#عكس_التيار✨
حلقه 20
ايهم مسكني من خصري بشويا وقعد يمشي بيا لعند صاله ولع الضي وكان ف تورته ع طاوله وتلاها بوكس كبير برمني له بهدوء وانا نبحت وساكته حول الوشاح وابتسم وباسني ع خدي
ايهم..مبروك نجاحك تستاهلي كل الخير
انا نبحت فيه وساكته
ايهم..اممم خشي غيري دبشك البسي حاجه اخف بيش تريحي فيها ونحكوا
بحتت فيه كان لابس شرت لعند الركبه لونه زيتي وتيشرت ابيض برمت وخشيت لدار وانا مبتسمه فتحت دولاب معش عرفت شن نلبس برمت لقيته حاط ع سرير روب احمر قصير كت عريض وفيه دانتيل بسسسيط بكل لبسته وطلقت شعري ودرت روج احمر وبخيت عطر طلعت من لدار وهو كان عطيني بضهر يدخن صبيت وراه وهو مش حاس بيا قربت منه ومسكت ف خصره وحطيت راسي ع ضهره
ايهم ابتسم..جيتي كنك طولتي
طلقته وهو برم عليا مسك وجي بين ايديه باس راسي بشويا ونزل باس خشمي ونزل باسني بوسه هاديه ع فمي وخر
انا..حبيبي
ايهم ضحك..عيون حبيبك ياروحه نعم
انا ابتسمت..خليني هنا شويا
وشيرت ع صدره
ايهم فتح ايديه وانا تنهدت وخشيت بيت ايديه قمعز ع كرسي وانا ع كرعيه مغمضه عيوني
انا..ايهم
ايهم يمشي ف ايده ع ضهري..نعم ياعمري
انا..ولع دخان ليش طفيته نحبه مع ريحه عطرك ع تيشرت
ايهم ضحك وبأس خدي..خايف نضرك بس طفيته
برمت ع طاوله مسكت الباكو طلعت واحد وحطيته ف فمه ومسكت الولاعه ولعت وهو يبحت فيا ويبتسم وعيونه يلمعن رديت رقدت راسي ع كتفه ونشم ف ريحه ومبتسمه رفعت روحي وقعدت نبحت فيه وهو يدخن
ايهم حول دخان..شنو تريحتي هكي
انا..اها تريحت
رد يدخن ورفع رأسه نفخ دخان وانا نبحت فيه قربت بست رقبته
ايهم..تعالي هيا افتحي البوكس ونقصو تورته
انا..باه هيا
صبيت ع طاوله وهو طفى الدخان جاء تلايا
ايهم بصوت هادي..مبروك حبيبي عقبال فتره تالته
انا..الله يبارك فيك
مسكت الموس وقصيتله وقصيت لروحي
مسك مني ايهم الموس وحطه ع طاوله وبعدلي شعري حطه ع ضهري
ايهم..افتحي البوكس توا
انا ابتسمت..حاجه سمحه هيا
ايهم..افتحي انتي بس
فتحته وكان فيه كتاب كبير فتحته كان فاضي
انا مستغربه..شنو هذا
ايهم يبحت فيا ومبتسم حولته وحطيته ع طاوله لقيته بعده كاميرا
انا ابتسمت..الله كاميرا خاطري فيها ليا واجد بس ليش الكتاب
ايهم..كاميرا بتصوري بيها طبعا
انا..اممم باهي
ايهم..مش تحتاجي البوام تحطي فيه صور
انا ابتسمت..يعني نحط فيه صورنا نحن ونكتب تحتهن
ايهم..ايواه
ابتسمت لانه كانت هديه حلوه ومعبره ومختلفه
ايهم..بس مش ناسي هديتك
انا..ماه هذي هديتي
ايهم..في هديه وحده أخرى لميسو
انا..شنو هيا
ايهم..بعدين مش توا
انا..باه خلاص
قعد يقرب مني ويحولي ف شعري من ع وجي
ايهم..اسف ع الي صار كله وحقك يعني انك تزعلي مني وتغيري مش لايمك ولا بنقول ليش زعلتي ياميس لانه عارف اني غلطت غلط كبير ف حقك وحقي يعني بس الغيره عمت عيوني مانحسبش حبي لكي يوصل لدرجه جنون هكي كنت نبي اي مبرر اي حاجه تقولي ميس برئيه ميس تحبك انت بس وبعد دويت لمحمد قتله مش هاينه عليا ماقدرتش نمد ايدي نفش غلي فيها والله نحبك بدرجه غريبه وفرحت واجد بعد عرفت انك حامل وبتجيبلي بنت ولا عيل منك
انا نسمع فيه ونبحت ف عيونه
ايهم تنهد..صدقيني انا نحبك واسسسف علي كل شي طلع مني بجد اسف انتي تستاهلي كل خير
انا خذيت نفس طويل وبحتت فيه..زعلت واجد اها مش شويا واجد لانه ماعطيتنيش فرصه ولا عاملتني بقسوه وزعلت أكثر وقت قربت مني مكر فيه بس مش حب هذي الي زعلتي اكثر وكنت متاكده حتعرف انا شنو وتجي تاسف كنت عارفه وعارفه اني حنسامحك لاني نحبك بس كيف بنقولك الزعل مالي قلبي عليك تعرف وحتى بعد حملت كنت خايفه منك ومن ردة فعلك و اول مانضت سالت عليك بس
ايهم..حتي وقت قربت كنت مرايف عليك بس بعد طلعت استحقرت روحي مليون مره علي درته فيك بس ماكنتش حاس لقطه غبيه ومجنونه مني وعارف انه هذا..وحط ايده ع قلبي...شايل عليا واجد بس متاكده انه سامحني وانا اسف كل الي درته
انا ابتسمت..نحبك
حضني بقوه وقعد يشم ف شعري
ايهم بصوت هادي بكل..مرايف عليك واجد
انا مبتسمه ونحس بنفسه ع رقبتي ساخن حطيت ايدي ع راسه ونمشي ف ايدي ع شعره
ايهم وخر شويا بس مزال ماسك خصري..اكيده حبيب بابا جعان توا
انا..اممم جعان بكل وماما حتموت من جوع راه بس بابا صايع يبي يبوس ويحضن وادير حاجات عيب بس
ايهم ضحك..بابا يحب مش صايع تعالي هنا
قمعزني ع صالون وانا ناكل ف تورته بشويا
ايهم..هيا كولي كنك تاكلي هكي
انا..نقعد هك نسهف بعد نجي بناكل ماتقعدش عندي نيه
ايهم..باهي كولي ع مهلك
انا..حبيبي
ايهم رفع رأسه..نعم
انا..كيف عرفتني نجحت
ايهم..شفت شنطك وقت كنتي عند هلك
انا..اممم
ايهم..مره اخري بتزعلي ازعلي ف شقتك
انا رفعت حاجبي..مزال فيها مره أخرى هيا
ايهم ضحك..واعره رايحه انتي
انا كشخت عليه..ماه انت تزعل فيا
ايهم..نستاهل صاح انقني نستاهل
انا ضحكت..مفروض مارضيتش تعبتك اكثر بس انا طيوبه ونحبك..ومديت فمي
ايهم باسني ع فمي..بلاش مكر خلاص هذا رابع يوم تادبت
انا..اممم طشه مفروض عقوبتك أكثر من هكي قد زعل ودموع وحرق دمي
ايهم..ياستي اسف ميه مره
حطيت تبسي ع طاوله وقعدت ماسكه ايده اليسار الي فيا دبله ونلعب عليها وهو ياكل
كمل وحط تبسي وبرم عليا عض ع فمه
ايهم..من وين ناكلك انا بس
مسك خصري بقوه ومره مره يضغط
انا نضحك..ايييييهم مانحبهش بشويش حبيبي
جاء عليا ومسك ايديا
ايهم..خلاص طفح كيد تي قريب اسبوعين ف نكد خليني مرايف انتي مش مرايفه ع حبيبك
انا بدلع..لا مرايفه واجد بكل
ورفعت روحي بسته ع رقبته
ايهم بهمس..ننحبببك يافرخه
سلحت تيشرت امتاعه ومسكت ف رقبته
ايهم غمزلي وابتسم ع جنب..ينعليا من المرايف نزل عليا وووووو"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
