#عكس_التيار✨
حلقه 24
بشرى..كنك تعيطي
مريم قمعزت ع سرير وحاطه ايدها ع خدها
بشرى جت تلاها..شن في ياحيوانه
مريم..تي مذكرتي الي قتلك راحت طلعت عند منير وانا كاتبه اسمه بخط كبير توا مصورها ليا ودازها كاتبلي خطك حلو
بشرى..حي ع ام تزليط ازف
مريم بحتت ف بشرى..حي عليا خلاص عرفها عليك لقطه ياربي
شويا وصلها مسج أخرى
مريم حاطه ايديها ع وجها..شوفيه انتي ترا
بشرى مسكت موبايل وفتحاته لاقته داز صوره أخرى وكانت مذكره مكتوب عليها مريم وكاتب تحت منها
ايام القرايا هذي وع فكره مذكره هذي كانت خاصه بيك انتي بس😉
بشرى تضحك..بحتي بحتي
مريم حولت ايديها وقعدت تقرا ف الكلام ومبتسمه وتعاود تقرا فيه أخرى
مريم..حي عليا المسي قلبي شن بنرد عليه
بشرى تضحك وحطت ايدها ع قلب مريم..عنجد وجك ماترديش خلاص فوتي لين يحكي بروحه كان سأل قوليله مافهمتش
مريم..هكي خير
بشرى..اها خير خلاص صكري نت وفوتيه
مريم ابتسمت..امتى بيقولها
بشرى..ان شاء الله يقولها وتهنى يارب
مريم..ان شاء الله سمعتي كلام ماما ع اخت ميس
بشرى..اها سمعت قالت تهبل وانا مذكرتها ف العرس جذابه بكل فرحتله بكل احميدا يستاهل كل الخير
مريم..ان شاء الله ربي يهنيه قالي توا نشيلك انتي يوم المقابلة
بشرى..باه كويس ربي يفرح قلبه"
"راقده ع سرير وحاطه ايدي ع بطني وايدي لأخرى ع عيوني خش ايهم تلايا
ايهم..تعبانه
انا..اممم شويا اليوم تاعبه شويا
ايهم..باه ارقدي
سكتت بعدها قرب مني
ايهم..ميسي خذيتي دواك حبيبي
هزيت راسي
ايهم..باه تمام جوك شين ولا انتي تعبانه بس
حولت ايدي
انا..خالطه عليا
ايهم زاد قرب مني وحط ايده ع شعري..كنها حبيبي جوها شين شن في ياعمري
انا..مافيش شي بس بعد بكرا عندي امتحان ونخمم فيه بنقرا وانا تعبانه
ايهم..ماه قرينه هذكه اليوم
انا..اممم بس نرد أخرى لازم
ايهم..باه ساهلا توا نقعد معاك المحل معش نعديلا الا بالجو لانه لقيت حد يصبي فيه
انا..باهي حتى تريح انت واعر شغل ف صبح وشغل ف عشيه
ايهم..اهو شن بنديرو الواحد يحلل رزقه
انا..اممم اكيده ربي يساعدك ان شاء الله
ايهم..امين معش طلعنا بكل
انا..وين بتعدي
ايهم..مش عارفه نفكر نعدو لمزرعه الجمعه نغيرو جونا
انا..الله عليك جو
ايهم..نعدو بروحنا اريح
انا..عادي حتى جو العيله حلو
ايهم..عارف انه حلو بس ناخذو راحتنا شويا بروحنا
انا..باه عادي ع راحتك حبيبي
ايهم..وين قطوستك
انا ابتسمت..سنبل رقدت نبدري
ايهم بستغراب..سنبل
انا..اها سنبل لانها لطيفه بكل ومنضرها هادي
ايهم..باهي سنبل سنبل عنجد الاسم
انا بحتت فيه بتكشيخه..بالك مش عاجبك
ايهم تنهد..لا عاجبني وعاجبني الي اختار الاسم
انا ابتسمت وقربت منه رقدت ع ايده
ايهم..احضنيني
وخر وبحتت فيه حسيت ف حاجه مخربه جوه
انا..حبيبي مضايق
ايهم هز راسه..لالا بس مضايق عليك لانك تتعبي
انا..عادي حبيبي انا ام وبنتحمل وانا توا كله تفكيري بعد نجيب ونمسكه بين ايديا
ايهم ابتسم وباس راسي..ان شاء الله ياربي يفرحنا وتطلع ولا يطلع حامل كتاب الله
انا..امين يارب
فتحت ايديا وهو رقد ف حضني قعدت نلعب بشعره لين رقدت"
أنت تقرأ
رواية #عكس_تيار
Ficción Generalالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
