#عكس_التيار✨
حلقه 46
"انا..عدييلللها امشششيلها تحبها ماااه خليتني نجي لحوش هلي وانت عشت لحظتك..زدت ف البكاء وهو يفنص مسك ايدي بقوه
ايهم ضاغط ع سنونه..اطلللعييي قدااامي
انا نفك ف ايديه..حوول ايدك عديلها امشي عليش قاعد فك ايدي ياايهم فكها
ايهم يتنفس بقوه..ماتخلينيش نتصرف تصرف نندم عليه
انا نشهق..شنو بدير أكثر مادرت قووولي اه
ايهم عيط..صكررري فمك خير مانمد ايدي ماتنرفزنيش
ماما طلعت لانه صوت ايهم عالي..شنو في ياايهم كنكم
ايهم يفنص فيا..مافي شي ياعمتي غير جيبي عبايتها بس
ماما وخشت وانا انهرت نبكي وهو ماسك ايدي بقوه طلعت رشا جايبه لعبايه ومستغربه
ايهم مدها ليا..البسسسي
رشا..ايهم بشويا عليها كنك
ريهام..خليها يارشا محد يدخل
رشا..باه اصبر توا نلبسها انا هاتها بس
مدلها العبايه وتباعد
رشا..كنكم شن في
انا نبكي وساكته رشا لبستني العبايه والوشاح
انا..رد بالكم من وسن
جاء ايهم كر ايدي وطلعني السياره فتح الباب وخششني بقوه وركب علق سياره وقعد يجري وانا نبكي ونحس ف بطني توجع فيا قعدت ماسكه بطني ومنزله راسي لين صلنا لحوش
ايهم مدلي المفتاح..اركبي لشقه طول شويا وجاي نعرف كيف نتفاهم معاك انا
خذيته منه وخشيت كان منير مصبي يكلم وصكر جاء شوري
منير..كنك ياميس في حاجه
انا هزيت راسي ب لالا
منير..ايهم وين
بحتت فيه وسمعت صوت دنيا تعيط خشيت نجري انا ومنير
دنيا مقمعزه ع دروج..حييييي عليااا حي امجد يامنير امجد
منير منفجع..كنه امجد كنه
تسنيم تبكي..داير حادث داير حادث
منير..امتى كيف وينه باه
تسنيم تبكي..اسال محمد
انا قربت من دنيا وانا بروحي نبكي..وسعي بالك ان شاء الله يقعد كويس
دنيا..ينعليا انا هذا امجد امجد مش حد ثاني ياميس قالي ليله ليلتي كان فرحان بيا بيطير يا عمري انا
انا حضنتها ونبكي معاها..معش تحكي هكي اسكتي خلاص وراس دنيا تسكتي
خشن مريم وبشرى وفاطمه وجوهن سود
فاطمه..وين امك
تسنيم نطت..حي عليا ماما حي عليا
خشت تجري جوا ومعاها فاطمه وبشرى ومريم تلانا
مريم..اسسس كنكن تفاولن عليه هكي اطلقيها ياميس اطلقيها خلاص امجد كويس ما فيه شي اسكتي انتي وياها
انا فكيتها..صبي اغسلي وجك
صبت دنيا وانا قعدت مقمعزه وتنهدت حسيت في حاجه نزلت مني حطيت ايدي لقيت دم
مريم..كنك تنزفي ولا شنو
انا صبيت..شكلها جتني نركب لشقه نغير
مريم..باه اركبي
ركبت لشقه وخشيت غيرت ونزلت لوطه
انا..شن صار
تسنيم تمسح ف دموعها..كلمنا ايهم قال كسر ف ايده بس وجرح بسيط ف بطنه
انا..باه الحمدالله امتى يطلع
تسنيم..بكرا ان شاء الله
انا..الحمد الله ع سلامته
دنيا حاضنه اعليوه..سلمك
شويا وخش ايهم وراه محمد ومنير
ايهم يبحت فيا ويفنص انا صبيت طول
انا..باه الحمدالله ع سلامته ع مهم طمنا عليه
كلهم..الله يسلمك
طلعت من قدام ايهم وقعدت نركب ف دروج ونسرع في خطواتي لاني نسمع فيه يجري ع دروج فتحت الباب وخشيت بسرعه خش ايهم ورايا
ايهم..فهمممتتتي توا فهمتتتي من الي رن عليا اه تبيني نعديلها صاار قلتي ونحبها افترضي صاح وحده بارمه عليا تخليها عادي تستنغي عليا
انا نبكي وبصوت متقطع..ايهم
ايهم عيييط..صككررري فمممك اسكتتي مانبببيش نسمع صوتك
انا قربت منه..ياايهم
ايهم مسك ايدي وقعد يغض فيا..قتلك اسكتي صاح اسكتي فوتيني ياميييس راه وصاله عندي لسماء مانببييش نززيد نعصب مانبيش نمد ايدي مانبيش نتصرف تصرف نندم عليه
انا قعدت نحس ف الالم ف بطني بقوه وقعدت نحس ف حاجه تنزل من كرعيا بحتت ف وطى لقيت سروال معبي دم
انا عيطت..حي عليا ياايهم حي عليا
ايهم بحت ف وطى..شنو هذا شنو كنك تنزفي هكي
انا قعدت نذكر ف كم حاجه ونهرت بكاء..طاح طاااح حي عليااااا
ايهم يفنص..انتي حاامل كنك ماتحكي ليش ساكته
انا جيت بنرد عليه قعدت نشوف ف صورته مشوشه قدامي ونسمع ف صوته بعيد لين نضت ع صوت ممرضه تلايا تشوف ف تغديه
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
