#عكس_التيار✨
حلقه31
"رقم..معليش يعني انتي خشيتي بين اثنين يحبو بعضهم لو سمحتي انسحبي
انا نصدمت..من انتي بيش تقولي هكي
رقم..فاعله خير انسحبي وخلاص
صكرت موبايل ف وجي وانا قعدت ساكته لين سمعت صوت العياط مشيت نجري لدار
رقم..ريهام عظم الله اجرك ف اسامه
ريهام طاحت ف وطى..لالا قول غيرها حي عليا انا حي عليا
رقم..اهدى يا ريهام بس انا خو اسامه
ريهام تعيط..كيف مات كيف مااااات
رقم..حادث حادث
صكرت موبايل وهيا قعدت تبكي وتخبط
ريهام..ووووووووووو عليا يا ماما ووووووو فرحتي انكسرت ياماما حي عليا انا حي عليا
ماما خشت تجري ونحن وراها..كنك كنك شن في تعيطي
ريهام تبكي وتخبط ع وجها..مااات مااات ياماما ماتتت فرحته ماكملتش يا ماما
ماما مصدومه وقربت منها ماسكه ايديها..من قالها لكي من قالها
ريهام تشهق..خوه خوه ياماما خوه
نحن جينا تلاها وانا نبكي معاها
انا..غير اهدى ورأس هوما بالك ف مستشفى
ريهام تخبط ف صدرها..عززاااني فيه عززاني فيه
شوي وسمعنا الباب نحل طلعت رشا تبكي تشوف من
خش عزو وجه متغير
رشا..بالله عليك ياعزو صاح الكلام
عزو هز راسه..علمتها
رشا تبكي..حي عليا قصدك صاح ينعليا يا ريهام فرحتها انكسرت شوفها ورأس عزو
عزو..اوووف باه اني خاش
خش عزو لدار ريهام صبت تجري
ريهام..عزو عزو قول كلام هذا صاح بالله عليك طمني ياعزو
عزو منزل راسه..عمره يا ريهام عمره عظم الله اجرك ربي ينزل الصبر عليك
ريهام طاحت من طولها
ماما..حي عليا بنتي حي عليا
انا نبكي..اسكتي ياماما شويا اسكتي بس
عزو..وحده منكن تجيب عبايا تي هيا ازززف
صبت رحاب نجري جابت عبايا ولبسوها لها وطلع بيها عزو وماما بعد كان حوش فيه عرس انقلب الحزن ونكد
جيت قمعزت ع سريري سمعت موبايلي يرن مشيت لكوجينه لقيته ايهم مسحت دموعي ورديت
انا..ايواه
ايهم..هلا
انا تنهدت وسكتت
ايهم..وصلكم الخبر
انا دموعي نزلن..وصل اها توا عزو طلع بريهام لمستشفى داخت علينا
ايهم..لا حول ولا قوة الا بالله ربي ينزل عليها الصبر واعره يوم فاتحتهم
انا..ياعمري يا ريهام كيف تعيط وتبكي قولي كيف صار
ايهم..بعد طلعنا من جامع جاء هو وأصحابه يمتعو سياره الي هو فيها زلقت وخشت تحت البطاح كان حادث شنيع والاسوء قدام باته
انا قعدت نبكي وحاطه ايدي ع فمي..يا روحي ووووه عليه كان تسمعها ريهام احتمال تنجنن
ايهم..ربي ينزل عليها الصبر وخلاص ربي يصبرها باه طمنيني عليها سلام توا
انا..تمام
صكرت ع ايهم وقمعزت ف كوجينه خايفه ع ريهام تفكيري كله فيها نسيت حتى قصه الرقم نسيت همي
شوي وخشت عليا رحاب تجري وجها منسود
انا..كنك
رحاب..ريهام
انا صبيت..كنها ريهام
رحاب جت اضبطتني وتبكي
انا..كنها ريهام كنها"
"عزو..ها يا دكتور طمنا عليها شنو صار معاها
دكتور..للاسف مريضه دخلت ف غيبوبه من صدمه اثرت ع جزء من دماغ المسئول عن الوعى
ماما مسكت ف ايد عزو..كيف يعني بنتي مش حتنوض بكل
دكتور..موضوع هذا مانقدرش نحدده لا انا لا انتي ادعولها بس
عزو مصدوم ويبحت ف دكتور..معليش يا دكتور باه نقدر نشوفوها
دكتور..نقالنها ف غرفه تعالو معايا
قعد يمشي دكتور وهما وراه
ماما..عزو اختك اختك تبي تريح من بين ايديا
عزو بصوت واطي..اسكتي ياامي ماتقوليش هكي توا تنوض بخير ادعيلها انتي دعاك مستجاب
ماما..يارب كون معاها يارب شوف بحالها اااه
خشو شافوها
دكتور..مافيش داعي لقعدتكم هنا هيا مش حاسه بحد وكان ناضت نحن نخبروكم
عزو هز راسه..امي خلي نروحو لازم نعدو لعزاء
ماما تمسح ف دموعها..باه هيا
طلعو من عندها وروحو لحوش"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
