#عكس_التيار✨
حلقه57
"مسك ايدي ويمشي بيا
انا..ايهم كنك كبرت القصه
ايهم ضغط ع ايدي وساكت بحتت فيه لقيته قارن حواجبه وعيونه مليانات غضب
انا زمطت ريقي..عندددي امتحان
ايهم ضاغط ع سنونه..صكري فمممك
وصلني لعند مدرج وبحت فيا لين حسيته يبي يطيرني من مكاني
ايهم يشير ع مدرج..تخشي تمتحني وتطلعي تلقيني هنا طلعتي لقيتني مش قاعد تحركي تشوفي احسابك ومزال مزال احسابنا ف الشقه
انا سكتت وخشيت قمعزت وانا متوتره بكل قعدت نهز ف كراعي جاء شاب حطلي شيت وعدا جاء الامتحان وبديت نحل هديت شويا كملت وسلمت الورقه وطلعت لقيته قدامي يلف ف مفتاحه ع صبعه
ايهم يشير بحواجبه اني نمشي قدامه قعدت نمشي قدامه لين وصلنا لسياره ركبنا حرق العجل وطلع يجري قعدت ماسكه ف ايد الباب وقلبي يدق بقوه من الخوف وهو يجري وساكت بحتت فيه شويا كان باين الأعصاب ع وجه قعدت ندعي وخايفه لين وصلنا لحوش
ايهم..لشقه طول سامعه
انا هزيت راسي ونزلت خشينا جوا وقعدت نركب قدامه ونرعش فتح الباب ومسك ايدي وخششني بقوه
ايهم مربع ايديه لصدره..وباهي تقدري تشرحيلي الي شفته
انا..باه توا نحكي بس انت اهدا عليش معصب بطريقه هذي
ايهم خبط كراعه ف طاوله..اناااا شننن شااارط عللييك شن شااارط قلت حكي معاهم ياميس مافيش حكي مافيييش مانبيش تصبببي ع حدد مانبيش تحكي معاهم مش هذا واحد من شرروط ولا لا
انا نوخر ونبحت فيه
ايهم عيط..رررردي احكككي
طلعت وسن من دار تبكي وتبحت فينا
انا بصوت فيه رعشه..اايهم مش قدام البنت
ايهم قرب مني..ردي عليا انا شن قايل اه شن قايل
انا دموعي نزلن
ايهم مسك ايدي وخضني..رررردييي
انا قعدت نبكي..قتلي انه منصبيش عليهم حتتى كان جو دو معايا
ايهم يفنص..بيش شنو انا قلت
انا بصوت يرعش..ب ببيش ماتتحرمنيش من جامعه
ايهم..هذي شرطي وانت درتي عكس الي قلته ومشي معش في
انا عيطت..لا ورأس ايهم لا حررام عليك ياايهم
ايهم يفنص..وطي صوتك اسكتتي كلمه قلتها خلاص
انا نبكي بعبرتي..حرررام عليك لا لا ياايهم ماديريش هكي ورأس اغلى شي عندك
ايهم يبحت فيا ويفنص ونفسه عالي وانا نبكي ونبحت فيه
انا مسكت ايده..الا قرايتي ياايهم لا
ايهم فك ايده بقوه ومسكني من ذراعي بقوه وقرب من وذني يحكي وضاغط ع سنونه
ايهم..معش تحلمي انك تمشي غادي
فكني بقوه لين طحت ع صالون وقعدت حاطه ايديا ع وجي ونبكي
ايهم عزق عليا الشيت..نوووضي اقري صبببي هيي
انا حولت ايديا وقعدت نمسح ف دموعي..يعني نعدي
ايهم فنص فيا..مش عندك امتحان بكرا صببببي
انا صبيت وجيت بنقرب منه طلع من شقه
انا تنهدت ومشيت لوسن شمرتها وقعدت نسكت فيها
انا..اششش ياعمري كنك تبكي هكي
وسن..بب ببااابا
انا..خلاص اشش اسكتي
خشيت بيها لحمام غسلت وجها و طلعت بيها لكوجينه ودرتلها كوكا
انا..اشربيه
وسن..بابا دارلك احه
انا..لالا معش تقولي هكي راك تحكي قدام حد
وسن قعدت تشرب ف حليب وانا سلحت الوشاح
انا..نعدي نشوف خيك باهي راك تقربي حاجه
وسن..باه
خشيت لدار لقيت جود واعي رضعته وغيرتله وسلحت دبشي ولبست بجامه وقمعزت مسكت شيت وقعدت نقرا
وسن..ماما امبي نقنقا أخرى
انا..لالا خلاص شربتي توا
وسن..لا لا امبببي نقنقا امببي كاكو
انا..اسكتي خلاص قتلك مافيش كنك تزني هكي انتي
وسن قعدت تبكي
انا..لعند صبح والله ماني مصبيه نكديه زي باتك
قعدت تلايا تزن وتبكي وانا فايتتها
شويا وخش ايهم
ايهم..كنها تبكي
انا بحتت فيه ورديت بحتت ف شيت..تبي كاكو توا شربت
ايهم قرب بيشمرها وخرت..تعالي كنك وخرتي مش تبي كاكو
ركبت تلايا ف سرير وقعدت تلايا
ايهم يمد ف ايديه..تعالي هيا نعدو
انا بحتت فيه..خايفه منك راه
ايهم مسكها وشمرها..معقوله خايفه من بابا تعالي هيا
طلع بيها وهيا ساكته
ايهم..نديرو نقنقا
وسن..مبيش امبي ماما
ايهم نزلها وطلع من الشقه"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
