#عكس_تيار✨
حلقه 2
طارق وخر ورحاب قعدت تبحت ف ماما ومروان
ماما..تعالي خواتك يبنك
طارق..توا نجيبه لكي كتاب حليتها المسأله
رحاب..اها شكرا تعبتك معايا
طارق..لا عادي ولو
خشت رحاب لشقه ومروان قرب من طارق
مروان..طااارق رحاب مزال صغير وعقلها عقل طفله فكنا من لعب تحشم ف بنت عليش تاخذ ذنبها
طارق..من قالك نضحك عليها توا انت
مروان..ع مهم انا نبهتك
"رحاب بعد خشت
ماما..شن ديري مع طارق
رحاب..كنت بنجيب كتابي م قالها
ماما..رحاااب
رشا طلعت..كنك ياماما
ماما..ماتكذبيش عليا يافرخه قوليلي خير ماخوتك يعرفو
رحاب..اها ف بيني وبين طارق علاقه تريحتي توا
ماما..علاقه شنو طيح سعدك انتي
رشا..رحاب
رشا..شنو ها رحاب ماانتي ف عمري كنتي مرتبطه
وخشت لدارنا وطبقتها بقوه لين نفجعت انا
انا..كنك بسم الله
رحاب..خاطيني كذا انتي لأخرى
ريهام..اسم الله كنك شن جاك
انا..منظري كويس
ريهام..تهبلي عسل"
"محمد..ينعليا انا غير امتى تبدأ بس جامعتك
رشا..احميددا خلاص بطل كنك
محمد..كني وتسالي أخرى نقولك مرايف تقولي كنك
رشا..باه حبيبي حتى انا مرايف بس انت عارف انا مانحبش هكي
محمد..اها ماهو والله من رايفي بس ماتفسريش حاجه أخرى وبعدين قتلك تعاليلي ف محل
رشا..برضو لا انا ف حكى معاك ونحس ف شعور شين خوتي حاطين فيا ثقه وانا ندير هكي اسفه حبيبي بس مانقدرش
محمد..لا عادي ولا يهمك ديري الي تريحك
رشا..ييي زعلت ياشين
محمد..قالتلها سمحه
رشا..احميدا ماتزعلش بس مانقدرش قدر وضعي لو سمحت
محمد تنهد..حاضر والله مقدر بس شن اندير مرايف بس ف نهايه بكل هذا قرار صاح وانا مانرضلكش شينه؛ع مهم توا غيري سيره
رشا..نجك ليا نحبك عرم؛؛حبيبي شن صار ف شقتنا
محمد..مزال شوي حاجات وتكمل ربي يقدرني اني نسعدك
رشا ابتسمت..انا نكون معاك معناها انا سعيده"
"موده..تأ يوسف هيا لبسها ليا وقت كنك انت
يوسف..ااحيييي وخلاص باهي مدي ايدك يا حلوه
موده ابتسمت..انت الحلو بس هيا وقت
يوسف..باه هيا ها خلاص
موده..شكررررراً
يوسف..بوسه بس من بعيد
موده فنصت..اوووفااا
يوسف..تخليها ف خاطري معقوله
موده..باه خلاص هاه
قربت منه ومسكت ف سوريته من فوق وبساته
موده..تمام هكي
يوسف ابتسم..تمام هي حلي
موده..هههه مزال بدري
يوسف فنص وقرب منها..مش كان وقت
موده..اااه لا هههههه خليك بعيد
يوسف ماسك ضحكته..ناخذها ناخذها
موده بدلع..لااا اوفااا والله حتشردني عارفتك انا
يوسف كرها لعنده..سريع سريع بس
موده..هههه ياصاااايع
يوسف..ههه يحبك الصايع ووووو"
"نزل يوسف من شقه ويصفر
سفيان قعد مصبي وحاط ايديه في جيوبه ويبحت فيه
يوسف..كنك تبحت هكي
سفيان ماسك ضحكته..عندك مرايه ف شقه
يوسف..كنك ياف&&& شن في
مروان..انتو هنا بحت ف يوسف وزراته ضحكه
يوسف..تي كنكم تضحكو
سفيان..عدي ياراجل استر روحك وشوف منضرك ف مرايه
يوسف حط ايده ع رقبته..قصدك
وخش يجري لعماره
مروان يضحك..عنجد وجك ماتحشمش انت زلطه يارا
سفيان..تي ها يقعدو ناس يضحكو عليه نوقضه انا خير
مروان..حيوان انت
سفيان..هههه تي فكنا من حشم زايد انت راجل فكهن عاد
مروان..الواحد يقعد بحترامه
سفيان..تي اوكي احترامه قال
درس عزو سياره ونزل
عزو..كنكم ماجيتو لمحل راجيت مافي حد شرف
سفيان..راحت من بالي والله
مروان..يوسف كان يبي يجي مكانك
عزو..باه حصل خير خلاص
خش لعماره ومروان برم يبحت فيه
مروان..كنه غريب جوه
سفيان..يارا عزو ديما جوه هكي اصلاً تحسه أكبر من عمره وشايل مسؤوليه خواته ياراجل بنات وطلباتهن واجدت ربي يستر عليهن
مروان..صدقت والله ربي يستر عليهن ويريحه"
أنت تقرأ
رواية #عكس_تيار
Fiction généraleالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
