#عكس_التيار✨
حلقه 16
"خش لكوجينه وانا كنت طايحه ع حاشيه المرمر امتاع الغاز وراسي ينزف
ايهم منصدم وقرب مني..مييس ميييس
رفع راسي ولاقى دم قعد يبحت ف ايده الي معبيه دم وفيا صبى يجري جابلي وشاح لانه لبستي كانت مستوره شمرني ونزل يجري من دروج
اذكر مفاتيحه فوق
ايهم..تسسسسنيييم
طلعن يجرن من حوش
سليمه..ينعليا كنها
ايهم..اركبي جيبي مفتايح ع طاوله بسرعه
تسنيم منصدمه..باهي باه هيا راكبه
ركبت لشقه وايهم طلع لجنان وسليمه خشت تلبس ف عبايتها وتسنيم نزلت من دروج
تسنيم..امسك هاك
خذاهن منها وفتح سياره حطني من لاوره وطلعت سليمه ركبت معايا
سليمه..شن صايرلها كنها تنزف البنت ياايهم
ايهم مرتبك..مش شش عاررفه ركبت لقيتها هك
سليمه..ان شاء الله خير ياربي
ايهم برم يبحت فيا..مزالت تنزف
سليمه..اها مزال استعجل هيا
زاد ف سرعه متاعه لين وصل لمستشفى ونزلني يجري"
"تسنيم..مش عارفه نزلها مغمي عليها وتنزف
محمد..هو كان فوق ونزل ولا ركب لاقهى هك
تسنيم..كان لوطه بعدها ركب
منير..ماردش عليا انا
محمد..اكيده لاهي فيها توا امك شالت موبايلها معاها
تسنيم..لالا قاعد جوا ماشالتش
منير..توا شويا أخرى نرن عليه مرات كيف خذوها منه
تسنيم..اها اكيده اصلا مالش واجد الموضوع
منير..باه ديرنا حاجه ناكلوها ازف
تسنيم..باهي هيا توا نديرلكم
منير..سقدينا يافرخه عندنا شغل نحن
تسنيم..حاضر
خشت تسنيم لكوجينه ومنير ومحمد برا ف جنان
منير..شن قصه سوالك نبدي ايهم حاكي حاجه
محمد..لالا ما قال شي بس شكله متعاركين
منير..يستر الله هذا مايعرفش يتحكم ف اعصابه بكل عارفه انا فلام
محمد..بس مع الي يحبها يتمسك ف اعصابه انت مش مذكره مع هبه ولا لا كان يرعش عليها رعيش
منير..الله يلعنكم انتم وحبكم بكلل
محمد ابتسم..اه من الحب
منير..ريت كيف يضحك خزي زي القرده
محمد..تي كنك ياتيس نق ع امي ساد ماني متعارك معاها توا
منير..العب وعليش متعاركين
محمد..ع سبه معش نفضى ومقصر معاها
منير..انقنك سمطتها امشي اخطب ازف البنت معلقه معاك لها كم
محمد..يصير خير وخلاص وانت ع ساس مافيش وحده ف بالك زارق عليك راه..وغمزله
منير توتر..زراق عليا شنو لا اني داير علاقه لا سحنتي انا خطاني النبي
محمد..الله الله توا نشوفو
منير..روح يا ص&$&
محمد يضحك..يينعليا من الش&$&
منير..اسس تسنيم جت خلاص"
"دنيا..ماقدرتش نرده ماقدرتش ندير هكي قوليلي شن ندير انا مش متخايله حياتي من غيره
اختها..اسس خلاص اهدي انتي لازم ماتخليش يفكر فيها ماتخليلش مجال اصلا
دنيا..وكيف هذي امجد هو الي علمني كيف نحبه وكيف نعيش ع سباه وهمني بحبه من يقول انه يطلع داس ف قلبه هذا كله وانه انا ماقدرتش نسيه
اختها..خليني نكمل كلامي بس قبل الراجل مايبي الا استكراد تعبيه خليه ايدور عليك ديما
دنيا..مشكلتي نضعف معاه مانقدرش
اختها..لا تقدري مافيش حاجه ماتقدريش نفس ماقدرتي تاخذي ال..
دنيا..امجد جاء توا بنصكر نحكوا بعدين
اختها..اوكي ديري نفس ماقتلك
دنيا..ان شاء الله باه
صكرت الخط وطلعت من دار
امجد..وينك ندور فيك
دنيا..ف دار كنت مش بنطلعو قلت
امجد..خليها بكرا لانه ميس ف مستشفى
دنيا..هييي كنها
امجد..تعالي نقولك شن صاير انا كنت برا خشيت لقيت محمد ومنير هما الي حكولي
دنيا..باه كنها
امجد..."
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
