#عكس_التيار✨
حلقه34
علاء..كنكم شن في
انا زدت طبست وماسكه بطني من لوطه..ااااااااا يا ماما اااااا
ماما..جيبن عبايتها بسرررعه يابنات
علاء..تبي تجيب
ماما..امشي كلم راجلها
طلع علاء يجري وانا ماسكه ف ايد ماما
ماما. بسم الله ان شاء الله ساهلا ماتخافيش
انا..يا ماما يا ماما ااااااااااا ايهم وين ايهم
ماما..توا يجيك اهدى بس
جابتلي رشا عبايه ويلبسن فيا ع خشت ايهم وعزو
ايهم منفجع..تي كنك كنك
انا مسكت ف ايده..ااااا مش قااادره
ماما..غير امشي بشويا بس اهدي
انا عيطت بقوه.....اااااااااااااا تي بتنزززل خلاااص
ايهم..شويا بس ياعمتي وخري
وخرت ماما وايهم نزل عليا وشمرني بصعوبه لانه ثقيله
ايهم..علاء مفتاح سيارتي ف مربوعه
طلع بيا يجري لسياره وعلاء فتح باب حطني وانا عاضه ع ايدي بيش مانعيطش وايهم ركب يجري وماما ركبت من لاوره
علاء..وراك
ايهم..تمام تمام
علق يجري بسياره وانا عاضه ع ايدي ومسنده راسي ع كرسي ومغمضه عيوني زين
ماما..ادعي ياميس ادعي ربي يسهل عليا ينعليا انا
مديتلها ايدي ومسكتها
ماما..خوذي نفس بس انتي
حولت ايدي
انا..امممممممممممم ياياماماااا
ماما تبكي معايا..ياربي سهل عليها ياربي
ايهم يبحت ف طريق ويبحت فيا وطلع موبايله يرن
ايهم..ايواه امي امي تسمعي فيا
سليمه..كنك ياايهم شن في
ايهم..امي باب شقه تحت دواسه تلاقيه خشي لدار نوم افتحي اول فرده من دولاب فيها شنطه البيبي
سليمه..ينعليا ميس جابت
ايهم..مزالت مزال ماشين لعياده
سليمه..هيا هي مش مطوله
صكر منها ومسك ايدي
ايهم..خلاص اهو قريب نوصلو قريب
انا ناخذ ف نفس..مش قااادره اممممممم بسرعه
وصلنا قدام العياده ونزل ايهم جاب كروسه ومش بيا يجري وانا لامه كرعيا
انا..حتنزل حتنزل
ايهم..خلاص وصلنا اه
خذوني منهم و ماما تبكي
ايهم يبرم ف ممر ومتوتر..اووف
خششوني لغرفه انا هنا خلاص انهرت وقعدت نعيط من الألم
دكتوره..ساعدينا شويا
انا نرفع راسي ونرد ع سرير..مششش قااادره
دكتوره..اهو نشوف ف راسها هيا هيا
انا..امممممممم اااه
دكتوره..معش ترخي معش ترخي هيا ياميس ساعديني
انا..اااااااا واعره واعره
ممرضه..صغيره يا دكتوره ماتعرفش شكلها بكري
دكتوره..خوذي نفس بس هيا ساهله معش ترخي
انا...اااااااااااااا ياماماااااا
دكتوره..الحمدالله ع سلامه
انا سمعت صوتها وصوت البنت ومعش نندري ع شي بعدها"
"عزو..ها ياايهم شن صار
ايهم..مش عارفه توا كيف خشت
ماما..توجع ياعمري توجع
رشا..اهدى ياماما توا تطلع طيبه
ماما..تعيط مسكينه مش قادره
رحاب..ربي يكون معاها من امتى خشت
ماما..توا ياربي سهل عليها ياربي
رشا..ياماما اهدى انتي عندك سكر وضغط
ماما..قلبي مشغول عليها ينعليا ياربي
علاء..اهدى ياامي كنك خلاص توا تطلع منها
شويا وجت اعميمه ومعاها تسنيم ومنير
منير..ها شن صار
ايهم..مزال ماصار شي
منير..ان شاء الله تنوض طيبه يا طير
ايهم..اووف ان شاء الله ان شاء الله
سليمه..كيف صار هكي وهيا مزال موعدها
رشا..والله يااعميمه بروحها من اول ماجت وجها اسود وقبل غداء قعدت تعيط
سليمه..ان شاء الله تنوض طيبه وخلاص كيف خشت تاسع هيا
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
