#عكس_التيار✨
حلقه 23
دنيا..من رقم
امجد يبحت ف موبايل..مشعارف رقم يلا مش مهم فوتي
دنيا..مرات حد مهم
امجد..مافيش حد مهم وانتي ف حياتي
دنيا ابتسمت بعدها برمت ع غاز
امجد..شن مطيبه اليوم
دنيا..رز امبوخ
امجد..الله احلى اكله عندي
دنيا..عدي اقعد مع علي على ماكملت الغداء
حط موبايل ع رخام وطلع مسكت موبايل وقعدت تحفظ ف رقم وردته ف مكانه
امجد..دنيا اسمعي اعليوه يقول بابا
دنيا..حبيبي ياخيه له فتره يحاول ينطق فيها
امجد..بس مش واضحه واجد
دنيا..مزال صغير ماه تعال شيل السفره
خش ماسك سفره وطبس باس خدها
امجد..سلم ايديك حبيبي
دنيا سكتت ولحقاته"
"انا..ااااه مش قادره مش قادره خلاص كبدي بتطلع معايا
ايهم مصبي ورايا وانا شويا ونرد نستفرغ وماسكه اجنابي
انا..اجنابي خلاص معش نقدر نتحمل
ايهم..صبي نعدو مستشفى
انا..لالا مانبيش مستشفى لا نبي نتريح ف سرير بس
ايهم يسمع ف باب يدق..توا نجي نفتح
انا حاطه ايدي ع فمي طلع فتح باب
سليمه..وينها
ايهم..ف حمام الصبح كله هك
سليمه..نسمع ف صوتها وهيا تالم تحس ف اجابنها
ايهم..اها حتى امس
سليمه..من الحركه هذي
خشت عليا وانا مصبيا ع حوض نغسل ف وجي
سليمه..خشي فراشك وارقدي ع سرير هذي الحركه ياميس
انا..معش بنتحرك خلاص بنتريح بس
سليمه..تعالي خشي لدار توا نقرا عليك
طلعت برا وايهم ورانا ساكت
سليمه..كان هذا نقعدو هنا بعدها خشي لدار
ايهم زمط ريقه..لا خشي ياامي لدار اريحلها
انا..نبي نرقد بالمره
خششها لدار وهو منحرج من دبشنا الي ع وطى امتاع ليله امس قعد يلم فيه وحطه ع كرسي وقمعز تلايا
ايهم..من وين تحسي فيهن اجنابك
خذيت ايديه وحطيتهن ع اجنابي
انا..من هنا ياايهم يوجعن بكل
هو يبحت فيا ويبي يحكي نحس فيه بس مش قادر سحب ايديه وخر من عليا
سليمه..استغفري واقري قران
انا..تعبانه
ايهم..هذي كثر حركه ونط امتاعك
انا..خلاص بدال ما تحكي كلام يريحني تزيد تعب فيا عليش قاعد تلايا اممممم اااااااا
ايهم..كنكككك ازف
انا نتألم..ايهم أطلع وسيبني
سليمه..خلاص خليها تهدأ
طلع ايهم وانا هديت شويا قعدت معايا لين هديت ونزلت هيا خش عليا ايهم يعض ف فمه
ايهم..ينعنجد الاحراج بكل دبش مطرطش ف دار ولا داخلي امتاعك ع سرير انا خلاص ازلطت وجي طاح
انا بحتت فيه..باه ذنبي بروحي يعني ماه انت الي تكر امس لين خربت سوسته الفستان
ايهم..والله نحرجت بكل ولبستك مش تمام بكل روب شفاف ازف
انا..شن بندير انا كنك تحكي هكي بعدين انا تعبانه حالي غير نبحت ف روحي ف مرايا شن لابسه
ايهم بحت في رقبتي وفنص..لالا انا معش ننزل لوطه وجي معش بنوريه لي امي
حطيت ايدي ع رقبتي وضحكت..شوف روحك انت بس
صبى ع مرايا وقعد مفنص وانا نضحك ف عز التعب
انا..خلاص توا اديرن شي بالحرام
ايهم..ماه لقطه بايخه وانا مانحبش بصاره حتى ف مواضيع هذينا لانه نحس فيهن خاصه تي مانحبش ازف
انا..خلاص عارفتها بايخه ومش حلوه يعني بس شن بنديرو باه كيف حملت انا كلهم عارفين خلاص مشى وخلاص
ايهم ابتسم..كيف حملتي تبيني نعاود المشهد
انا..حول ياصايع بيش هالمره تركب اعميمه تلاقك فوق مني
ايهم..نجي فوقك
انا فنصت..ايهم حول بطل صياعه خلاص
ايهم..ناخذ بوسه بس
انا..اييييهم تعبانه انا كنك
قرب خذاها مني ع سريع
ايهم..ينعليا عسل ردي ارقدي انتي خليني نلم حوسه الدار قصدي الفضيحه
انا نضحك وغطيت وجي بالفوطه غفيت ع طول"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
