رواية #عكس_تيار

الحلقة 40

#عكس_التيار✨
حلقه40

"ريهام..شنو جواز شنو الي تحكوا عليه انتم انا بعد اسامه معش بنجوز بنكمل قرايتي ونشتغل بس انا معش بنجوز
ماما..اهدى كنك نفعلتي هكي هذي سنه الحياء اسامه مات الله يرحمه بس حتى نفسك عندك عليها حق الحي يبي يا ريهام
ريهام دموعها ينزلن..كنكم ماتبوش تفهمو انتم انا بعد اسامه صكرت ع موضوع الجيزه
رشا..ياعمري انتي اسامه الله يرحمه خلاص مات لازم تعيشي حياتك انتي مزالتي صغيره اسامه تقدري تدعيله وتصدقي عليه بس مزال قدامك الحياء
ريهام عيطت..مافيش حد فاااهم مااافيش انا مزالت نحب اسامه مزالت ومانبيش نحب ولا نجوز خلوني ف حالي هكي انا متريحه
صبت خشت لدار
ماما..ينعليا مزالت صغيره اسامه له 6 شهور
انا..خليها ياماما توا تهدأ ونحكوا معاها
رحاب..كيف عرفتيه انتي هو خو دنيا
انا..هيا حكتلي ف بدايه جيزتي دوتلي ع رشا وبعدها نخطبت رشا عاد وتوا حكتلي ع ريهام قالت دويتله ع قصتها والي صار معاها وهو عرفها طول
رشا..سبحان الله ع نصيب مرات يقعد هو داوها ف اول وتوا بيدوي جرحها ويجبر خاطرها
ماما..انا شن ودي غير تقعد كويسه وفرحانه ربي يجبر ب خاطرها
رحاب..مسكينه ف نص ليل تصلي وتدعيله وتقعد تبكي
ماما..عارفتها شايلا ف قلبها
انا صبيت..ربي يفرج عليها وخلاص نمشي نشوفها
مشيت لدار خشيت لقيتها مقمعزه ع سرير وتمسح ف دموعها خشيت قمعزت تلاها
ريهام..عليش ياميس عليش ماه عارفتيني نحب اسامه ومانبيش ناخذ خد غيره
انا..هوما اسمعيني ربي شن قال قال الله تعالى (قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ التوبة)
سواء هكي ولا هكي اسامه هذا حد عمره ربي مش حيختارلك الا الي فيها الخيره ماصارش هكي الا وربي عارف انه فيها لكي ربي يحبك لانه ابتلاك ربي اذا حب عبداً يبتليه واحياناً انتي مرات كنتي بعيده ع الله يبيك تقربي منه ويبي يختبر صبرك وقوة ايمانك

ريهام تبكي..عارفه عارفه كل الكلام هذا بس مش مستوعبه اني نكون الغيره ياميس انا نحب اسامه انتي عارفه كيف الواحد بعد يحب صاح والله عارفه انتي
انا..يا عمري و الله عارفه بس لنفسك عليها حق واهلك عليك حق ف كل حق عطيه حقه ياهوما الحي يبي
ريهام تمسح ف دموعها..خايفه مانحبش كيف ما حبيت اسامه خايفه نضلمه وخايفه نقعد نفكر ف اسامه وانا ع ذمته مش تعتبر خيانه هكي
انا..حتحبيه كيف اسامه ممكن وأكثر صدقيني استخيري انتي بس شوفي انا خوذيني مثال لكي كنت مش راضيه وخايفه صاح ف بدايه جوازنا ماكنتش متريحه واجد بس انا واثقه ف اختيار ربي وعارفته خير وصبرت والحمد الله ربي عاطني ع صبري وحسن ظني ف الله
ريهام..باه نصلي استخاره ونرد عليكم
انا ابتسمت وحضنتها..ربي يعطيك الي يفرحك
ريهام تنهدت..ان شاء الله
انا صبيت..تعالي كسدي معانا
ريهام..لا لا اطلعي انتي ماعنديش نيه
انا..باه تمام

طلعت برا وقمعزت معاهن..
ماما..شن قالت
انا ابتسمت..اقتنعت شويا راه وقالت نصلي استخاره قبل
ماما..ان شاء الله ربي يفرحها
رشا..ان شاء الله الي فيها خيره يجيبها لها؛ميس كنها وسن ايديها الاثنين ف فمها كانها تسنن وهيا مزالت صغيره
انا..اها ياماما لين تقعد تبكي مرات وايديها الاثنين ف فمها تعض فيهن
ماما..تحس ف انسجه اللثه حتى من توا اشريلها العضاضه
انا..عليش تعض فيهن باه
ماما..يخفف ف الوجع الي تحس فيه متخافيش مرات تقعد تبكيلك بدون سبب من الالم وتقعد تسيل الرياقه واجد ومرات حراره
انا..حي عليا نخاف عليها
ماما..ياهبله لازم هكي لعند يطلعن
انا..صاح
ماما..اه شوفيها كيف تعض فيهن
انا..توا نقول لي ايهم يجيبلها
رحاب خاشه ب صفره القهوة
انا..ماعندكش معهد اليوم
رحاب..لالا اليوم بكرا
انا..ماما امتى بيان عزو
ماما..ان شاء الله قال نهايه الشهر
انا..والعرس امتى
ماما..قبل رمضان ان شاء الله
رشا..بديتي تاخذي ف حاجات
ماما..اها مره مره ناخذ حاجات ف حاجات لعرس كله اثاث شورهم هما الأثنين
رشا..باه كويس مشاءالله شقه بسيطه وحلوه بكل
انا..احلى حاجه البساطه تبان حلوه
رحاب..حتى شقه اعليوه مشاء الله
انا..مشاء الله هما الأثنين