عكس_تيار✨
حلقه 6
فتح لباب وانا خشيت بشويا ولع ضي وسمعت باب اسكر قعد قلبي ينبض بقوه حط ايده ع كتفي غمضت عيوني زين وقعدت ضاغطه ع برنوس بيدي
أيهم..احم ميس
رفعت عيوني فيه بشويا وهو نزل لبرنوس وفتحه
أيهم..خشي لدار خوذي راحتك وتوضي تمام
انا بصوت واطي..اوكي
مشيت وقعدت مصبيه ف ممر معش عرفت وين دار
انا بصوت واطي..أيهم ياايهم
شويا وجاني كان سالح جاكته
أيهم..نعم
انا..ماعرفتش وين الدار انا
أيهم..اه أخرى وحده
انا..تمام
برمت مشيت لدار خشيت وقمعزت ع سرير من كثر ماني متوتره وخايفه قعدت نفك ف تسريحه بشويا ومسحت ميك اب ب مزيل مكياج وسلحت فيلو دهنت جسمي بالوشن ولبست روب كان لونه سكري كته عريض ومن صدر عريان قصير لعند ركبه وطرف الي برا جبير حلو
أيهم دق باب..ميس مزالتي
فتحت الباب وهو قعد يبحت فيا وف جسمي وانا منزله راسي
أيهم..احم سخنت عشاء اكيده جعانه
انا..اهم شويا
أيهم..باه تشوفي حوش قبل
انا..ع راحتك
أيهم..معناها نتعشو قبل
هزيت راسي وقعدت نمشي وراه قمعز ع طاوله وانا قمعزت قعد ياكل وانا مره ناكل ومره نلعب بوكال
أيهم..كنك ماتاكلي
انا بحتت فيه..ناكل عادي
أيهم..ولا مافيش نيه عاد اذا كان العرس وموافقه بلا نيه
قعدت ساكته ومنزله راسي
أيهم..ساهل ساهل
صبيت
انا بصوت واطي..صحه انا شبعت
مسك ايدي
أيهم..وين
قعدت نبحت فيه ونبحت ف ايده الي ماسكه ايدي
أيهم..امشي توضي بيش نصلو
هزيت راسي وفكيت ايدي ومشيت خشيت لحمام وقعدت ناخذ ف نفس بقوه وغسلت وجي وتوضيت وطلعت لبست لبسه صلاة وقعدت حايره نطلع نشوفه ولا لا صبيت بنفتح باب هو فتحه وخرت
أيهم..اه تعالي هي
مشيت وراه وهو طرح صلايا
أيهم برم عليا..نصلي عشاء
انا..تمام
صلى العشاء وصلى ركعتين برم وحط ايده ع راسي غمضت عيوني وحسيت جسمي رعش مع بعضه قال دعاء
حسيت روحي تريحت فتحت عيوني
أيهم..دابين صلينا و انتي هاديه بنحكي
انا..أيهم انا بنقولك...
أيهم..نحكي انا قبل وانا متوقع شن تبي تقولي؛؛انا يابنت الناس مستحيل نقرب منك و انتي مش حابتيني ولا راضيا عليا
انا..انت فهمتني غ..
أيهم..انا حنبات ف صاله لين بكرا صبح نحكوا ونوصلو لليرضيك ويرضيني
وصبى وخلاني مصدومه صبيت لميت صلايا وخشيت لدار رقدت ع سرير وقعدت نبكي نسمع فيه برا يبرم بس مش قادره نطلع شن نبي نقوله يعني بعد بينت اني مانبيش بعد هو قال انه مايبيش يقرب مني نطلعله قعدت تحت ورغان نبكي سمعت صوت دار نفتح غمضت عيوني ع طول
حسيت ضله مصبي عند راسي طبس عليا وحسيت بعطره ونفسه ساخن ع وجي قعدت مجمده ف مكاني فجاء نط وخر وطلع رديت نبكي أخرى لين تعبت ورقدت"
"ف الصبح نضت من ضي الي جاي ع عيوني فتحت عيوني لقيت روشن محلول وأيهم مصبي ع روشن متكي بيديه ع روشن ويدخن ولابس كانتيرا نضت قمعزت وحطيت ايدي ع كومدينا بناخذ فوني طيحت شمعه الي عليها برم عليا
أيهم بصوت مبحوح باين انه كيف واعي..صباح الخير
انا بصوت واطي و حاطه ايدي ع راسي..صباح النور
بحت ف لبستي اذكرت اني رقدت بروب كريت طرف ولبسته
أيهم..هلي جابو فطور مزال مافطرت نفطر انا وياك ولا ماتبيش حتى سفره تجمعنا
انا زمطت ريقي..أيهم انت ماعطيتنيش فرصه ندوي
أيهم..ميس شن تبي تحكي كل شي واضح خلاص انا طالع خوذي راحتك مش تقولي قاعد ف دار يضايق فيا غير ناخذ ف دبشي
قعدت منزله راسي وشعري كله نازل معايا قعدت عبره خنقتني وساكته
أيهم..ماتبيش تفطري باه كيف ماتبي
طلع من دار وانا صبيت لفيت شعري كله فوق وخشيت لحمام توضيت وطلعت صليت وغيرت دبشي لبست سروال خفيف اسود وبلوزه طويله قريب من ركبه لونها اصفر وعليها كتيبه ب انقلش ومن عند ذراع ماسكتها فيونكه واسع الكم لعند نهايه الايد فيه مسكه ومن رقبه فيها خيوط وفيها طربوش
طلعت من دار لقيته راقد ع صالون
انا بصوت واطي..أيهم
رفع رأسه وبحت فيا
انا..افطر معايا مانحبش نفطر بروحي
أيهم قعد يبحت فيا وساكت حسيته كيف الي مايبيش يحكي معايا ولا يشوفني جيت بنبرم
أيهم..باه حطي ع طاوله نغسل ونجيك
انا برمت وابتسمت..تمام باه
خشيت لمطبخ وحطيت لفطور ع طاوله وهو جاء قمعز قعدنا نفطرو وانا كنت جيعانه من امس مش واكله شي
أيهم ابتسم..شكلك وكاله بس وين يعدي هذا كله
انا بحتت فيه وحطيت ايدي ع خدي..قصدك اني رقيقه بكل
أيهم دار كيفي وحط ايده ع خده..اها بكل
انا..عادي انا نحس ف روحي
أيهم..اها مدرستك اسبوع جاي
انا..اها
أيهم..بس اول اسبوع مش نقعدو ف بنغازي
انا..كيف
أيهم..كنت حاجز ف قريه ف شرق اذا كنتي تبي طبعاً كان هذا نلغيه عادي راه
انا رديت ناكل..لا خليه
أيهم..امم باه
سمعت فوني يرن صبيت
أيهم قرن حواجبه..تلفونك
انا..اها
أيهم بحت فيا بتفنيصه..كيف مش ماعندكش تلفون ولا طروح وكذب ع ساس كنتي اطفشي فيا
انا..لا والله ماهكي
أيهم هز راسه وصبى طلع قعدت مصبيه مكاني وساكته لين عاود رن الفون مشيت نرد"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
