#عكس_التيار✨
حلقه 17
عزو طلع وصكر باب ومسك امل من ايدها..انتي شن جيبك هنا تي كيف عرفتي اصلاً عنوان الحوش
امل..مبروك فرحت بجد
عزو يفنص..شن تبي انتي توا اخلصي بلي عندك مش قتلك مانبيش نشوف وجك ف حياتنا انا
امل طلعت فلوس من شنطتها..امسك هذينا
عزو..هذينا شنو
امل..هذينا عمي عطاهن ليا قالي انهن حقي من شقه بابا
عزو..باه عندي العلم شن تبي
امل..امسك خذوهن انا مانبيهش كمل بيهن لو ناقصكم حاجه
عزو..شكراً مش مستحقين خليهن لكي
امل تنهدت..عزو
عزو..ردي من وين ماكنتي ياامل خلي حياتنا وحياتك هاديه كيف ماهيا
امل..ليش ماتبيش تعطيني فرصه بس نشرح الي صار ونببر موقفي
عزو..خلاص الي صار صار توا وكل حد عاش حياته كيف ماهو عاجبته ليش جايا تقولي ف كلام هذا بعد هالوقت
امل..جايا نقول فيه لانه نبي هل وخوت ننسد عليهم
عزو بحت فيها..من وصلك لنا هنا
امل..مش مهم الي وصلني المهم وصلت للي انا نبيه امسك الفلوس انا مش حناخذهن
عزو..ولا انا حناخذهن رديهن لشنطك نحن مش مستحقين
امل..عارفه انك مش مخليهم يستحقو حد بس انا حابه نساعدكم ونبري ذمتي اقبلهن ارجوك ماتردينش خوذ بيهن حاجه لبنات ولا لحوش
عزو سكت وحط ايديه ف جيوبه
امل مسكت ايده وحطتهن فيها..دير كيف ماقتلك ع اقل روح بابا تريح ف قبرها
عزو..لو كان شي هذا يريحك خلاص
امل ابتسمت بشويا..شكراً ياعزو ان شاء الله تكون حياء خواتك كيف ماانت تحب لانه عارفتك تحبلهن الخير أكثر ماتحبه لروحك
عزو سكت وهيا ركبت ف سيارتها بعد ركبت حلت قزاز
امل..رد بالك من روحك ومن خوتي
قعد ساكت وهيا علقت وطلعت قعد يبحت ف سياره ويبحت ف الفلوس ف ايده
عزو تنهد..اووف ياربي
خش لحوش لاقى علاء يدخن ف جنان
علاء..شن تبي جايا
عزو..جايا ع سبه هذينا
علاء..شنو هذينا
عزو..حقها من حوش باتي ماتبيش تبي تبري ذمتها قالت
علاء..وانت قابلتهن منها
عزو..قعدت تجدا فيا ماقدرتش نردها ف نهايه انا عندي مشاعر وقلب يحس كلامها كان واعر خلتني نشفق عليها
علاء نفخ دخان..شن بدير بيهن لفلوس
عزو..قالتلي اشري بيهن حاجه لبنات خليتها ع راحتها
علاء..ربي يهديها وخلاص
عزو..ان شاء الله هيا نخشو"
"امجد..هذذذيننا شنووو
دنيا..ههذينا قدم ياامجد
امجد..قدم قتيلي صار
قرب منها وبرم مغمض عيونه
امجد..شن الي خلاك تاخذيهن من دون علمي اه وكل مانسالك تقولي مافيش حمل واعليوه مزال صغير
دنيا..ماه..
امجد برم بكل عصبيه وضربها بضهر ايده كف لين طاحت..مااااهه شنووو كلللب انناااا تححققي فيا قدامك ولا شنووو مش راجل تاخذي رايه تشتغلي من راسك بروحك انتي شنو ف عقلك اه شنو تي شن الي يخليك ديري هكي شنو بسسس
دنيا تبكي ومقمعزه ع وطى..انت الي خليتني ندير هك انت ياامجد
امجد..شنو الي خليتك هك انا قتلك خوذي حبوب انا شن ناقصك بس الي تبكي بيها تسكتي بيها الي تطلبيها تقعد عندك ع طول شن تبي أكثر بس قوليلي
دنيا عيطت بصوت عالي..نبي الحب نبي احترام مشاااعررري هذي الي ناقصني نبيك تحسس بيا وتحس ب حبي مش مرا ترقد معاها وتأخذ الي تبيه منها وخلاص نبيك تحبني لدنيا بروحها مش تحبني لجمالي وجسمي وللحق الي تاخذ فيه كل ليله سواء كنت تعبانه ولا مش تعبانه
امجد يفنص..وطى صوتك وطيه
دنيا..سكتت الا واجد لعند امتى بنسكت وبنتحمل جفافك هذا لي امتى بنقعدو هك الحب مش فلوس وهدايا وكلام
امجد..ماتقلبيش الموضوع عليا وانتي الي غلطانه
دنيا..مش غلطانه انا باهي وعاجبني الي درته ومقتنعه بيه تمام
امجد نزل لعندها ومسك وجها بيده..عاودي شن قلتي مقتنعه بيه وعادي عندك هلك والله ماعرفو يربوك انتي هذي نهايتها يا دنيا
دنيا تبكي من الألم..ماتجيبش سيره هلي حول ايدددك حولها
دفاته بقوه وصبت
دنيا..هلي الي تحكي عليهم توا تشيلني لهم فاهم معش بنقعد انا معش قاعدتلك بعد كلام والي درته
امجد..هيا دبشك ومن قال اني مخليك عدي بالك تربي شويا وتعلمي كيف تصرفي وتردي انا نوريك المعامله كيف ماتبنش طيب انتن توا نوريك يا دنيا
خشت دنيا لدار تلم ف دبشها وحاسه هالدنيا بكبرها ضايقه عليها من الهم الي هيا فيه بحتت ف روحها ف مرايه لقت فمها دم زادت ف البكاء وقعدت تلم ف دبش وتسمع ف اعليوه يبكي ف دار مشت طلعاته وقعدت ماسكته وتنضم ف دبش ف شنطه"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
