#عكس_التيار✨
حلقه48
ايهم خش لكوجينه ويكح ودنيا وامجد وراه
ايهم يعيط من كوجينه..اطلللعو وووسن ياامجد طلللعهااا
امجد كرها من المشائ وطلع بيها يجري.
منير..شنو شنو في
امجد مد وسن لتسنيم..انزلي بيها راه تصيرلها حاجه
ايهم وصل عندي وطبس شمرني وانا كنت لابسه روب قصير طلع بيا وكان ع صالون فوطه امتاعه كرها لفني بيها وطلع يجري
سليمه تبكي..ينعليا شن صارلها
ايهم يكح وينزل بيا من دروج حطني ف استراحه الي بين دروجين
ايهم داهش ويكح..منير طفي الغاز مش كبير الحريق
سليمه..تباعدو من عليها بس لين تنوض
امجد يفتح ف رواشن وايهم ماسك وجي بين ايديه
ايهم يخبط ف خدودي بشويا..ميس ياميس افتحي عيونك بحتي فيا
بحت ف سليمه..ياامي ازعمك صارلها حاجه مبس حامل
سليمه...غير دايخه جيبي ميه يا دنيا
ايهم رفعني وحط وذنه ع قلبي..مييسس افتحي عيونك يامييس
انا قعدت نكح وحسيت بميه ع وجي فتحت عيوني شفت ايهم يبحت فيا وعيونه مليانات خوف ودموع وجه اسود من دخان
انا بصوت مخنوق..ايهم احووو احووو
ايهم تنهد..الحمد الله ياربي تحسي ف حاجه ميس فيك حاجه انتي كويسه ردي عليا طمني قلبي راه والله محروق انا
انا نبحت ندور ف وسن بينهم..بنتي وين وسن وين ياايهم وسسن وين
ايهم برم ع امجد
امجد..مع تسنيم لوطه ماتشغليش بالك
ايهم يمسح ع وجي..الحمدالله يارب الحمد الله
سليمه..نزلها تريح لوطه الحوش معبي دخان
منير..احوووو خلاص طفت الستاره نازله ع الطنجره بس
امجد..الحمدالله ع سلامتك
ايهم يبحت ف عيوني..الله يسلمك
دنيا..الحمد الله طلعتي بخير
انا نبحت فيه ونحس ف دموعي بينزلن..اييهم
ايهم تنهد..نعم
انا..خليك معايا باهي
ايهم شمرني وصبى..حضنيني بقوه ميس رد بالك تفكري تغيبي عليا فاهمه
انا حضنته بقوه وحطيت راسي ع صدره وتنفس بقوه ومغمضه عيون ونحس بصدره يرقى وينزل لانه يتنفس بقوه
سليمه..خش بيها لداركم ياايهم خليها تريح
ايهم هز راسه وخش لحوش..وسن كويسه
تسنيم..كويسه متخافش غيرتلها وسكتت اهي
ايهم تنهد..الحمد الله يارب
خش بيا ايهم لدار وصكرها وحطني ع سرير وكان بيرفع روحه
انا بصوت واطي..تبي تسيبني أخرى معش بتحكي معايا مزال مش مسامحني أخرى
ايهم مسك ايديا..مانقدرش نسيبك انا تي بعد خشيت ولقيتك طايحه قبل جن جنوني وحق ربي قبل طرشقت عنجد نسيبك رد بالك تعاوديها وتخوفيني عليك هكي
انا تنهدت و دموعي نزلن..انا دخت اصلا مانعرفش كيف صار كنت نذكر اني كنت نطيب بس
ايهم رافع ايديا ويبوس فيهن..من قله الوكال بس معش نخليك هكي انا
انا نبكي ونبحت فيه..ماه انا تعبانه منك ومن العقاب الي دايره ليا تعبتني ياايهم تعبتني
ايهم رفع عيونه فيا..انتي عصبتيني هذا كله ماسك روحي عليك ماسكها بسيف لانه انا ماشي ع حاجه كان مديت ايدك خلاص القدر واحترام يطيرح وقتها وانا مستحيل نديرها فاهمه عليا
انا دموعي ينزلن ونهز ف راسي..بس كان واعر عليا وااعر انك ديريلي هكي
ايهم بصوت هادي..اسف والله اسف خلاص اسكتي دموعك يعذبن فيا راه
انا حضنته وحاطه راسي ع صدره سقم روحه ايهم وتممد وانا راقده ع صدره ونبكي
ايهم يمشي ف ايده ع شعري..اسكتي
انا تنهدت ونمسح ف دموعي..خفت
ايهم ميل راسه وبحت فيا..من شنو
انا..بعد شفت وجك اسود خفت نقعد خسرتك ولا خسرت وسن انا بعد نفكر ف موضوع نحس بغصه هكي
ايهم يبوس ف راسي..معش تفكري خلاص ياميس بالله عليك اسكتي كنك ديري هكي
انا مسحت دموعي وبحتت فيه..ماه شن ندير انا انحبك
وبحتت ف عيونه وزدت نبكي أخرى وايهم كرني لصدره
ايهم بصوت مخنوق..ماتبيش تسكتي انتي خلاص ياميس خلاص والله اسف والله نحبك والله نحبك
انا نسمع فيه وماسكه ف سوريته..معش تعدي وتسيبني معش تعذبني بطريقه هذي ياايهم خلاص تعبت انا تعبت
ايهم وخرني ومسك وجي بين ايديه ويمسح ف دموعي..سلامتك من تعب
انا تنهدت وابتسمت بشويا..بس لو كان ماصارش هكي كنت ماصالحتنيش
ايهم ابتسم..حتى وكان ماصالحتكش بس عارفه اني نحبك صاح
انا هزيت راسي ب لالا
ايهم قرن حواجبه..كيف لالا
انا..بنحسها نحبك صاح نبي نحسها
ايهم قعد يقرب مني بشويا وانا نقرب لين باسني ع فمي بوسه طووووييللله وانا ماسكه ف رقبته
انا وخرت بشويا ومغمضه عيوني..ايهم
ايهم بصوت هادي..هممم
انا..خلاص عيب هلك برا
ايهم باسني ع راسي..حاضر نركب نجيبلك دبش اليوم نقعدو هنا وبكرا ان شاء الله توا نركبو
انا هزيت راسي
دق الباب وايهم وخر من عليا
ايهم..تفضل من
خشت اعميمه ماسكه كبايه ف ايدها وفاوز
سليمه..كيف حالك توا بعد الرعشة
انا..لا تمام
سليمه..باه الحمد الله اليوم اقعدو هنا
ايهم..ان شاء الله نشوف شقه شن فيها ماه..وايهم يحكي اعميمه بخت علينا ميه
ايهم يمسح ع وجي..تي كنك
سليمه..تحول فجعه كنك وهذا كسبر
فتحت الفاوز
سليمه..افتحي ايدك
انا نضحك وحليت ايدي وكليت منه
ايهم..فكيني ترا ناقصني انا
سليمه..يحول الفجعه كنك انت عطيتهم كلهم برا
ايهم يهز ف راسه..لا حول الله هاتي باه
خذا ايهم كسبر وصبى
ايهم..انا نجيب دبش
انا..تمام
ركب ايهم واعميمه قمعزت تلايا
سليمه..ايهم قالي حامل الف مبروك
انا ابتسمت بشويا..الله يبارك فيك
سليمه..ان شاء الله من قسمكم
انا..ان شاء الله يارب
سليمه صبت..خوذي راحتك ماتحشميش وكان ع منير ديما برا وكان جاء ف دار
انا..لا عادي
سليمه..نخليك تريحي
طلعت اعميمه ونزل ايهم جابلنا دبش وانا خشيت ندوش دوشت ولبست ف حمام ولفيت شعري وطلعت
رشا جتني ضبطتني..انتي كويسه طمنيني عليك
انا ضحكت..تمام انا كويسه كنك مافيا شي راه
رشا..انشغلت عليك بس
فاطمه..الحمد لله ع سلامتكم
انا..الله يسلمك
مريم..خوفتيني والله الحمد الله ع سلامتك
انا..الله يسلمك
رشا..ماما انشغلت عليك راه
انا..عليش تقوليلها توا تقعد منشغله
رشا..ماه كنت نكلم فيها وقت قالت لي مريم
انا..توا نكلمها
تسنيم..شنو يا ماما ماتبيش تبحتي فينا بكل
انا مسكت وسن وحضنتها..دوشولك ياعمري انا شنو ريحه الحلوه هذي
تسنيم..دوشنالها ودرنالها رضاعه
انا..نجك ليا شكراً
تسنيم..عادي مش بينا خشي ابرمي ع روحك وتعالي ماما عقبتلكم قرعتكم من غداء
انا..باه ان شاء الله
خشيت لدار وخشت معايا رشا
رشا..ها شن صار شكلكم اصالحتو
انا ابتسمت..صالحني اها
رشا..باه الحمدالله شوفي موبايلك ماما اكيده رنت عليك
انا..هاكي وسن وطلعي عيب عاد نقعدو بروحنا
رشا..باه هيا
طلعت رشا وانا مشطت شعري ولفيته وبحتت ف عطري و ابتسمت وبخيت منه وقمعزت ع سرير رنيت ع ماما
انا..خيرات
ماما..ينعليا شغلتيني عليك شن صار معاك
انا ضحكت..ماصار شي ياماما والله غير ستاره طاحت ع طنجره ودارت هرجه مش كبير الحريق
ماما..انا مش حنتريح لعند نشوفك خلي ايهم يجيبك خوتك مش قاعدين
انا..باه ياماما توا نشوفه
ماما..انتي حامل قالتلي رشا صارتلك حاجه
انا..لا ياماما مافيا شي
ماما..باه تعالي
انا..ان شاء الله توا نقول لي ايهم
مع خشت ايهم دار
انا..اهو جاء ايهم توا نقوله باهي
ماما..باه الله يربحك
صكرت منها وبحت فيا ايهم
ايهم..من
انا..ماما سمعت من رشا وقعدت مشغوله عليا قالتلي تعالي خوتي مش قاعدين بيش تجي تشوفني
ايهم..باه حاضر توا نشيلك
انا..نجك ليا شن فيها الشقه
ايهم..مافيها شي الغاز خرب معش ولع مش عارفه كنه وجعبه امتاع الستاره طايحه توا بعد نحطك نمشي نشري غاز
انا..باه بما انه مافيها شي خلي نركبو
ايهم..لالا ماهو ريحه الحوش دخان واعر عليكن فتحت رواشنها شقه تهوى
انا..باه تغدا
ايهم..لالا فوتي ونحن طالعين ناخذو انصاص.
انا..تمام
ايهم قرب مني وبأس رقبتي وتنفس بقوه..ريحه هذي نعشقها
انا ابتسمت..نجك ليا
ايهم وخر..صبي البسي باه
انا..توا نلبس عبايه فوق منها
ايهم..باه طالع نسخن ف سياره
طلع ايهم وانا لبست عبايتي وشاحي وطلعت
سليمه..وين ماشيه تحسي ف حاجه
انا..لالا مافي شي غير ماما مشغوله عليا ومافيش من يجيبها
سليمه..اها واعره الشغله لا عدي شوفيها
رشا..سلمي عليها
انا خذيت وسن من تسنيم..حاضر
طلعت وركبت ف سياره وايهم مسك مني وسن
ايهم..شنو سماحه هذي وين ع شروتات وجو
انا..ثقع عليك يابابا هاتها
ايهم..لالا خليها عادي
قمعزها ع كتره وقعد يسوق وانا خذيت الوصله وعلقتها ف موبايلي
انا..من زمان سامعه اغنيه وحبيتها واجد الايام الي فاتن جت ف الTv ايام عركتنا ومشيت نزلتها نبيك تسمعها
ايهم تنهد..اطربيني يا ستي
ولعتها وكان لحنها هادي ف بدايه ايهم بحت فيا وابتسم ومسك ايدي
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
