#عكس_التيار✨
حلقه49
"أول يوم ف رمضان...
انا نازله وماسكه وسن ف ايدي وايدي لأخرى فيها طاجين..خيرات كل سنه وانتم طيبين
سليمه..خير وانتي طيبه شنو سمحه مصحصحه اليوم
انا مديتها لها وحطيت طاجين ع طاوله..دنيا مزال ما نزلت
سليمه تلعب ع وسن..لالا مزال و تسنيم ومنير راقدين ايهم مزال راقد
انا..لالا نايض وقتله نزل معاك طاجين كيكه مثلجه
سليمه..نفس تقسيم سنه الي فاتت
انا..اها تسنيم قالت تبي كيمياء قعدنا ع نفس الجو
سليمه..ان شاء الله ديما ملتمين ع خير
انا..ان شاء الله يارب
ايهم نازل وماسك طاجين..خيرات ياامي خير كل عام وانتي بالف خير
سليمه ابتسمت..وانت بخير
ايهم مدلي طاجين وقرب من اعميمه وبأس راسها..وين الباقين
سليمه..مزال ماريت حد
انا..ايهم كنك ما نزلت مشائ وسن توا تقعد دايره هرجه
ايهم..لا والله ماجو نركب أخرى
انا...يييي عليا منك توا نركب الله غالب عليا
سليمه..لا ماتركبها المرا حامل
ايهم..عليك جو شين توا باه توا نركب
ركب ايهم ونحن خشينا لكوجينه قعدت اعميمه ع رز وعصبان وانا ندير ف مفروم البطاطا شويا ونزلت دنيا وحوش نقلب بهرجه العيال و تسنيم ناضت تضم ف الحوش شويا وناض منير
منير يعمش..ينعجد وجوكم يافروخ الحرام
اعليوه..عموووو
منير..حول يافرخ كبيدياتي هذينا انا بس
قرب من بنات وشمرهن وقعدت يلعب عليهن
انا طلعت..خيرات منير كل سنه وانت طيب
منير..وانتي طيبه عليك هرجه دايرنها
انا..هههههه الله غالب اعيال خوتك
منير..ان شاء الله واعيالي سنه الجايا
مع خشت ايهم..تي غير جوز انت بس
منير..هنينا توا نجوز ماتخافش
ايهم..صبي سلم عليا
منير..مش تحق فيا ماسك فرختك وفرخت خوك
وسن قعدت تعيط
ايهم يضحك..تهزب فيك
منير..اسسس يافرخه هذا ماناقص عليا
انا خشيت لكوجينه
دنيا مصبيه ع غاز ادير ف شربه..امجد من يبدا رمضان يعلق ع طول ع نوم
سليمه..خليه يتريح المحل وفيه واحد
دنيا..رمضان عباده مش نوم
سليمه..صاح صدقتي بس من يومه هك الي صاح ياخذ فيها عباده ايهم صلاة ف وقتها وقاريه قرآن وقيام
تسنيم..ديما ايهم مشاء الله عليه مخليك معاه ياميس ولا لا
انا..انا بروحي ف رمضان هك هو شهر ف سنه الواحد يطلع منه بفايده
سليمه..ربي يحفظكم
انا..تسلمي ويحفظك لنا
قعدت ع بطاطا و تسنيم تلانا توتي ودنيا ع شربه وايهم ومنير برا يهدرزو"
"محمد..خلاص كملتي
رشا تسلح ف المريقه..اها كملت خلاص
محمد..والحوسه هذي
رشا..لالا وراسي عندك بعدين نضمها توا مش قادره يالله ننزل
محمد..باه مش مشكله عادي
رشا..هيا ندوش ع سريع ونلبس محمد طلع البقلاوه من تلاجه خير ماننسى
محمد..باه حاضر عدي
عدت رشا دوش وشويا وطلعت لبست وجت لمحمد
محمد..هاتي نمسك الطاجين وانتي بقلاوه قتيلي طاجين ايش
رشا..طاجين جبن
محمد ماسك ايدها وينزل بيها..السلام عليكم كل عام وانتم بخير
فاطمه..وانتم بخير نورتو
صالح..وانتم بالف خير نورتينا يارشا سنه
رشا ابتسمت..منور بوجودك ياعمي كيف حالك يااعميمه
فاطمه..الحمد الله شن دايره انتي
رشا..بخير والله
مريم نازله تجري من دروج..حممماادي
محمد يضحك..ينعليا من الغلاء الي مقطعك
مريم..مبردك
محمد مد ايده..بوسي خوك الكبير انا
مريم ضرباته ع ايده..هذا ماناقص كل سنه وانت طيب وخساره فيك أخرى
رشا..ونحن مايسلمش عليا
محمد ضحك..صقع عليك ماه حمادي حتى هو
مريم برمت تسلم ع رشا..كيف حالك شن دايره
رشا..الحمد الله بشرى وين
مريم..ع النوم قاعده
فاطمه..انا بنقرا قرآن يابنات ديرن بالكن من طناجر
مريم..ماتخافيش عدي
رشا مدتلها ايدها..صبيني هيا
مريم..شن درتيلنا
رشا..طاجين جبن
مريم..اها سلم ايديك
رشا..تسلمي
خشن لكوجينه يكملن ف باقي الحوسه"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
