#عكس_التيار✨
حلقه45
"يوسف تنهد وقمعز تلاها..وصل مشعارفه شن خطرله يسافر وأخرى بيقرا تي هو ماتخرج الا بالداهش
موده..ع مهم وصل توا خليه بيما انه متريح خلاص
يوسف..هو قال انا راحتي ف سفره هذي
موده..ربي يهنيه وخلاص
يوسف برم ع عبدالله وابتسم..عبدوو شنو ياسمح تلعب
موده..نبدري خذاته اعميمه وركباته راقد توا ناض ناشط
يوسف ابتسم..مكبده عليه امي
موده..اها بطير بيه شوف شن جابتله لبسه ع صيف محلاه الشرت يااوفا يهبل
يوسف..ترا شنو العسل هذا
موده..تهبل بكل لبسه
يوسف..مانبيش تخاويه
موده ضحكت وسكتت
يوسف ابتسم..تي كنك تضحكي
موده..ماكني شي بس مشعارفه خليها توا
يوسف كرها حضنها..باه تعالي هنا
موده ابتسمت..نحبك
يوسف..مرايف عليك
موده باسته ع خده..نجك ليا حتى انا رايفت عليك واجد
يوسف تنهد ومسك خصرها وقعد ينزل بيها ع صالون وووووو"
"ف الجنان..
انا..نجك ليا ياخيه والله فرحانه بنطير بيك
رشا مبتسمه..ياخيه نجيها خويله الي فرحانه بينا
منير..رشا نبو بنت أخرى
رشا..سادك وسن وزينه
منير..لالا نبو أخرى
محمد..لا لا عيل نبي انا مش شوري
فاطمه..عنجد مش شوري هذي الي يجيبها ربي خير ونعمه
محمد..باه تجي بنت بس نبي عيل حتى
تسنيم..الله يطلعو بشبهو بعضهم عليك جو يقعدو
ايهم..راك تلخبطو بينهم بس
انا..هههه تخيالي يارشا اديرها
رشا..لا لا عاد ماحتى
مريم ساكته وتبحت ف منير بحت فيها منير وغمزلها
مريم ابتسمت
ايهم صبى..هيا تصبحو ع خير ياجماعه
انا صبيت معاه
سليمه..بدري كنكم
ايهم..تعبان شويا ياامي
سليمه..باه ربي يعاونك
ايهم شمر وسن وركبنا ع دروج
انا..كنك تعبان حبيبي
ايهم..صداع شويا بنرقد
انا..سلامتك توا تاخذ بندول تقعد كويس
ركبنا لشقه وخشينا ايهم حط وسن ف مشائ قعدت تبكي
ايهم..اسكتي يافرخه سادني صداع راسي
انا مديتله بندول وميه..خش ارقد ف دار جوا
ايهم..باه تمام
خش ايهم وانا قعدت نرضع ف وسن لين رقدت ولعت الTv ع القرآن وخشيت ندير ف العشاء
"مرن الايام ومافيش شي جديد في حياتنا غير أنه خش عرس عزو وكان بكرا الفاتحه طبعاً ريهام خذت شاشات الشقه وانا عبيت تلاجه ورشا دفعت حق فرقه..
ريهام تحط ف دبشها ف شنطه
انس راقد ع سرير ويبحت فيها..والله واجد عليا اسبوع كامل
ريهام..معليش يانوسي بس لازم نقعد اسبوع الفرح والحوسه وهذا عرس شاب مش كيف عرس البنت
انس..عارف بس نرايف عليك عاد
ريهام ابتسمت وبرمت عليه..حتى انا حنرايف عليك واجد
انس قمعز وكرها من ايدها قمعزها تلاه
ريهام قربت منه وباسته ع فمه بشويا..مش مرات الغياب هذا يكون ف بعده حاجه حلوه
انس ابتسم..كيف شنو الحاجه الحلوه
ريهام مسكت ف رقبته وحضناته..مش عارفه خليني نتأكد منها الاسبوع هذا ونقول شنو هيا
انس ضحك..باه ان شاء الله اكيده فيها حكمه من ربي ولا لا
ريهام ابتسمت..اكيده كل حاجه فيها حكمه من ربي
انس باس خدها..شن مزالك وتكملي
ريهام وخرت وصبت..مزال نحط منضفاتي وعطوري بس
انس..باه كويس تمام
ريهام حطت حاجاتها وصكرت الشنطه وطلعت لبسه ولبست
انس صبى حضنها من لاوره..والله ماهاين عليا نخليك تعدي
ريهام تنهدت..توا تجي تشوفني كنك تحكي هكي كاني معش بنشوفك خلاص
انس يحرك ف خشمه ع رقبتها..بعيد سوء ياهبله بس شن ندير نحبك والله
ريهام ابتسمت وخذت نفس طووويل..ربي مايحرمني من شوفتك
انس ابتسم..امين يارب هيا البسي وشاحك علي مانزلت الشنطه هذي
ريهام..تمام يانوسي
انس خذا الشنطه ونزل وريهام فتحت دولاب وطلعت تيشرت لي انس وغرقاته عطر امتاعه وحطاته ف شنطتها ونزلت"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
