقيها كنكن هكي تفاولن عليه
سالمه..الله يربحكن بلا بكاء خلاص ان شاء الله يطلع كويس
انا خشيت قمعزت تلا ماما وهيا ساكته ماحكتش حاجه"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
