#عكس_التيار✨
حلقه22
"برمت نبحت فيها انا وامجد
تسنيم..شنو اطلع ف تغطيه
منير..قتلك معااايا ياانم بيش تفهمي خلاص قريب نخشو لشارع
تسنيم..باهي بلا تهزيب علي ينشغل عليكم
انا..شن قال
تسنيم..خلاص قريب يخشو لشارع
سكتت وشويا وخشو هما اثنين يضحكو
ايهم يضحك..كنكم تكلمو شن في
امجد..نشغلنا عليكم
ايهم..عليش تنشغلو مش صغار نحن
تسنيم..لازم تكونو صغار بيش ننشغلو عليكم
بعد شفت جوه حلو ومش مدورني ولا حتى اتصل وانا تعبانه ومنشغله عليه ركبت لشقتي وسيبتهم
امجد..غير ميس خافت عليك ونزلت هذا ليش رنينا
ايهم..وينها ميس
تسنيم..كانت هنا ماشفتهش شكلها ركبت
ايهم..اها باه تصبحو ع خير
خشيت لشقه سلحت ملايا الصلاة وخشيت لدار ع سرير وغمضت عيوني ماعنديش نيه نحكي معاه بكل سمعت الباب صكر برمت وجي لجيها لأخرى
ايهم..ميسو مييس ميسي وينك
خش لدار
ايهم..بسم الله رقدتي بسرعه هذي
قرب يهز فيا
ايهم..نوضي حبيبي كنك
حولت ايده من عليا
ايهم..كنك حبيبي مزالتي تعبانه
انا..مش مهم خليني بنرقد
ايهم..كيف مش مهم ياميس عليش بترقدي توا ابرمي نحكي معاك
انا..مش حنحكي ومش حنبرم خليني ياايهم
سكت بعدها معش سمعت صوته برمت لقيته طالع وانا كشيت ف روحي ورقدت"
"ماما..شنجوها شن حكتلك
رشا..حمدالله متريحه الباين راحه ف وجها تلاقيت مع ايهم وانا خاشه مشاء الله عليه رحب بيا وباين فرحان ب ميس واجد غير لولا الحمل بس متعبها كله هيا كويسه
ريهام..باهي الحمدالله ع مهم راحه نفسيه
عزو..امتى تبي تجينا باه أخرى
رشا..مشعارفه ماقلتليش امتى تبي تجي
علاء..من البنت الي نبدري اخت ايهم هذي
رشا..لالا هذي بنت عمه تشبه لي ايهم عسل البنت بكل
رحاب..من مريم
رشا..لا لا بشرى هذي ماهدرزتش واجد معانا ف العرس كيف مريم
رحاب..اها بس عرفتها حلوه وجذابه الفرخه
رشا..ايواه
ماما..وانتي يا ريهام بكرا تبي تطلعي
ريهام..بنطلع انا ورحاب عارفتها بتقلبها زن فوق راسي بس شن بندير
رحاب..امتى عمري زنيت عليك حرام عليك
رشا..معروفه انتي بالزن ديما
ماما..عليش بتزن تعبت كلمليلها خوتها تروح
رحاب..عدي بروحك وانتي ديرتيلي جو عيال صغار
صبت من تلاهم وخشت لدار
علاء..عليش تدويلها عارفتيها بتزعل
رشا..خليها والله تزعل ريت هالحاجه الكبيره
عزو فنص..رشاااا اختك صغيره وانتي عارفتينه نراعو فيها ديما خير ماتردلها حاله زمان
ريهام..يييي عليا نعدي نراضيها توا مرات ترقد زعلانه تجيبها جثامه وترد تحلم بحاجات يخوفنها
عزو..خليها توا نعدي نحكي معاها انا
عزو مشاء دق ع باب وخش كانت رحاب فاتحه شنطتها وتحط ف كتابات فيها
عزو..تغيري ف جدولك
رحاب..اها
عزو..عندك امتحان بكرا
رحاب..لا لا
عزو..مشاء الله مشيت سالت عليك مستواك احسن حتى من سمستر الأول
رحاب ابتسمت وسكتت
عزو..خلاص توا انتي كبرتي مفروض تحولي زعل ع جنب هكي مش كل حاجه تنزعل منها
رحاب ساكته
عزو..عادي هنا دون خواتك مش حد غريب
رحاب..مانحبش حد يحسسني بكلام هذا ولا يحسسني اني صغيره وانه لازم تراعوني ولازم تخافو عليا
عزو..بس نحن هلك لازم هكي نديرو
رحاب سكتت
عزو..نحن نضايقو فيك بكلامنا مرات
رحاب..يعني احياناً واحياناً
عزو..عليش باه
رحاب..يعني مرات نحس اهتمامكم حلو ومرات لا نحس فيه يخنق فيا لانه تحسسو فيا بالحاله الي كانت تجيني وانا مانحبش نذكرها
عزو..ياستي انا اسف ونعتذر نيابه عليهم ع مهم ماتزعليش انتي
رحاب..انت غير عليهم ومعش تعتذر مني مفروض انا الي ديما نعتذر منك ع كل تصرفاتي الغلط وع زعل الي نزعل فيه لكي
عزو ابتسم..انتي اختي صغيره زي بنتي لانه ربيتك ع ايديا وكان غلطي عادي نقسى ونوريك الصح
رحاب..انت امتى عمرك قسيت عليا وكل الي ادير فيه لمصلحتي
عزو..اكيده نبي مصلحتك ونبي نشوفك ف احسن صوره قدامي
رحاب ابتسمت..ان شاء الله تشوفني كيف ماانت تحلم
عزو..خلاص تعالي معايا مادوريهنش
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
