#عكس_التيار✨
حلقه26
"عزو قرن حواجبه..شن ديري هنا انتي
منار برمت وبحتت فيه
عزو صكر الباب وقرب منها..قتلك شن ديري انا نسأل
منار..بنحكي معاك مرات تغير رايك
عزو ضاغط ع سنونه..نغير رأي ف شنو ان شاء الله
منار..انك تحبني كيف ماانا نحبك ساد اني نزلت روحي لكي وجيت اعترفت بحبي بس انت صديتني عليش انا شن ناقصني شوف شكلي وجسمي وشعري اي شاب يتمنى يوصلي
عزو غمض عيونه..اطلعي انتي عارفه روحك شن تحكي جايا تعرضي ف روحك عليا
منار قربت منه بصوت هادي..الحب يخليني ندير هكي مش مني
عزو دفها بقوه..الللحب مش هكي انتي وشوي ناس كيفك تشوهو فيه
منار بعصبيه..عليش رافع خشمك بس وانا كل ماضيك عندي ابدها من اختك امل لعلاء الي يبيع الي حشيش لي ريهام الي تلاقى مع اسامه ف جامعه لرشا الي كانت ع علاقه بمحمد من سنتين نزيد ونحكي رحاب الي..
قرب منها بعصبيه وفصع ايدها
عزو..انتي الي دزي ف مسجات انتي
منار تألم..اها اناااا انااا نكرهكم عليش كلهم يفضلو فيكم علينا شن ناقص علينا نحن يعني
عزو..اطلعي برا تي وحقربي كاني مش راجل راه مديت ايدي وريتك ع كلامك الي تحكي فيه بس رجولتي ماتسمحش
منار مغمضه عيونها زين..من قال انننت راااجل
عزو طلق ايدها بقوه وقعد يقرب منها وهيا توخر..تبي نوريك انا راجل ولا لا
منار زمطت ريقها..عزو وخر من عليا خير مانعيط
عزو..مش عرضتي روحك توا
منار..و الله نعيط
عزو مسك ايدها بقوه وكرها ويبحت فيها ب اشمزاز..اطلعي ومعش توريني وجك ولا تقربي من خواتي
عزو فتح الباب وقعد يبحت كان ف حد ودفها بقوه وصكر الباب وقمعز ع سرير وحاط ايديه ع راسه دق الباب وخشت رحاب
رحاب..عزو تعال حطينا الغداء
عزو بحت ف رحاب وسكت قربت قمعزت تلاه
رحاب..عزو تحس ف حاجه انت
عزو بحت فيها وتنهد وابتسم..حوبا
رحاب ابتسمت..نعم روحها
عزو مسك ايدها..رد بالك تخوني ثقه الي انا حاطها فيك انتي عارفه انا كيف نشوف فيك
رحاب زمطت ريقها وهزت راسها
عزو..خليك كيف ماانتي باهي رد بالك تحكي لحد سرك تمام حتى قريب منك نحن هلك احكيلنا
رحاب مستغربه كلامه وتهز ف راسها..حاضر
عزو صبى..عقبالك
رحاب ابتسمت..مزال بدري
عزو..مانبيش نعطيك اصلا نبيك معايا ديما
طلعو من دار وجتني رحاب وانا شايلا صفره
رحاب..حي ع امك مدي هنا معش تشيلي ثقيل
انا..انتي معش جيتي ماه هيا تعالي نتغدو
رحاب..باه هيا
مشينا نتغدو ونشوف ف منار متوتره وعيونها دموع استغربت بس مالسالتش مافيش بينا هالدوه يعني
ندى..ميس شن جو
انا ابتسمت..الحمد الله بخير
ندى..شنجو الحمل متعبك اكيده
انا..اها يعني مره هكي ومره هك
أروى..بس مشاءالله مشاء الله سامنه ياميسو رايقه
ريهام..ربي يدوم عليها يارب
انا..ان شاء الله يارب
ندى..هله شنو كويسين
انا..يهبلو بكل مشاء الله عليهم
ندى..ربي يهنيكم
تغدينا وصبينا لكوجينه وبدينا نغسلو ف المواعين وطباخه جت ادير ف عشاء لانه بياني جاء ع ضيق وماعزمنش ف بيان رشا ماما تبيه كبير
وجت معاها طباخه وحدات يساعدن فيها ف سيبنالهن لكوجينه يلمن باقيها وانا خشيت دوشت ع سريع وخشيت لدار نلبس لقيت رحاب تلبس
رحاب..البسي وقت هيا
انا..هيا باه ريهام وين
رحاب..مع بنات حتى هنا يبن يلبسن
خذيت فستاني ولبسته ولفيت شعري وقمعزت بديت ندير ف ميك اب درت ايلاينر وروج دمي واحمر خدود وضلال بسيط
انا..رحاب ها كويس ولا نزيد
رحاب..لا لا تمام مشاء الله حلو بكل
لبست سلسلتي الي من ايهم كانت فضيه ولبست اسواره فضه ودبلتي وخاتم بسيط وكندره اسود ف دمي زحافي
ريهام خشت علينا..وينكن هيا راه الناس بدت تجي اطلعن استقبلن الناس بنلبس انا
رحاب..انا كملت تمام توا نطلع مع ماما
ريهام..دوشتي جسمك بس
انا..ها املا حتى شعري سريب امس استشورته
ريهام..تبي تطلقيه
انا..اها بنلف جمتي فوق بس
ريهام..عارفه نلبس بس ونجي نديره لكي من لوطه فلو واها ديري اضاء ولمعه حتى ع صدرك حلوه توا تجي
انا..باهي هيا
درت كيف ماقالتلي وطلع حلو بكل منضري لبست ريهام ودارتلي شعري من لوطه وطلعت انا
ماما..مشاءالله ربي يحفظك
انا..حلو شكلي
ماما..مشاءالله خوذي ميه رقيه اشربي منها
انا..باه بنعدي حتى نبرم ع كوجينه ونشوفهن وتن ولا لا
مشيت لكوجينه وقعدت نشرف عليهن وع تنضيم وتن الصفر وكبابي وتباسي غير ع الحط بس
رن موبايل ف ايدي
ايهم..ايواه غلايا
انا..اهلين حبيبي
ايهم..شنجوك حاسه بتعب ولا حاجه
انا..لا انا تمام بكل
ايهم..باه نخليك توا غير بنطمن عليك كنت
انا..تشاو نتلاقوا بعدين
صكرت منه وشويا وسمعنا البيبات وطلق
ريهام..رشا جت جت
طلعنا كلنا ف سقيفه وخشت رشا مع صاحبتها
ماما مبتسمه..مشاءالله رحاب جيبي ميه الرقيه ربي يحفظك ويهنيك يابنيتي يارب
رشا مبتسمه ودموع ف عيونها كان فستانها طويل من فوق ضابط وفيه كيف تعكريش وف عكرشه امتاعه فيه فصوص دميا ونازل ع نص ذراع ونزله امتاعه عريضه ونازل لنص ضهر ومن لوطه منفج كانت دايره مكياج بسيط وناعم حلو وشعرها مرفوع فوق ونازلات منه خصلات ودايره تاج بسيط
انا مبتسمه..مشاء الله تهبلي ياعمري
ريهام..نجك ليا طالعه حلوه بكل يارشرش
رشا..متوتره بكل متاكدات شكلي حلو
رحاب..تي تهبلي بكل
ماما..خلاص خشن الضيوف بروحهم
خشينا لمربوعه وقمعزت رشا ونحن بدينا ف ضيافه لضيوف مع سته هكي سمعنا تبيب وهرجه وطلق نار
رحاب..تعالي استقبلي ضيوف مع صبايا خوالي وماما ريهام ف كوجينه تشوف ف ضيافتهم
طلعت ولقيتهم ف جنان حاطين الحاجات ويسلمو جيت استقبلتهم وخشو بزغاريت
موده جايا معاهم..مشاءالله طالعه تهبلي عندي معاك تقمعيزه انا
انا..هههه ان شاء الله توا نقمعزو
خشو هل ايهم واقاربهم بدو يشتو شويا وقمعزو
مريم..وين ع الحموري
انا نضحك..شن رايك
مريم..عسل روحي معانا اليوم
انا نضحك..طيح سعدددك وووووه ماتحشمي بكل
تسنيم..نسمعو اعياطها عند لوطه
انا..لا انا نصبي خير خلني كويسه قدام عربي
تسنيم..طيح سعدك ونحن من
انا..مش محسوبين
تسنيم..هههههه طيح سعدك توا نوريك
انا صبيت ومشيت تلا اعميمه
انا..كيف حالك يااعميمه
سليمه..الحمد الله كيف حالك انتي رقيتي روحك راه بعد خشينا كلهن شهقن عليك
انا..الحافظ ربي
سليمه..ارقي روحك بس مشاء الله طالعه حلوه ربي يحفظك
انا مبتسمه..تسلمي يااعميمه ويحفظك
صبيت من تلاها وخشيت لكوجينه
انا..هاتي نشيل نقدم
ريهام..لا لا انتي لا امسكي المنداله بس
انا..باه هاتي
خشينا قدمنا وشويا صبو يلبسو ف رشا
فاطمه..مشاء الله ان شاء الله بهناكم يارب
رشا مبتسمه وفرحانه
فاطمه..الف مبروك ان شاء الله غلاوتك حتقعد كيف غلاوة محمد هذا وليدي الوحيد وانا نشوف فيها الفرحه ف عيونه
رشا مبتسمه..ان شاء الله حنقعد كيف غلاوته
انا نصور فيها وهيا تلبس فيها ومريم تلايا تصور
مريم..مشاء الله عليها عرف يختار محمد
بشرى..مشاء الله ربي يحفظها خايلا عليه
ريما..اها منضرهم طالعين
مريم..ربي يحفظهم ويهنيهم
لبستها دبله وطاقم وقمعزو شويا وجت تلاها مريم
مريم مبتسمه..كيف حالك
رشا مبتسمه..الحمدالله بخير كيف حالك انتي
مريم..الحمدالله جيابتلك حاجه من حمادي قالي خايف مانخشش
رشا..شنو
مريم طلعت من شنطتها صندوق صغير..اهو دسيه توا شوفيه بعدين
رشا..باه تمام توا نقول لميس
مريم برمت دور فيا وانا مصبيه نرقص
رشا..اختي الهبله
مريم..حي عليها شوفي اعميمه سليمه كيف تبحت فيها تبيها نقمعز
رشا..قمعزيها بالله
مريم جتني مريم كرتني برا..قمعزي ياهبله وامسكي هذي من احميدا لرشا دسيها لها
انا..باهي تمام
دسيتها وخشيت لكوجينه وطباخه تحط ف مقاعد لرجاله وصبايا تباسي كان رز بالشاورما وبوريك وبطاطا مبطنه وسلاطات
ماما..هيا كلمي عزو وعلاء خلاص وقت
ريهام..علاء قالي توا دفعو فيها
ماما ابتسمت..الحمد الله ربي هناني عليكن وفرحني
جو خوتي ويوسف وسفيان وطارق ومروان يشيلو ف العشاء انا كيف خشيت وايهم جاي شافني مصبيه فنص
قربت منه
ايهم بصوت واطي..قاعده هكي ان شاء الله قدامهم
انا..لا لا بعد جو طلعت انا هذي الخشه
ايهم..ايواه رد بالك هاتي هيا
مديتله القصعه كانت أخرى قصعه
ماما..هيا شيلو لصبايا
قدمن الي يساعدن ف طباخه وريهام ورحاب وندى واروى ومنار كانها مع ضيوف
ندى..خلاص ماه مزال تباسينا بس تعالن هيا
اروى..خلاص ماه كوجينه مافيها شي
انا..لا لا هيا نعدو لمربوعه
ندى..مشاءالله كل حاجه تهبل وحلوه
انا..بوريك وبطاطا نحن درناهن امس وسلاطات جاهزات وحده ادير فيهن مشاءالله شغلها
ندى..اها مشاء الله
اروى..والحلو
انا..حتى هيا وحده ادير فيهن
كلمتني رشا مشيتلها
رشا بصوت واطي..كان في حاجات حطو لمحمد
انا..وتيناهم قصعتين ماتخافيش
رشا..باه تمام
تعشو وشويا وروحو وضيوفنا حتى هما منار قبل لا يروحو خوالي كلمت سفيان وروحت قالت تعبانه
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
