#عكس_التيار✨
حلقه50
"امجد قارن حواجبه..كنك انتي فيش تحسي
دنيا فكت مساكه وتمشط في شعرها..ماكني شي شوف روحك والله كيف قريب تموت عليها واجعتك
امجد..تي باهي اكيده تبي توجعني المراه خلوقه وفي حالها
دنيا..خليها توا تنفعك ترا خطاني ياامجد
امجد جاء قمعز تلاها..معقوله غايره هكي ياهبله
دنيا..غاايره اها غاايره وليش مانغاار يعني ماه انت امتاعي انا امتتاعي الغيره مش يعني نخنقك الغيره نبيك تعرف انك انت من حقي انا بس والغيره هنا نار تقعد..وشيرت ع قلبها..تعرف انها مش بيدي لانه انا بس نشوف وحده تبي تقرب منك تشعل نار هنا ومعش نعرف كيف نصرف انت فاهم هالكلام كويس
امجد ابتسم بضحكه..فاهم انها غيره ومن قال خنقتني لا بس نبيك بعد تغاري معش تعيطي كيف توا هكي غاري عادي لاني فعلاً انا من حقك انتي بس
دنيا حضناته..الغيره شي يقتل وشي يحرق ويهدم شعور صعب
امجد تنهد..معش تغاري لانك انتي حقي وانا حقك ومافيش حد يخش بينا فاهمه
دنيا ابتسمت..عسى الله مايفرق بينا
شعور الغيره هو الوحيد اللي ممكن يهدمني بـ ثانية ❤!"
"اليوم الثاني..
طلعت رحاب من دار
رحاب..صباح الخير
ماما برمت..صباح النور كنهن عيوناتك منفخات وحمر
رحاب..ماما انا معش نقدر نتحمل خلاص قولي لعزو ينهى كل حاجه مع سفيان
ماما..عليش شن صار
رحاب..يا ماما يخننق فيا ياماما يتحكم وانا مزال ما وصلت فيه
ع خشت علاء وعزو
ماما..عادي هو ف حسبه انه خطيبك
عزو..خير شن في كنه شن صاير
رحاب برمت..عزو كان تهمك راحتي انهى معاه خلاص
علاء..كيف هو لعب وانتي عليش تحكي معاه ومافيش حاجه رسميه بينكم
عزو..اسكت بس شن في يارحاب شن صاير احكي ماتحشميش
رحاب تنهدت وقعدت شابكه ايديها وتعصر فيهن بقوه..امس من اول مارن وهو...وقعد تحكي الي صار وخنقتها العبره
عزو..باه ساهله توا نحكي معاه ماتزعليش روحك خلاص بس هكي
رحاب قعدت منزله راسها ودموعها ينزلن
عزو قرب منها ورفع راسها..تي عليش البكاء عادي خلاف بسيط وهو غاير ياهبله قوليلي مايحترمش فيك يسب فيك يهين فيك
رحاب تهز في راسها ب لالا
علاء..خلاص املا عليش البكاء توا نحكوا معاه وكان تبي نضربوه لكي شن رايك
رحاب تمسح ف دموعها وتضحك..لالا مش هكي
عزو ابتسم..شنو وجعاتك فيه مش كان تبي تنهيها معاه
رحاب تضحك وهيا متحشمه
عزو مسك ايدها وضغط عليها..انا تهمني مصلحتك راه وكلهم عارفين رحاب شنو بالنسبه ليا انتي بنيتي واختي الصغيرة دلوعتي انتي وانا عارف وين حاطك
رحاب تبتسم لكلامه ورفعت ايده وباستها..ربي يخليك ليا انت مستحيل يقعد في منك ف الحياء هذي
عزو ضحك..ويخليك ع مهم ماتبكيش ماتزعليش روحك باهي
رحاب هزت راسها وسكتت
الاخ هوا سنـد الاول والأخـير ❤"
"انا حاطه وسن تلايا ف كوجينه ونحوس حاطه السماعه
ايهم..ميس
انا برمت..نعمين
ايهم..تبي حاجه نجيبها من برا
انا..دواء امتاعي كمل امس جيبه ليا واها نبي كيوي كثر منه ياايهم باهي
ايهم ابتسم..خاطرك فيه
انا..امممم جاي خاطري فيه من صبح حموضته تهبلل
ايهم..باه حاضر ميس
انا..نعم ياايهم
ايهم..شن رايك نشيل نحلقها بحتي شعرها خفيف بكل
انا..لالا العيد قرب عاد
ايهم..تي مزال شهر ع العيد توا يطلع غير صفي النيه بس توا يقعد قوي وناعم
انا..اممم باه شيلها وخلاص
ايهم شمرها..جوها تمام
انا..تمام هيا باي ياماما
ايهم..اوكي ماتعبيش روحك
انا..تمام
طلع ايهم وانا رديت سماعات نسمع ف وسيم يوسف ونحوس
بعد العصر جابلي وسن محلقه سبحتها ورضعتها و رقدت وكملت باقي فطوري درت شربه وكباب وفطيره وسلايط ولقمه القاضي خشيت دوشت وطلعت قمعزت نقرا ف قرآن لين شويا وخش عليا ايهم
ايهم..السلام عليكم
انا صكرت القرآن وبسته..وعليكم السلام
ايهم حط اكياس ف طاوله و قمعز تلايا..شن درتي
انا..درت شربه وووووو بس
ايهم..بسسس أخرى تقوليلي تي مش قتلك ماتعبيش روحك
انا..ماتعبتش روحي عادي
ايهم..ع مهم كلمه هيا معش تناقشي
انا..حاضر باه جبتلي الكيوي
ايهم..جبت اها
انا صبيت..عدي دير جوك علي مااذن
ايهم..تم باه
خشيت وتيت طاوله وتيت حاجاتي وايهم يتوضى شويا وإذن المغرب
ايهم..اللهم لك صمت، وعلى رزقك أفطرت بسم الله
انا..بسم الله
فطرنا الحليب وتمر ولقمه القاضي وصبينا نصلو
ايهم..الله اكبر
صلينا مع بعضنا ودعاء شويا ايهم وصبيت حطيت الفطور نفطرو
انا..شن رايك
ايهم مسك ايدي..سلم ايديك ومعش تعبي روحك قتلك
انا..حاضر يا عمري ان شاء الله
ايهم. صحه ع قلبك
انا..وقلبك حبيبي
صبيت جبت تبسي فيه كيوي وناكل وميه متاعه تطلع من فمي وايهم يبحت فيا ويضحك
انا..اممم همممم كنك اممم يهببببل
ايهم..صحه صحه
انا..اممم سلمك يا عمري تبي
ايهم هز راسه..لالا صحه ع قلبك
انا..ع راحتك تفوت عليك طعمه سمحه
ايهم..هههه كولي انتي كأني كليت انا
قعدت ناكل وشويا وسن قعدت تبكي خشلها ايهم
ايهم..صلوعه هههه بس بان منضرها كيف بيضه
انا..يخيتي محلاها بنوتي ف كل حالات
ايهم..طالعه لي امها
انا..وبيبي جديد لي باته
ايهم..جود ان شاء الله
انا..محلاه وسن وجود
ايهم..صبي ياحبي لمي الحوسه كنك متنبله
انا..توا نصبي غير امسك وسن فكني من اعياطها
ايهم خذا كيوي وقعد يذوق فيها وهيا تكشر ف وجها ع سبه حامظ
انا..ههههه خزي عليك ياايهم شوف كيف ادير
ايهم..غير بحتي حباته توا
انا صبيت وقعدت نلم..نجك ليا ياخيه
قعدت نلم وايهم يلعب مع وسن"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
