#عكس_التيار✨
حلقه32
رحاب..نعم كنك شن درت
عزو..نسمعك ف ليل تكلمي نخش نكسرك ياحيوانه
ماما..عزو خلاص خليها تعال معايا
عزو..انا قلتها نسمعها ف ليل يا ياامي تكلم نخش نوريها تي الواحد امتى بيتريح ازف
طلع عزو ورحاب قلبها يدق
ريهام..تريحتي توا لين هزبك
خشت ريهام تحت ورغان ورشا جت تلا رحاب
رشا..فوتيه انتي بعد ال12 معش تكلمي
رحاب..خوفني نحسابه عرف ب امس
رشا..شنو في امس
رحاب..جاء سفيان هنا جابلي شكلاطه عزقها ليا من وراء حيط
رشا..طيح سعدكم معش تعاوديها حي عليك
رحاب..هو اصر عليا حي نسيته امس رقدت خلي نشوفه
رشا..توا نطلع نشوف عزو طلع
طلعت رشا وردت عليها
رشا..مش قاعد كلمي
رحاب فتحت موبايل ولقت عرم رنات من سفيان رنت عليه شويا ورد
رحاب بصوت هادي..صباح الخير
سفيان..صباح النور
رحاب..امس نعست ورقدت بدون مانحس
سفيان..انشغلت عليك نحساب ف حد فطلك
رحاب..اها لا طحت رقدت شنجوك اليوم
سفيان..حال التعب توا ندزلك صور دولاب كوجينه احترت ف اثنين
رحاب..باه دزهن نشوفهن باه سرميك الحمام امتاع مربوعه اخترته
سفيان..اها امي اختارته معايا نبدري انا عجبني توا ندزه لكي مع صور
رحاب..باه تمام
سفيان..اوووف واجد
رحاب..شنو الواجد توا تكمل بشويا بشويا
سفيان ابتسم..لا نقصد لعند تكملي انتي الثانوي واجد
رحاب ابتسمت..بالعكس ناخذو ع بعضنا أكثر
سفيان..وحياتك بعد توصلي عندي تاخذي عليا أكثر
رحاب..بطل حناطه توا مانبيش نجوز بدون مانكمل ثانوي اهو نشوف ف ميس تاعبه مسكينه
سفيان..انا نساعدك وبعدين مش حتحملي وانتي تقري بعد تكملي ساهل
رحاب..عليك الي تفكر لالا كويس بعد سنتين تقعد حتى انت عقلت شويا
سفيان..شن قصدك بعقلت
رحاب..يييي عليا بتزعل توا ماقصدي شي يعني كل ماكنا كبار كل ما احسن
سفيان..اها صاح ان شاء الله ربي يهنينه وخلاص
رحاب..ان شاء الله يارب بعدين نحكوا توا بنشوف ماما
سفيان..باه اوكي
رحاب..سلام
صكرت رحاب وتنهدت ودزلها سفيان دولاب واخترت منهن وصبت طلعت"
"ف العشيه..
سليمه..هلا هلا
دنيا ابتسمت..خيرات يااعميمه
سليمه..خير كيف حالك وينك معش طلي
دنيا..تعب الحمل
سليمه..ربي ينوضكن ع سلامه ياخيه قعدت مكسده بروحي تسنيم تقرا وميس تقرا معش ريتها بكل و انتي تعب
دنيا..حقك عليا بس و الله تعب
منير خش..اووو دندن عندنا تي وينك معش نشوف فيك
دنيا ابتسمت..تعبانه والله
منير..باه سلامتك ان شاء الله فرخه تسنيم تقرا
سليمه..تقرا اها خطاها راك تخش عليها تبي حاجه قولي انا
منير..خلاص فوتي
دنيا..تبي قهوء
منير..لالا خلاص
دنيا صبت..لا والله توا نديرلك معاك أصحابك ولا حد
منير..منوره والله انا بس
دنيا ماشيا شور كوجينه..تي عادي ياهبل بالمره نحن نشربو
منير جاء قمعز تلا امه..ايهم ف شقه
سليمه..لاهي مع مراته ايهم مسكينه امتحانات وتعب
منير وخر ع صالون..باهي ان شاء الله ربي يعينها غير فقدته بس
سليمه..ماتفقد غالي ان شاء الله
امجد خش..هلا
سليمه..اهلين خش تفضل
امجد..وين دنيا نزلت قالي بنكسد هنا
سليمه..ف كوجينه ادير ف قهوء
امجد قمعز..دنيااااا احسبيني معااكم
دنيا..حاااضر
تسنيم طلعت من دار..كله انتم ف ازعاج ابداع
امجد..غير سلمي علينا بس لكي اسبوع ماشفتك
تسنيم..خيرات هاه سلمت وطى صوتك بنقرا
امجد..شن تقري
تسنيم..اوووف كيمياء
امجد..عندك حاجه مش فاهمتيها فيها
تسنيم..لالا تمام بس دراه كبد امتى يمشن
سليمه..توا يمشن توا يمشن غير بشويش عليك
منير..فكينا من دراما توا خشي دارك واقري
تسنيم..انت اسكت ترا مش ناقصك الواحد
برمت خشت لدار
سليمه..مش قتلك خليها عنك
منير طلع موبايله..مادرت شي
دنيا طلعت من كوجينه وحطت سفره ع طاوله
منير..تعبناك معانا
دنيا..عليك طروح
امجد..داير روحه مؤدب توا
منير..اطلع منها بيني وبين دنيا
سليمه..اشرب قهوتك وانت ساكت"
أنت تقرأ
رواية #عكس_تيار
General Fictionالرواية للكاتبة Anosha Alriany للعلم الرواية مش انا اللي كاتبتها بس قريتها وعجبتني وحبيت ننشرها
